دبابيس.. الكاتب الساخر مجدى فرج الشاعر

**حدث أمس .. الووو .. الحاج مجدى .. ايوة ياحاج .. طيب والنبى احنا عاوزينك علشان تدهنلنا اوضتين بالزيت .. انت عاوز مين ياحاج .. مش الأسطى .. مجدى قطة .. لأ .. ياحاج انا الاسطى مجدى المحامى .. محامى الصبح ومبيض محارة بعد الضهر .. أى خدمة بدل قعدتنا دى … أجيلك وأجيب العدة معايا امته …الراجل من كتر الضحك مسمعتلوش صوت تانى .. ههههههههه.
**شايف سيادتك الخطوط العميقة الزرقا دى .. اااه .. أهى دى بقة النفس البشرية لما تغوص فى اعماق الباطن اللاشعورى .. ياعم أنا مش شايف غير شوية شخبطة الوان على بعض بتاعت عيل فى اولى حضانة ومش عارف يمسك الريشة .. فقام دالق علبة الألوان على اللوحة .. أنا مسمحلكش يافندم .. أنا فنان تشكيلى .. طيب بس تعالى كدة وريلاكس انت تشكيلى وأنا أشكيلك .. يابن الوارمة .. ههههههههه.
**بيقولك ياسيدى.. تم القضاء نهائيا على الفساد والرشوة والمحسوبية واستغلال النفوذ .. فى مصر .. امتة ده ؟؟؟ يوم القيامة بعد العصر … ههههههه
**طبطبت على نفسى .. وقلتلها .. معلش .. طلعت ايدى مش نضيفة وسخت القميص .. نحس ..ههه.
**لو سمحتى يامراتى ياحبيبتى رنى على المحمول بتاعى مش عارف نسيته فين ؟؟ حاضر رنيت اهو والتقيته .. ايه ده .. انت مسجل اسمى .. وش العكننة هانم .. طيب خد محمولك أهو .. بيقولك سبع دكاترة بيحاولوا يخرجو المحمول من دماغه ولسة مش عارفين .. دعواتكم لأخوكم الشهيد … ههههههه
**يامن صورت لى الدنيا كقصيدة شعر .. دى طلعت زفت يابنى .. ههه
**الشيخ .. الطنطاوى.. المقرئ رحمة الله عليه .. عمل مقبرة فى بيته اللى بعيد عن البلد خالص واندفن فيها .. طيب .. قانونا غلط .. علشان قانون المقابر بيقول الدفن فى المقابر العمومية .. ولو بنينا مقبرة بحوار المقابر بيتعمل محضر مبانى على ارض زراعية .. والمطلوب ان المقبرة تبقى دور واتنين وتلاتة .. وده شرعا غلط.. طيب نعمل ايه ياشبه دولة .. لاكدة عاجب ولاكدة عاحب .. وبصراحة عجبتنى فكرة ان كل واحد عنده ارض زراعية يعمل مقبرتين ليه ولأهله ونخلص .. يااما تولعوا فى الجثث زى الهنود .. ويجعله عامر