مش هيحميكي ولا راضية به زوج.. طب ليه مستمرة معاه؟

أنا هاكتب مشكلتي وأتمني إنكم تحسّوا بيّ وتردوا عليّ في أقرب وقت.. أنا بحب واحد بقالي خمس سنين، وإحنا مع بعض كويسين جداً وبنحب بعض أوي ومتفقين على الخطوبة كمان سنتين، وأمي عارفة بالموضوع، وأهله وأبوه عارفين الموضوع.
بس فيه مشكلة إني دايماً حاسة إنه هيتغير معايا بعد كده، حاسة إنه مش ده اللي هيكون أمين عليّ أو مسئول عني ما اعرفش ليه؛ مع إني ما اقدرش أعيش من غيره ولا هو كمان يقدر يعيش من غيري وأنا واثقة من ده.
ودايماً بادوّر على حد تاني أقدر أعيش معاه بعد كده وأضمن إنه يكون قادر على حمايتي، وفعلاً لقيت الشخص ده؛ بس مش عندي أي إحساس ناحيته بأي نوع من الحب، هو مجرد إعجاب بيه، وهو طلب يتقدم لي وأنا باقول له يا ريت تستنى شوية لحد ما أتأكد من إحساسي تجاهك؛ بس أنا واثقة إن الشخص ده هيقدر يحميني بعد كده.
ما أعرفش الإحساس ده ليه على طول ملازمني تجاهه هو بس؛ مع إن لو أي شخص ما اعرفهوش ولا بحبه طلب إيدي باحس إنه هيحميني أكتر من الشخص اللي أنا وهو بنحب بعض.. يا ريت تجاوبوني لأني تايهة بجد.. شكراً.

Nono

لو عايز تفضفض لنا دووس هنا