سلطة الفراخ بالجزر والطماطم

النهادره هاقدّم لك فكرة جديدة تقدري من خلالها تجددي في طبق السلطة اللي بتقدّميه لأسرتك كل يوم، يلّا بينا على المطبخ نشوف إيه هي الفكرة دي...
سلطة الفراخ بالجزر والطماطم
المقادير:
* 1⁄4 كيلو صدور فراخ مقطّعة شرائح صغيرة
* 1⁄4 ملعقة صغيرة فلفل أحمر مطحون
* 4 ثمرة جزر مقشرة ومقطّعة شرائح
* 3 ملعقة كبيرة عصير ليمون
* ثمرة طماطم مقطّعة عيدان
* 5 ملعقة كبيرة زيت زيتون
* 1⁄2 حزمة أوراق جرجير
* ملعقة صغيرة كمون
* ملح وفلفل أسود
* 1⁄2 كوب زبيب
* 1⁄2 حزمة كزبرة
الطريقة:
1- هاتي طاسة كبيرة وسخّني فيها ملعقة كبيرة زيت زيتون، وضيفي معاه تدريجيا شرائح الفراخ والكمون، ونصف ملعقة صغيرة من الملح، وربع ملعقة صغيرة من الفلفل الأسود، وقلّبيهم كويس مع بعض على النار لمدة 10 دقائق أو لغاية لونها ما يبقى دهبي.
2- هاتي طبق صغير واخلطي فيه عصير الليمون مع الفلفل الأحمر وباقي زيت الزيتون، ونصف ملعقة صغيرة من الملح، وقلّبيهم كلهم مع بعض كويس.
3- هاتي طبق السلطة وحطّي فيه خليط الفراخ مع خليط الفلفل الأحمر، وضيفي معاهم أوراق الجرجير والكزبرة والجزر والطماطم والزبيب.. وبألف هنا وشفا.

وبكده تكون خلصت وصفتنا النهارده..
ماتنسيش تجربيها وتبعت تقولي على النتيجة..
سلااااااام،،،