هي فعلاً عايزة تعيش يومين.. وإنت حبك ليها عمره ما كان جَدّ

هاي "بص وطل".. أنا من زمان عايز أحكي لكم حكايتي.. أنا لسه متعرف على واحدة معايا في الدرس، وهي كانت بتظهر لي حبها؛ على أساس إنها من غيري ممكن تموت، عشان كده بدأت أحبها.
وعدى شهر وشهرين، وحبيت أتأكد من حبها؛ فخليت واحد صاحبي يكلمها على أساس إنه معجب.. والطبيعي إنها تقول له شكراً وتقفل السكة في وشه؛ بس دي فتحت معاه حوار كبير؛ لحد دلوقتي، وهو عرف اللي أنا ماعرفهوش عنها.
أنا كنت بحبها أوي، وهي برضه؛ بس طبعاً بعد الحوار ده مافيش حب خالص.. أنا باتكلم وخلاص، وهي قالت لي إن فيه نمرة اتصلت بيها إذا كنت أنا أعرفها ولا لأ؟ قلت: لأ.. والمكالمة التانية الولد كان لسه بيكلمها قدامي، وأسألها: النمرة اتصلت بيكِ تاني؟ تقول لي: لأ خالص.
يا ريت تقولوا لي إيه الحل عشان أنا دلوقتي مصدوم، ومش عارف أذاكر.. هل هي بتحبني ولا لأ؟ ولا هي كذابة؟ ولا عايزة تعيش لها يومين مع أي حد؟ ولا إيه ده؟
أنا أول مرة أحب بجد، ويوم ما أحب أتخان.. يلّا هو ده حال الدنيا.
kimo


لو عايز تفضفض لنا دوس هنا