أوسيم تضيء بذكراه، الكنيسة تحيي ذكرى نياحة القديس مويسيس الأسقف الزاهد    بدء اختبارات كشف الهيئة لطلاب مدارس التمريض بالإسكندرية    مواقيت الصلاة اليوم الإثنين 18 أغسطس 2025 في القاهرة والمحافظات    موعد فتح باب التقديم لوظائف وزارة الإسكان 2025    محمد عبدالجليل يكتب: أسد في مواجهة عامل مغترب.. «المواطن المصري» سلعة رخيصة في ليبيا!    بحضور وزير قطاع الأعمال.. تخرج دفعة جديدة ب «الدراسات العليا في الإدارة»    سعر الطماطم والبطاطس والخضار في الأسواق اليوم الاثنين 18 أغسطس 2025    البنك المصري الخليجي يتصدر المتعاملين الرئيسيين بالبورصة خلال جلسة بداية الأسبوع    رئيس "حماية المستهلك": وفرة السلع في الأسواق الضامن لتنظيم الأسعار تلقائيًا    إغلاق مطعم "عز المنوفي" بالمنصورة لمخالفات صحية وعدم وجود ترخيص    أبرز تصريحات الرئيس السيسي خلال اجتماعه لمتابعة خطط تطوير شبكات الاتصالات ودعم قطاع تكنولوجيا المعلومات    «تحالف الراغبين»: مستعدون لإرسال قوات ردع إلى أوكرانيا بعد وقف القتال    قد تكون الأخيرة، إيران تتأهب للحرب المقبلة مع إسرائيل (فيديو)    لاريجاني: نحن لا نتدخل في الشؤون الداخلية للبنان لكننا في جميع الظروف نقف إلى جانبهم    بين السَّماء والأرض.. زائر ليلي يُروّع أهل تبسة الجزائرية على التوالي بين 2024 و2025    لاريجاني: إسرائيل طلبت وقف الحرب بعد فشلها أمام الصواريخ الإيرانية    احتجاجات غاضبة أمام مقر نتنياهو تتحول إلى مواجهات عنيفة    الأمم المتحدة: نصف مليون فلسطيني في غزة مهددون بالمجاعة    أبرز تصريحات رئيس الوزراء خلال لقائه نظيره الفلسطيني الدكتور محمد مصطفى    رضا عبد العال: يانيك فيريرا لا يصلح للزمالك.. وعلامة استفهام حول استبعاد شيكو بانزا    بمشاركة لوكا مودريتش، ميلان يفوز على باري بكأس إيطاليا    أمير هشام: الأهلي سيقوم بتحويل قيمة جلب حكام اجانب إلى الجبلاية    "لا يصلح"... رضا عبدالعال يوجه انتقادات قوية ليانيك فيريرا    أول تعليق من البلوجر علاء الساحر بعد إخلاء سبيله    شبورة كثيفة على هذه الطرق، حالة الطقس اليوم الإثنين    التحقيق في مقتل لاعبة جودو برصاص زوجها داخل شقتهما بالإسكندرية    المرور في مصر.. منظومة ذكية لحماية المواطنين وخدمات طوارئ 24 ساعة    وزير الثقافة ومحافظ الإسماعيلية يفتتحان ملتقى «السمسمية» القومي الثالث    الموت يفجع الفنان سامح حسين    مهرجان القلعة.. أمسية صوفية مع ياسين التهامي وعمرو سليم يتألق على البيانو    حظك اليوم الاثنين 18 أغسطس 2025.. طاقة جديدة وفرص مهنية في انتظار كل برج    كريم الشناوي: «بدري أوي يا تيمور.. ربنا يرحمك ويصبر حبايبك»    سامح حسين يعلن وفاة الطفل حمزة ابن شقيقه عن عمر يناهز ال 4 سنوات    "بفستان جريء".. نادين الراسي تخطف الأنظار من أحدث جلسة تصوير    سامح حسين يعلن وفاة نجل شقيقه عن عمر 4 سنوات    متحدث الصحة يفجر مفاجأة بشأن خطف الأطفال وسرقة الأعضاء البشرية (فيديو)    حضريها في المنزل بمكونات اقتصادية، الوافل حلوى لذيذة تباع بأسعار عالية    الصحة تكشف حقيقة انتشار سرقة الأعضاء البشرية في مصر    في غياب الأهلي.. فتح باب حجز تذاكر الجولة الثالثة للدوري    الرمادى: محمد السيد من مصلحته التجديد للزمالك.. وفتوح لا يستحق البيع    أشرف صبحي يجتمع باللجنة الأولمبية لبحث الاستعدادات لأولمبياد لوس أنجلوس    قرار هام بشأن البلوجر «شاكر محظور دلوقتي» في اتهامه بقضية غسل الأموال    بداية متواضعة.. ماذا قدم مصطفى محمد في مباراة نانت ضد باريس سان جيرمان؟    ننشر أقوال السائق في واقعة مطاردة فتيات طريق الواحات    حماية المستهلك: نلمس استجابة سريعة من معظم التجار تجاه مبادرة خفض الأسعار    وائل القباني عن انتقاده ل الزمالك: «ماليش أغراض شخصية»    تنسيق الثانوية العامة 2025 المرحلة الثالثة.. كليات التربية ب أنواعها المتاحة علمي علوم ورياضة وأدبي    رغم وفاته منذ 3 سنوات.. أحمد موسى يكشف سبب إدراج القرضاوي بقوائم الإرهاب    فاجعة وفاة تيمور تيمور.. 10 إجراءات بسيطة قد تنقذ حياتك من الغرق    عيار 21 الآن في الصاغة.. سعر الذهب اليوم الإثنين 18 أغسطس بعد الانخفاض الأخير (تفاصيل)    أمينة الفتوى توضح علامات طهر المرأة وأحكام الإفرازات بعد الحيض    هل يجوز ارتداء الملابس على الموضة؟.. أمين الفتوى يوضح    4 ملايين خدمة صحية مجانية لأهالى الإسكندرية ضمن حملة 100 يوم صحة    حلاوة المولد، طريقة عمل السمسمية في البيت بمكونات بسيطة    فيديو.. خالد الجندي: عدم الالتزام بقواعد المرور حرام شرعا    رئيس جامعة الوادي الجديد يتابع سير التقديم بكليات الجامعة الأهلية.. صور    مرصد الأزهر: تعليم المرأة فريضة شرعية.. والجماعات المتطرفة تحرمه بتأويلات باطلة    حزب الجبهة الوطنية: تلقينا أكثر من 170 طلب ترشح لانتخابات مجلس النواب    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



