الحب هييجي هييجي بس في وقته.. فما تستعجليش

السلام عليكم أنا عندي مشكلة ممكن تبان إنها بسيطة؛ بس هي بتزعجني..
أنا عندي 16 سنة وفيه واحد جارنا من نفس سني بيحبني وهو معي بنفس المدرسة؛ بس لما عرفت إنه بيحبني كان في مدرسة تانية، وكان عندي 12 سنة، وأنا اتفاجئت لما عرفت، وقلت ده أكيد حب عابر وراح ينساني بعد كده لأنه الحب في المرحلة دي بيكون زي الوهم وما كانش الموضوع بيشغلني ويؤثر فيّ؛ غير إني باخجل شوية لما يقابلني، وكنت باحاول إنه ما يشوفنيش علشان أخلّيه ينساني.
بس بعد لما دخلنا مدرسة مشتركة كان بيطّلع فيّ كتير؛ بس أنا ما كنتش باخد بالي؛ بس واحدة صاحبتي هي اللي قالت لي، ولما عرفت كده احتمال يكون إن أنا فرحت لأني قبلها كنت باقول يا ريته لسه بيحبني! مش عارفة ليه؟
يمكن لأني حسيت بالفراغ العاطفي، وبعد كده أنا شفت بنفسي مواقف حبه لي، وبدأت أفكّر فيه، وبدأ يوحشني، وكمان بقى نفسي أشوفه ونفسي ما أشوفهوش لأني باتحرج جداً منه، وباخاف أمشي في الشارع وأقابله.
هل يا ترى ده حب ولا حاجة باشغل بيها فراغي العاطفي بأول واحد يحسسني بالحب، وكمان أنا محتارة أقابله ولا لأ لو طلب إنه يرتبط بي.. هو حسن الهيئة ومؤدب؛ بس فيه ناس بتقول عليه إنه زي البنات، وفيه ناس تانيه بتقول إنها مش شايفة كده خالص.
أنا من رأيي إنه مش من السهل إن الإنسان يلاقي حد يحبه بجد.. يا ترى الحب في السن ده بيكون حقيقي ولا لأ بالنسبة له؟
.s

لو عايز تفضفض لنا دووس هنا