خطيبي طمعان فيَ.. و مش عارفه أسيبه

السلام عليكم أحب أشكركم على مجهودكم الرائع ربنا يجازيكم عنه كل خير وأتمنى تساعدوني في أسرع وقت؛ لأنى تعبت نفسيًا جدًا..أنا عندي 24 سنة ومخطوبة من سنة ونصف لشاب عنده 31 سنة، أنا من أسرة محافظة جدًا، وهو منفتح عننا وده مسبب فجوة في التعامل ومشاكل أكيد لأنه مش متفهم ده هو ليه شقه فى بيت أهله بس صغيرة جدًا وقديمة فأهلى اقترحوا عليه يجبولى شقه وهو يشطبها وافق وفرح جدًا لأننا جبنا شقه كبيرة فى منطقة راقية لكن مامته عملت مشاكل إنه مش هيسكن معاها ففهمها إننا كتبنا له نصف الشقه باسمه مع العلم إن كلها بإسمى ومش عارفه نكتبله نصها ليه أصلاً شويه وطلب إنه يدخل بنسبه فيها مقابل التشطيب فرفضنا واتفقنا إننا ندفعله مصاريف التشطيب كاملة وتحملنا فى الفرش أكتر من المعتاد يعنى جوازة ببلاش كمان مش جابلى شبكه ولا عمره افتكرنى بهديه مع العلم إن امكانياته معقوله ومش عارفه هل بخيل ولا..لأ؟ لأنى عمري ما خرجت معاه، أهلى رافضين الخروج كمان، معاملته ليا مفيش أى اهتمام، ولا بسمع منه كلام حلو، وسألته كتير لو مش مقتنع بيا نسيب بعض يقولى لا مقتنع بس مفيش أى فعل بيدل على كده عملت مشاكل كتير وقررت أفسخها كتير وإما يحس بكده يبقى كويس يومين ويرجع تانى أنا متأكده إنه مش مقتنع بيا بس ميقدرش يسيبنى عشان الشقه وبرستيجه خاصه إنه مفهم كل الناس انها بتاعته أنا عارفه إنه مش بيحبنى وطمعان فيا لانى مستوايا المادى أعلى منه كتير هتقولولى واما مقتنعه بكل ده مش بتسبيه ليه لإن ماما عندها 70 سنة وبابا متوفى واخواتى كلهم متجوزين ومهم جدًا عندها إنى أتجوز فى حياتها وأهلى اتنازلوا كتير عشان يجوزونى وهو مقدرش ده بخاف اسيبه ماما تتعب؛ لان تفكيرها إنى لو فسخت مش هتخطب تانى؛ لان نسبة العنوسة كبيرة، أنا واجهته إنى مش قادرة أكمل معاه، وإنه مش بيحبنى و مهتم بيا فاعتذرلى وخلق حجج لتقصيره أنا معنتش طايقاه ومش قادرة أفسخها أعمل إيه بالله عليكم ساعدونى أنا حاسه إنه هيتجوز الشقه مش أنا.
صديقتنا العزيزة
أقدر ما تشعري به من حزن وألم، ولكن دعينا نفكر سويًا، أنتي تريدين أن تستمري مع خطيبك خوفاً علي حزن والدتك كبيره السن سليم جدًا هذا الكلام، فلو استمريتي معه تظنين أن والدتك ستكون سعيدة؟ وستشعر بالإطمئنان عليكي عندما تراكي تعيشين حياة بائسه وتعيسه؟، فهذا الشاب لا يرغب في الزواج منك؛ لأنه يريدك لشخصك ولكن طمعًا في المنزل والمستوي المادي والاجتماعي فبالتأكيد والدتك لا ترضي بذلك .
وأنتي تذكري في كلامك أن هذا الشخص من عائله منفتحه وأنتي من عائلة محافظة، وهو لا يتحمل إلا القليل لتجهيز منزل الزوجية ومثل ما قلتي (جوازه ببلاش) وغير صريح، ولا يهتم بك ولا يحسسك بحبه، وأنه يطمع فيما لديك ماذا تنتظرين بعد ذلك؟ فلابد أن تتركيه؛ لأنك لو استمريتي مع هذا الشخص سوف تظلمي نفسك.
يا أختي الكريمة ليست حياة التي ترغبين أن تكمليها مع هذا الشخص حرصاً منك علي حزن والدتك
أنتي فتاة 24 سنة ، لست كبيرة والعمر أمامك لتجدي من يستحقك، وأكيد ربنا يرزقك الخير، والزوج الصالح في حياة والدتك إن شاء الله ، ويبارك لكي في عمرها، ولكن لا تضيعي عمرك وحياتك مع الشخص الخطأ الذي لا يستحقك ولا يقدرك، فأتركيه و حاولي أن توضحي لوالدتك عن مدي تعاستك معه، وعدم ارتياحك، وعدم شعورك بالآمان معه و تعيشي معه في جحيم ، وأنك لو استمريتي معه سوف تعيشي دائمًا حزينه و غير سعيدة، ونرجو منكي أن تتواصلي معنا حين تصلي إلي قرار.