عليك أن تخبريه بمخاوفك فلا ذنب لك في مشاكله

أحب أعرف رأيكم في هذا الموضوع.. أنا مرتبطة بواحد بقالي سنتين ونصف، وبنحب بعض جداً، وهو بيحبني جداً، ودي أكثر قصة حب فوق الحدود؛ بس هو دلوقتي عشان أزمة الشغل والقرف اللي الواحد فيه متغير أوي، وغير كده أنا على طول اللي باتصل بيه وبتطمنّ عليه دلوقتي؛ إنما هو لأ، وبيقول لي على كل حاجة بيعملها، مش بيخبي عليّ حاجة خالص.
بس عدم اتصاله هو اللي بيضايقني منه أوي.. ومن النوع الغيور أوي، أنا بحبه جداً لدرجة إني لما باقفل معاه باكون عايزة أكلمه ثاني.
وفيه حاجة ثانية غير ده عايزة رأيكم فيها.. إن أنا قايلة له اسم مش اسمي خالص، وعايزة أعرّفه اسمي الحقيقي؛ بس خايفة أقول له ويحصل مشاكل؛ بس أنا كلهم بينادوني بالاسم ده عشان مش بحب اسمي أصلاً، وخايفة أقول له، ويحصل مشاكل أعمل إيه في الموضوع ده؟
وعايزة الرد بسرعة.. وهو كده بيحبني ولا لأ؟ هو ضحّى بحاجات كثيرة عشاني؛ كان المفروض يسافر وما وافقش عشاني أنا، وخوفه عليّ المستمر؛ بس عدم اتصاله بيخيلني أقول كلام ثاني إني مش في دماغه خالص.
mony
لو عايز تفضفض لنا دوس هنا