تعلقك به طبيعي لكن لا تتخلي عن خوفك

أحب أشكر موقع بص وطل على مجهوداته الرائعة، وبجد نفسي حد يرد عليّ لأن أنا مش عارفة أركز في أي حاجة في حياتي ولا في مذاكرتي.
أنا في تانية ثانوي وبحب واحد أكبر مني بخمس سنين، هو في كلية الهندسة، وهو كمان بيحبني، وأنا -الحمد لله- الكل بيشهد لي بالأخلاق وحسن التربية، ومتفوقة في دراستي.
بس أنا دلوقتي عندي جنون التفكير فيه، وطول الوقت، وخايفة يحب واحدة تانية ويسيبني بعد ما اتعلقت بيه. هو شخص كويس أوي، ويعرف ربنا وكلامه ليّ بيحسسني إنه عمره ما يسيبني أبداً؛ بس بمجرد إني أخلّص كلامي معاه بيرجع لي خوفي تاني.
أنا عارفة إن كل حاجة قسمة ونصيب؛ بس أنا خايفة بعد ما علّقني بيه يسيبني؛ خاصة إني أول مرة أسلّم لمشاعر المراهقة.
وعلشان أنا خالته اللي مربّياني فأنا عمري ما خبيت عنها حاجة، وهي تعرف كل حاجة، وأنا -الحمد لله- ملتزمة ودايماً مع ربنا، ومش باعصيه بأي تصرف أو فعل مقصود؛ بس أنا نفسي الشخص ده يكون ليّ.
أتمنى إنكم تردوا عليّ ضروري لأني بجد مش عارفة أذاكر خالص، وأتمنى ليكم كل خير.

dera dodo

لو عايز تفضفض لنا دوووس هنا