فيه طبعاً حب في الدنيا بس لازم نكون قده

أنا طول عمري ما ليش حظ في الدنيا دي، وبدأت في الحب ومش عارف ليه.. بس عايز أحكي معاكم شوية علشان أنا تعبان خالص من الموضوع ده أنا كنت بحب إنسانة حوالي سنة ونص وهي كمان كانت بتحبني أوي فوق ما أتصور، وهي اللي خلتني برضه أحب.
بس جات في الأيام الأخيرة اللي لازم تكون جنبي فيه، وقالت لا كفاية كده أنا مش عايزة أكمل، ولما تكون جاهز بقى تعال اخطبني.. رحت رديت عليها وقلت له أنا محتاجك جنبي دلوقتي.. تصوروا قالت لي إيه!! قالت لي: مش هينفع، لازم نتخطب.
وأنا لسه متخرج من الكلية والحياة صعبة أوي، وبابا لسه متوفى من سنتين، وأنا لوحدي بعد الله سبحانه وتعالى، ومش عارف بجد الإنسانة حبيتني ولا لأ ولا أنا اللي غلطان في حقها؟ يا جماعة هو في حب في الدنيا دي ولا ما فيش؟ فيه حد مخلص ولا لأ؟ هو فيه حد بيخاف على حد ولا لأ؟
معلش يا جماعة أنا عايز الرد واللي عنده حل يا ريت يرسيني أو يبعت لي الحل ويقول وجهة النظر بتاعته.
e.s


لو عايز تفضفض لنا دووس هنا