همزة الوصل الذي انتهى

أولا أنا باشكركم على الموقع الجميل ده أنا هاكتب لكم مشكلتي، وأرجو الرد عليها وشكرا لكم لتعاونكم معاي أنا بحب واحد اسمه محمد هو أكبر مني بثلاث سنوات، وكنت بحبه أوي، وهو كان بيمووت فيّ؛ بس مرة واحدة انشغل عني أيام امتحاناته، وقلت بلاش أسأله عن سبب انشغاله، بعد كده اتعدل معاي وخرجنا مع بعض عادي ودخلنا سينما وإحنا قاعدين عمل حركة ما عجبتنيش ومشيت، بعد كده هو صالحني وقبلت أسفه.
بعد كده اتغير خالص فسألته مش بتسأل علي ليه؟؟ قال لي أنا اشتغلت قال لي بس ما تعتبرش شغلانة أوي أنا باساعد جدي وكده يعني المحل ده بعد بيتي بشوية، وبعدها ما سألش عليّ خالص، اتصلت بيه قال لي ما تفضليش تقولي لي مش بتسأل علي ليه؛ أنا مش فاضي المحل آخد كل وقتي، واليوم ده أنا كنت باجيب حاجات ما كانش موجود خالص، وكان 3 أيام مش موجود، بعد كده شكيت إنه بيكلم واحدة غيري؛ فخليت أخت صاحبتي تزاوله، وفعلا اتصل بيها، واتعرف عليها، وقال لها نتقابل ساعة ما هو كان بيكلمها على الموبايل، كنت أنا باتصل ورد عليه قلت له بتكلم مين قال لي واحدة معجبة بي وما رديش يقول الباقي.
من ساعتها وهو مش بيتصل وأنا ما اتصلتش بيه، واحدة صاحبتي تكون قريبته أخدت مني رقمه وكلمتني عاادي، هي قالت لي إنه قال لها أنا مش قادر أكمل معاها وإني باحب واحدة تانية، وبعد كده لما هي جات لي البيت لقيت معاها صورته وقالت لي إنها أخدتها من عمه، بعد كده كلم صاحبتي الأنتيم وقال لها إن أنا باشتم عليه، وإن قريبته هي اللي قالت كده، قالت له لأ أنت اللي بتشتم عليها وقريبتك قالت كده وهي فعلا قالت لي كده، وبعدين هي قالت لي إنه بيقول لها عايز يشوفها وهي بتشتمه وتقول له لأ عشان صاحبتي؛ فبعدين قال لصاحبتي الأنتيم إنه عايز يشوفني ويتكلم معاي كتير، أنا مش عارفة أروح ولا لأ، أنا تعبت خلاص ونفسي أشوفه؛ بس مش عارفة أروح ولا لأ، يا ريت حد يرد عليّ، أنا خلاص تعبت عشان بحبه أوي وميرسي جدا على تعاونكم معايا.
ياسمين