تُحبين حبه واهتمامه.. وكلامه لا يُثبت صدقه

أنا كنت مرتبطة بواحد معايا في الجامعة، وكان بجد أوّل حب في حياتي، وكنت باشوفه بيحبني؛ بس فجأة لقيته بيبعد عني.. شكيت إن فيه بنت في الموضوع، وطلع كلامي صح، طلع إن فيه بنت كانت بتحبه من على النت، وهو اعترف لي بده، وإن هو مش بيحبها، ولما قلت له يقطع علاقته بيها، قال لي: لأ دي صاحبتي وأنا مش هقطع علاقتي بيها.
وفضل يغيّر معاملته معايا؛ قبل موضوع البنت دي كان قايل لي إنه هيتقدّم لي لما نخلّص السنة دي (آخر سنة في الجامعة)؛ لكن بعد موضوع البنت قال لي مش قبل سنتين، عايزة تستني أو مش عايزة إنتِ حرة.. ولما قلت له: طب افرض حد جالي خلال السنتين دول، أعمل إيه؟ قال لي: لو حد كويس وأهلك وافقوا يبقى هم أدرى بمصلحتك.. حسيت إنه فعلاً بايعني وقلت لازم أبعد عنه شوية.
المهم فيه واحد كنت عارفاه من على النت؛ بس فعلاً كنت باعتبره صديق، وكنت باحكي له على موضوعي؛ فقال لي إن ده مش بيحبك.. وبعد كده حسيت إن الولد ده معجب بيّ بس كنت باكدب على نفسي، بعديها قال لي إنه بيحبني؛ رفضت في الأول وقلت له: خلاص أنا مابقيتش أثق في حدّ، حلف لي إنه بيحبني وإنه مش هيكدب عليّ، وحسيته فعلاً بيحبني بجد ومستعدّ يعمل عشاني أي حاجة.. وكنت باعامله معاملة وحشة أوي وبرضه بالاقيه بيعاملني معاملة كويسة، وبيحبني يوم عن يوم، ولما قلت له مرة إني مش هاكمّل معاه؛ اتخنق لدرجة إنه بكى.
دلوقتي أنا حبيته بس حاسة إنه بيحبني أكتر مني، غير كده لما قال لوالدته على موضوعنا، قالت له: لما تخلّص دراستك. وعايزة تتعرّف عليّ.
أنا خايفة من الموضوع ده، ومش عارفة أكمل ولّا لأ؟ حيرانة ومش عارفة أعمل إيه، ومش عارفة ارتباط النت ده صح ولّا غلط؟ وخايفة أسيبه وأخسر حبه.
nice

لو عايز تفضفض لنا دوس هنا