سلطة التونة بالكرفس

لو عايزة تعملي أكلة سريعة وفي نفس الوقت مغذية، ولو بتعملي ريجيم وعايزة أكلة شهية، جرّبي معانا النهارده على "سفرة دايمة" سلطة التونة بالكرفس..
سلطة التونة بالكرفس
المقادير:
3 علبة تونة مصفّاة من الزيت
2 حزمة كرفس مفرومين
1⁄4 كوب بقدونس مفروم
1⁄4 كيلو زيتون أخضر مخلي
2 ملعقة كبيرة عصير ليمون
ملعقة كبيرة زيت زيتون
ملح وفلفل
الطريقة:
1- هاتي طبق غويط، واخلطي فيه التونة والبقدونس والكرفس والزيتون وعصير الليمون وزيت الزيتون والملح والفلفل، وقلّبيهم مع بعض كويس.
2- حطّي طبق السلطة في الثلاجة، وطلّعيه عند التقديم، وممكن تاكلي معاه عيش محمّص.. وبالهنا والشفا.

وبكده تكون خلصت وصفتنا النهارده..
نتمنّى إنكم تجرّبوها وتبعتوا تقولوا لنا رأيكم فيها..
وكمان لو عندك أي وصفة عايزة تعرفيها ممكن تبعتي لنا..
وإحنا هنقدّمها لك في أقرب وقت..