خايفة أخويا يقفشني وأنا باكلم صاحبه

أنا فتاة من جنوب مصر من أسرة محافظة جدا، وبادرس في آخر سنة في الكلية من حوالي سنة أتعرفت على صاحب أخويا، وأبدى اهتمام كبير بيّ، وكان فيه إعجاب متبادل، وصارحني بحبه وأنا كمان، ووعدني إنه يتقدم لي في أقرب فرصة، وعرفني بوالده ووالدته وهما رحبوا بيّ خالص.

هو نفذ وعده وكلم أخويا؛ وأخويا كلمني، وأنا وضحت لأخويا إني موافقة عليه؛ لإن خجلي منعني أقول له إني بحبه، وأخويا طلب مني أمنع أي اتصال بيني وبينه؛ لأنه مايصحش، ولحد ما يقدر يفاتح بابا في الموضوع بس ده لسه في الصيف.

أنا بصراحة مش قادرة أمنع نفسي إني أكلمه وهو كمان؛ بس أنا باحس بالذنب، وباحس إني باخون أخويا، لا أنا قادرة أنفذ كلامه، ولا قادرة أمنع إحساسي بالذنب وعذاب الضمير.

وكمان هو شخص مهذب جدا ومحترم وبيحبني بجد، إحنا قللنا كلامنا خالص بس مش قادرين نمنعه خالص؛ لأني لما باخد فترة ماكلموش باحس إني قلقانة وعايزة أطمن عليه، ومش بارتاح إلا لما أكلمه.

يا ريت تقولوا لي أعمل إيه؟؟ أنا خايفة أخويا يعرف إني لسه باكلمه.

Morgana girl


لو عايز تفضفض لنا دوس هنا