هل يا ترى الحب عيب ؟

السلام عليكم .انا عندى 14 سنه بس بليز لما تجاوبينى متقوليش انى لسه صغيره انا عارفه اه انى سنى صغير بس انا فى 2 اعدادى وانا عقلى وتفكيرى كبير والحمد لله ومثقفه وعلى قد ما اقدر بنمى فى نفسى بس انا فى حاجه بحتار فيها الا وهيا حكايه الحب طبعا كل واحده فى سنى ليها حبيب بتحبه وتعيش معاه احلامها وده اللى كل البنات والشباب بيعملوه فى سن المراهقه الا انا انا بقى رئيي فى الموضوع ده متناقد سعات بقول كده احسن وانى خلينى محترمه وخلينى فى نفسى احسلى وكل كلام العادات والتقاليد وكده يعنى بس سعات بقول مافى بنات محترمه بيحبوا وبيتحبوا وعادى ومحترمين وكل حاجه فبيبقى حاجه حلوه لما يكون ليكى حبيب فى السن ده بصوا انا مش اى ولد بحبه لازم اهم حاجه انه يكون كويس وبيذاكر وليه مستقبل وكده لانى بالنسبالى الحب مش رغى فى التليفونات وخلاص لا انا بالنسبالى مساعده الترفين لبعد وده فأنا حبيت مرتين بس مكونتش ببين المره الاولى كنت صغيره وشيلتها من دماغى المرادى بقى انا وهوا صحاب على احد المواقع الاجتماعيه وهوا محترم جدا بس هوا ميعرفش بس انا سعات بحس انوا بيحبنى وهوا كمان بيهتم بيا وانا مبكلمهوش غير على الموقع ومقبلتهوش على الموقع غير لما اتأكدت انا محترم بصه انا ميهمنيش اى حاجه غير انى اعرف حرام اوعيب حكايه الحب دييه انا عن نفسى لو قولتولى هقتنع لانى اصلا بين البينين فانا عايزه اعرف اعمل اييه بالظبط هل الحب فى السن ده ينفع ماضال بالاحترام معرفش ينفع تنصحونى طب هل انا احب واتحب وعيش حياه المراهقه اللى كل البنات عايشينها ولا اعمل اييه هل انا لما احب واحد اعد اعمله فى مصايد زى ما كلوا بيعمل ولا اعمل اييه مش عارفه بجد . وعلى فكره انا متفوقه ومحترمه . وعشان كده سألت عشان اعرف فبليز جاوبونى فى اقرب وقت. ممكن.
صديقتى العزيزة
الحب هو الحياه ….. لا أحد يستطيع أن يتنفس بلا حب مهما كان عمرة صغيراً أم كبيراً .
الانسان الذى يعيش بلا حب هو انسان ميت ……. فلا يكون للحياة معنى ولا طعم بدون حب.. بغض النظر عن ماهية الحب الذي تقصديه أو تفصيله, فالحياة لا تستقيم بدون الحب …أختى الحبيبة ان تشعرى بالحب أمر مطلوب وصحى بالنسبة لكى وذلك بالقدر الذى لا يلهيكى عن هدفك فى الحياه كما ذكرتى فى رسالتك ،، أحلى شيء فيكى أختى الحبيبه تفكيرك المتزن وعقلك المستنير واهتمامك بمستقبلك وأهدافك فى الحياه ،فالغالبيه العظمى من الفتيات الآن يفتقرون هذا النوع من التفكير والشخصيات الضعيفة ولكن ما لاحظته من رسالتك أنك فتاه قويهة مستنيره العقل .
لا عيب ولا مانع من أن تحبى وتشعرى بأنك محبوبه فى نفس الوقت لكن ضعى دائمًا فى ذهنك أن هذه المرحله تتسم بمشاعرها المؤقته والمتقلبه فلا تجعليها تؤثر سلباً عليكى قدر الامكان،، ولا تضيعى وقتك فى نصب الافخاخ ولكن استمتعى باهتمام الطرف الاخر بك ولكن فى حدود الاحترام المتبادل وأن الله تبارك وتعالى مطلع عليكى فى جميع أحوالك فكونى حيث يريد ولا تفعلى ما لا يريد.
نصيحتى لك أختى الحبيبه ألا تمنعى نفسك من الحب طالما انت لا تفعلى ما يغضب الله … واهتمى أيضا بدراستك ومستقبلك اكثر من أى شئ آخر.
كل شئ سيأتى فى اوانه فلا تتعجلى الأمور وعندما يأتى الوقت المناسب ستحبين من كل جوارجك الحب الذى ينتهى بالارتباط.