شوربة الجمبري بالخضراوات وسلطة الفواكه الشتوية على "سفرة دايمة"
نشر في بص وطل يوم 20 - 01 - 2011


أعدها لكم: رحاب سليمان
في عزومتنا النهارده حبينا نلبّي كل طلباتكم اللي طلبتوها الفترة اللي فاتت..
وفي نفس الوقت حرصنا إنها تكون وصفات سهلة وسريعة وبسيطة..
العزومة النهارده هيكون فيها شوربة جمبري، وكيكة السمك، وسلطة الجزر على الطريقة المغربية، وسلطة الفواكه الشتوية..

*******************
اسلقي الجزر وضيفي عليه باقي المكونات
سَلطة الجزر على الطريقة المغربية
المقادير:
* 1/ 2 كيلو جزر مقطّع مكعبات
* 1/ 2 كوب كزبرة وبقدونس مفرومين
* ملعقة صغيرة فلفل أحمر مطحون
* 1/ 2 كوب عصير ليمون
* 4 ملاعق زيت زيتون
* 4 فصوص ثوم مفرومين
* ملح وكمون
الطريقة:
1- حطّي الجزر في ميه على النار، وسيبيه لمدة 30 دقيقة، لغاية ما يتسلق.
2- شوّحي الثوم والبقدونس والكزبرة في طاسة فيها زيت على النار، وبعدين حطّي عليهم الملح والكمون، وقلّبيهم مع بعض لمدة 5 دقائق.
3- بعد كده ضيفي عليهم الجزر، وقلّبي كل المكونات مع بعض، لحد ما كله يختلط كويس، وبعدين ضيفي عصير الليمون، وقلّبيهم لمدة 3 دقائق تقريبا على النار، وبعدين ارفعيها من على النار، وقدّميها.. وبالهنا والشفا.

