حبيبي سابني بس أخوه عايز يخطبني

السلام عليكم.. أنا عندي مشكلة ومش عارفة ليها حل؛ أنا اتعرفت على شاب في العمل معايا، واتكلمنا سوا، وكان ليه أخ، وأخوه ده كان حد قريب مني أوي، بعد شهر أنا والشاب اللي اتعرفت عليه ماتفقناش ومابقيناش نتكلم خالص، كمان هو أصلا اتعرف على بنت وهيخطبها؛ لكن أنا وأخوه لسه زمايل وبنتكلم مع بعض باستمرار.. وفجأة -والله ومن غير ما كنت أعمل حساب لأي حاجة- لقيت نفسي باتشد لأخوه جدا، وحبيته بس ماقدرتش أصارحه، وكنت باحاول أشيل الموضوع ده من دماغي؛ لكن ماقدرتش.

كل يوم كنت باتعلق بيه أكتر، وكنت باحس من ناحيته إنه كمان بيحس نفس الإحساس ده، وفجأة في يوم صارحني واعترف لي إنه بيحبني؛ بس مش عارف يعمل إيه، وكمان بيقول لي إنه طول عمره كان بيدوّر على الحب، ويوم ما لاقاه لاقاه معايا.. والشاب ده كان خاطب أخت صاحبتي؛ بس ماكانش بيحبها، ودلوقتي إحنا الاتنين بنحب بعض، ومش عارفين نعمل إيه.. وهو عايز ييجي يخطبني، وبعديها ب6شهور نتجوز؛ بس إزاي وأخوه وأهله كانوا عارفين بموضوع أخوه معايا في الأول؟ بالله عليكم أنا بجد تعبانة أوي، وعايزة حل مفيد، وفي أسرع وقت.

My love


لو عايز تفضفض لنا دوس هنا