أنا مرتبطة بواحد زميلي في الكلية، وفي الأول كنت باحس إنه بيحبني جدا، وبعد فتره قصيرة حسيت إنه بدأ يتغير في المعاملة معايا؛ يعني ما بقاش يسأل علي زي الأول ولا بقى فارق معاه يشوفني زى الأول، ولما سألته اتغير ليه قال لي إن عنده ظروف في البيت وبقيت اتصل بيه ما يردش عليّ خالص، وسألته أكتر من مرة إذا كان عاوز يسيبني قال لي لا طبعا وأنا لو عاوز أسيبك مش هاخاف إني أقول لك؛ بس أنا عندي ظروف في البيت وبجد مخنوق ومش عاوز أكلم حد مع إنه بيتكلم مع أصحابه عادي جدا. ولما باقول له يقول لي أنا مش لازم أكشر في وشهم عشان أنا مكتئب، وإني بدأت أحس إنه إنسان ضعيف ومش بيقدر يواجه المشاكل اللي في حياته، وخايفة لو كملنا سوا أعاني من موضوع ضعفه؛ وخصوصا إن أكيد هتقابلنا مشاكل بعد كده أنا بجد مش عارفة هو بيتصرف معايا كده ليه إذا كان فعلا بيحبني زي ما بيقول ومش عارفة أكمل معاه، ولا لا؟ وبجد خايفة أكمل أندم بعد كده وأقول يا ريتني ما كملت معاه، وأنا بجد بحبه بس أنا مش بحب الراجل الضعيف. B