بصراحة الموقع ده هايل وجميل أوي وبجد بيفيدني في حاجات كتير في حياتي فأنا بجد باشكركم على الموقع ده.. أنا عايزة آخد رأيكم في موضوع، أنا بحب واحد وهو كمان بيحبني أنا أعرفه من زمان وهو كان بيحبني من زمان بس أنا ماكانش في دماغي كنت عادي باعتبره أخويا المهم كلمني وكده، وارتبطنا فترة وبعدين سبنا بعض سنة وبعدين كلمني وقال لي إنه بيحبني وإنه ناوي بجد إنه يتقدم بس كان في سنة 2 كلية لسه وكده، وإنه معاه مبلغ وهييجي يتقدم بيه، وكده، المهم قلت له أنا هاقول لماما وأعرّفها وكده قال لي ماشي وهو كلمها ومامته كلمتها واتفقوا إنه هييجي في إجازة نص السنة المهم أبوه ما رضاش وقال له لا لما تخلص السنة دي، للعلم والدة مش بيصرف عليه خالص وهو اللي بيشتغل ويصرف على نفسه. المهم جينا آخر السنة وكده طلع عنده مرض السرطان وعمل عملية وخف الحمد الله بس المشكلة إن المبلغ اللي كان معاه صرفه في العملية وماعادش معاه فلوس خالص وطبعا ماما لما سمعت جاحة زي كده قالت عليه نصاب وإنه بيضحك عليّ بس بجد هو مش كده وأنا بجد بحبه أوي أوي وهو كمان بيموت فيّ، وقال لي استنيني لحد أما أخلص كلية ساعتها ممكن أسافر وأشتغل في أي مكان؛ لأن حاليا الكلية مقيداه مع إنه بيشتغل بس هتكفي بالعافية مصاريف الكلية، هو بجد طموح جدا لدرجة كبيرة لدرجة إنه وهو في ثانوي سافر الإمارات واشتغل وكده، بس طبعا الفلوس راحت في العملية بس الحمد الله على كل حال..
المهم أنا عندي استعداد استناه وما أوافقش بحد غيره بس ماما بتقول لي لو جالك حد حاليا هتوافقي بيه وأنا قلت لها لا أنا مش هاسيبه وبعدين ده إنسان بيحبني وطموح وهيعرف إزاي يحافظ عليّ وبعدين الظروف اللي هو فيها دي مش بإيده هو هيعمل إيه أسيبه عشان ظروفه ولا أفضل معاه واستناه.. بجد حد يرد عليّ؛ لأني بجد بحبة أوي ومش عاوزة أسيبه لأنه بجد يستاهل إني أضحي عشانه بالدنيا كلها.. أنا آسفة طولت عليكم.
sendrla
مشاعر الحب هي مشاعر جميلة خلقها الله في نفس كل إنسان تساعده على التكيف مع وليفه، ولكن وكما خلق الله لنا مشاعرنا خلق لنا العقل، العقل الذي يلجم المشاعر عندما تجمح محاولة إلغائه. بعيدا عن الغموض أو الطلاسم، لا تأخذي وصف والدتك عن هذا الشخص بأنه قد يكون كاذبا وأن ما يقوله ليس حقيقيا، لا تأخذيه على أنه افتراء؛ فالأب والأم عاشا في تلك الدنيا أكثر بكثير مما فعلت أنت ورأيا منها الكثير ومرا بتجارب عديدة من بينها الحب وبالتالي فهما ليسا من كوكب آخر. والحل الآن، هو أن تحاولي أن تجتمعي بوالديك، وتقنعيهما بأن يعطيا هذا الفتى المهلة المحددة التي يرتضيانها أيا كانت حتى ولو كانت سنة واحدة فحسب، افعلي ذلك دون أن تثيري غضبهما، دون أن تشعريهما أنك تلوين ذراعيهما، دون عبارات من نوعية: مش هاتجوز غيره يا بابا ويا رب أموت، فهذه الأشياء تشعر الأب أن ابنته خرجت عن طوعه وباعت رأسها لشخص غريب، بل يجب أن يشعرا في حديثك حديث فتاة واقعية لا تطلب أكثر من مهلة يعامل فيها هذا الشخص كأي طالب زواج يأخذ فرصته وإذا نجح كان بها وإذا لم يكن فكفى الله المؤمنين شر القتال. الضمانات التي يجب عليك تقديمها للأهل حتى يوافقوا على هذا العرض هو وعد منك بألا تتواصلي معه خلال هذه الفترة حتى يحدد موقفه وهذا بالمناسبة ليس كلاما للاستهلاك، بل هذا ما يجب عليك فعله؛ لأنه سيكون أحد أوراق الضغط التي ستضغطين بها على هذا الشاب حتى تعرفي ما إذا كان يريدك حقا. وفقك الله إلى ما يحبه ويرضاه.