*******************
شوربة لذيذة وطريقتها سهلة
شوربة الجمبري بالخضراوات
المقادير:
* كيلو جمبرى صغير (ولو كبير قطّعيه نصفين)
* 2 كوب بطاطس مقطّعة مكعبات
* 1/2 كوب جزر مقطّع مكعبات
* 1/2 كوب بصل مقطّع مكعبات
* ملعقة صغيرة توابل للأسماك
* ملح وفلفل أسود
* كوب كريمة طبخ
* 2 عود كرفس
* 4 كوب لبن
* كوب ميه
* زبدة
الطريقة:
1- أول حاجة هتشوحي الجزر والبصل والكرفس في زبدة أو سمنة على نار متوسطة، لحد ما يستووا شوية والبصل لونه يبقى ذهبي، وبعدين حطّي الميه وقلّبي المكونات مع بعض على النار، وسيبيهم على النار لحد ما مقدار الميه يقل للنصف، وبعد كده اضربى الخليط ده في الخلاط.
2- اخلطي اللبن والبطاطس والتوابل والملح والفلفل في حلة، وحطّيهم على النار وسيبيهم يغلوا، بعد كدة قللي درجة الحرارة، وسيبي الخليط على النار لمدة عشر دقائق، وقلّبيه من وقت للتاني.
3- اضربي الكريمة وضيفيها على خليط اللبن وهو على النار، وسيبيهم يغلوا مع بعض شوية.
4- بعد كده حطي خليط الخضراوات اللي ضربتيه في الخلاط على خليط اللبن والكريمة، وسيبيهم يغلوا مع بعض، وبعدين حطّي الجمبري وسيبي الشوربة على النار لحد ما الجمبري يستوي، وبعد كده قدميها سخنة.. وبالهنا والشفا.

*******************
طريقة جديدة ولذيذة لتحضير السمك
كيكة السمك
المقادير:
* 1/ 2 كيلو سمك فيليه
* 1/ 2 كيلو بطاطس مسلوقة ومهروسة
* ملعقة كبيرة شبت مفروم
* ملعقة صغيرة بشر ليمون
* ملعقة كبيرة عصير ليمون
* 2 عود كرفس مفروم
* بصلة صغيرة مفرومة
* 2 فنجان بقسماط
* 1/ 2 كوب دقيق
* ملح وفلفل أسود
* فنجان لبن
* 2 بيضة
* زيت
الطريقة:
1- افرمي السمك وضفيه على البطاطس المهروسة، ومعاه البصل والكرفس والشبت وبشر الليمون وعصير الليمون، وتبّليهم بالملح والفلفل الأسود، وقلّبيهم كويس أوي مع بعض، لغاية ما يبقى الخليط متماسك مع بعضه.
2- شكّلي من الخليط ده كور أو فطاير صغيرة على حسب الشكل اللي تحبيه، وحطّيها في الثلاجة لمدة نصف ساعة.
3- اضربي اللبن والبيض مع بعض في طبق صغير، وضيفي عليهم فلفل أسود.
4- بعد كده حطّي كور السمك في الدقيق، وبعدين اغمسيه في خليط البيض واللبن وآخر حاجة في البقسماط، وممكن تسيبي الكور شوية علشان تهدى وتتماسك مع طبقة البقسماط اللي عليه، علشان ماتفكش منك وإنت بتحمّريها.
5- حمّري كور السمك في زيت غزير ساخن على الجانبين لحد ما يبقى لونها ذهبي، وقدّميها.. وبالهنا والشفا.

*******************
ممكن تقدّمي معاها أي كيك عندك أو بولة آيس كريم
سلطة الفواكه الشتوية
المقادير:
* 1/ 4 كيلو فراولة
* 2 ثمرة أناناس
* 2 ثمرة تفاح
* 3 ثمرات موز
* 2 ثمرة كيوي
* 2 ثمرة كمثرى
* 2/ 3 كوب سكر بني
* 1/ 4 ملعقة صغيرة جوزة الطيب
* 1/ 4 ملعقة صغيرة قرفة
* 1/ 3 كوب زبدة
ملحوظة: ممكن تستعملي فاكهة معلبة أو تكوني حافظاها عندك في الفريزر، أو أي فاكهة من الفواكه اللي موجودة في الموسم.
الطريقة:
1- قطّعي كل الفاكهة واخلطيها في طبق كبير.
2- اخلطى باقي المكونات، وضيفيها على الفاكهة، ودخّليها الفرن على درجة حرارة 325 لمدة 20 دقيقة، وقدميها وهي سخنة، وممكن تقدّمي معاها أي كيك عندك أو بولة آيس كريم.. وبالهنا والشفا.

وبكده تكون خلصت عزومتنا النهارده
أتمنى إنها تكون عجبتكم
وتجرّبوا كل الوصفات اللي قدّمناها
وتبعتوا تقولوا لنا النتيجة كانت إيه
*********************
للتعرف على مزيد من الوصفات الشهية
اضغط هنا "سفرة دايمة"
*********************


انقر هنا لقراءة الخبر من مصدره.