الترامادول بين الوهم النفسي وادعاء الادمان وبين الدافع له والارغام عليه

يعد الترامادول واحدًا من أكثر أنواع المخدرات انتشارًا بين العديد من الشباب الذين يتخذون منه طاقة خارقه تعين علي الاستيقاظ لفترات طويلة والهروب من واقع يومهم المرير للوصول الي السعاده المؤقته والنشوة " العيش فوق السحاب " ، دون أن يضعوا بين حسباتهم الواهمه اضراره ولكن كيف نلوم علي الشباب الذي كاد ان يكفر بواقع حوله لا يتعرف بحقوقه ، ودوله تفتح ابواب السوق المخدر وتتحكم به سواء عن طريق تهريب الحدود او عدم الرقابة المنوط بها وزارتي الداخليه والصحه ، إلا أن الخطأ لن يكتمل الا بميول الشباب الي الطرق السهله التي تجره الي مالا يجهد تفكيرة فيتخذ من المخدر هروب او زياده طاقة للاعانه علي العمل وتحسين الدخل ليصبح كغيرة ممن حوله ، وهذا ما اكده ( أ – ب ) احد المدمنين حينما سرد رحلته مع الترامادول (بدات معايا من فرح مع اصحابي جرب صنف جديد جربت لقيت الدماغ عليت والدنيا بقيت بمبي والواحد نشيط ودماغه رايقه بيتكلم بيتحرك كانت من هنا البدايه طبعا حبيت الموضوع وكان صاحبي كل يومين يعدي عليا ويعطيني حبه افتحها وادوبها مع نصف كوب من الشاي واعيش .مره علي مره بقيت انا بدور عليه واشتري لانه كان يساعدني علي عملي انا اساسا مندوب تغذيه وبحمل عربيات التغذية وبشتغل فترة طويلة جدا يمكن من 6 صباحا ل 12 بليل ودا بسببة برضو كان الإعتماد كله عليه بيخلى الشخص المعتمد علية ما يقدرش يقوم بعملة دا من غيرة الطاقة الوهمية والنفسية طبعا لانه تسكين للآلم ومن هنا بدأت ازود فى الجرعه يعنى الصبح كنت اصحى اخد حباية 250 على المغرب اخد كمان نص حباية لكن في الاول خالص كانت 25 و 50 مللي جرام وكان لون الحبايه اخضر ، ويضيف قائلا دفعني الترامادول للانحراف السلوكي والكثير من الحماقات. انا زودت الجرعه عشان اسوق نقولهم زودوا المرتب مش راضين يا اسيدنا الوقت كثير كبير وكمان الجرعه زادت لان جسمي معدتش بتأثر فيه الجرعات الاولي والشريط بيغلي يعني وصل 150 جنيه وكنت بفضله عن الاكل والشرب لان من غيره مش بتحرك واللي ساعدني ان كنت لسه مش متزوج كان كل همي اوفر مش بس الشريط لا العلبه علشان ابقي اقدر اكون فايق واتعامل مع الناس فضلت كدا 3 سنين وظهر انواع تانيه منها تيدول التردول تامول ترامادول 225 جربت كله بس كنا بنعرف المضروب الصيني من السليم ، بس بيتعرف طالما مضروب بيعمل صداع ومفرول وما بيديش حتى تأثير المسكن بالعكس دا بيزود الآلام ، وحينما سئل عن امكانيه التخلص من الادمان بعلاج ، قال بطلته لوحدي بدون مصحه ادمان ولا مراكز لان الموضوع مش بتوقف علي الشخص نفسه بل علي طبيعه البيئة والمجتمع اللي هيقول عليه انا اخدت القرار لاني لقيت نفسي ضايع مافيش هدف ومافيش عيشه زي البني ادمين وكمان قررت ارتبط استحاله هقولها اني مدمن او هتعامل معاها وانا بتعاطي مخدر قررت ابدا علي نظيف وشوفت فتره اسود من السواد وقولت ليهم انا اللي فيه دا لاني ببطل السجاير بس استحملت لاني حطيت هدف وربنا كرم وحققته ودلوقتي بقيت اب ومش مدمن )وعلي الوجه الاخر اخذني الفضول لكي اعرف موقف اصحاب المدمنين الذين لا يتعاطون اي مخدر ؟ لا اخسر صاحب ولا اخسر نفسي دا منطق محمد الذي اخذ يحدثنا عنه قائلا ان من بين اصحابه من يتعاطي الحشيش والترامادول والبانجو وانواع اخري وبيتعزم عليا منهم ومن غيرهم بس باخدها واجامل بيها حد بيشرب او ممكن اخلص بيها مصلحه لكن في الاصل انا مليش غير السيجاره الفاضيه وحتي لو صادفت في قعده وفيها شرب مش بتفرق لاني مقتنع اني مشربهوش مش هقول علشان انا عارف اضراره لكن لانهم واهمين نفسهم بانه هيروح لدنيا غير الدينا ماهو في الاخر تفوق وهتعيش الواقع عيشه بقي من الاول وخلاص وتكسب صحتك . بينما الدكتور اسامه الفضل اخصائي امراض نفسيه وعصيبه يقول ان الحاله النفسيه التي يصل لها المدمن لا نقول عزله عن العالم بالضبط لكن هو له تأثير بسيط مقارب للمورفين ولذلك فهو يعمل كمسكن ممتاز للآلم ويضيف قائلا ان هناك اثار جانبية كثير للترامادول منها القلق والهياج اضراب المزاج والشعور المزيف بالقوة ويعرف ب euphoria وتكمن مشكله الدواء الاكبر فيما يسمي باعراض الانسحاب عند توقف التعاطي بصورة مفاجئة حيث يشعر المريض بالام شديده بالجسم في كل مكان وهو ما يدفعه للعوده لتناوله وهذا بالعاده يكون بنسب بسيطه ولكن في العلاج من الادمان يقوم علي الاراده تسبق كل التعليمات والارشادات العلاجيه . وعن الدور الرقابي يقول الدكتور الصيدلي مازن الملا انه لا يوجد اي رقابه تمنع الجريمه فقط ربما تساعد في تقليلها والحد منها وان الرقابه عليهم من الصحه والتموين والتجاره وهناك تفتيش مفاجئ وعاده بيكون مره الي مرتين بالسنه وعند تلقي اي بلاغ عن صيدله تبيع ترامادول او اي نوع مخدر او بيع ادويه مهربه من التأمين الصحي او بيع ادويه غير مرخصه او غيرمسعره وبالتالي تشكل لجنه وفي حاله الثبوت تغلق الصيدليه ويحاسب المسؤل عنها ، وهذا لا يعني منع صرف الترامادول نهائيا بل يصرف تحت رعايه طبيه وبروشته من الطبيب موثقه . اسئلوا الحكومه الاول البودره رخصت ليه ؟ مع اول سؤال وجه له عن الترامادول قال ع أ احد سائق التاكسي انا نفسي حد يجاوبنا ليه تسكره البودره بقت 30 جنيه و 50 جنيه وشريط الترامادول بقي ب 150 جنيه اللي كنا بنجيبه ب 7 جنيه الاجابه عند الحكومه مش احنا ليه بناخد برشام دا ملك مقسمه المسؤلين سياسه غيب العقول ترتاح هما صحيح غلو البرشام بس موجود بس احنا بنقول ضرره اخف من البودره وان اموت بالبطئ . وبقي الصمت يخيم عليا بعد تلك الكلمات مين هيحاسب مين ليجيبني مثلُ اذا كان رب البيت بالدف ضاربا فمن شيمه اهل البيت الرقص .