طلاب المعهد الصحي بالمنصورة يطالبون بكية للعلوم الصحية وإلغاء الدورات اتدريبية خريجى الدبلومات الفنية

اعتصم طلاب المعهد الصحى بالمنصورة وامتنعوا عن حضور المحاضرات أمس الاثنين الموافق 27 فبراير ليطالبوا بحقوقهم المشروعة والمتمثلة فى إنشاء كلية للعلوم الصحية ومطالبة وزير الصحة بإلغاء قراره فى عمل دورات تدريبية لخريجى الدبلومات وبالتالى يتساوون مع خريج المعهد الصحى ،ولكن موظفى المعهد تعرضوا لهم بالسب والنقد اللاذع
وفى تصريح خاص ل"الزمان المصرى "أكد محمد الدسوقى القطب على أن مطالب الفنيين الصحيين بشكل عام إنشاء كليه للعلوم الصحية .فلا يعقل أن يكون هناك كلية للعلوم الصحية فى القطاع الخاص فقط ولا يوجد فى الحكومة كلية واحدة للعلوم الصحية، وكأن الفنى ليس له قيمة باختصار " الفنى ملوش مكانه حاليا.. لما دولة تطلب فنى ..هتطلب خريج جامعة.. ولا خريج معهد ،والمدهش أن المعهد الصحى هو بس اللى بيخرج فنيين
والمطلب الثانى وزير الصحة ووزير التعليم العالى أصدرا قرارا ليس منطقيا ومضمونه إلحاق دورات تدريبية تشمل دبلومات الصنايع والنسيج والخياطة والكهرباء.. تشمل أى حاجة فازاى طالب جايب 50 فى المائة ياخد دورة 6 أشهر ويتساوى مع طالب حاصل على 90 % ويدخل قسم التمريض معانا طلبه
95% فالحد الأدنى للدخول 90% فالتحق بالمعهد وفقا للقرار أكثر من 200 طالب حاليا من شهر تقريبا والتحقوا بعد مرور التيرم الثانى للدراسة فازاى ؟هيتحسب له ازاى ؟ سؤالى أوجهه للمسئولين هيتحسب له ازاى ؟والشهادة هيحصل عليها ازاى مفيش تكافؤ لا من ناحية المجموع ولا من ناحية الدراسة
والآن التحق معانا ناس مبتعرفش تكتب اسمها يجى لى طالب 50% دبلوم صنايع من حدادة ولا برادة ومبيعرفش يكتب اسمه ولا بيعرف إنجليزى فازاى هيتعامل مع مريض أصلا، وفى دورات الإسعاف يأتوا بأناس من بره وأنا عندى هنا الخريجين من المعهد الصحى
ووفقا لقرار 36 لسنه 2012 يلغى مادة 7 من القرار 446 لسنه 2007خلى الطالب يدفع 300 فى حين المصروفات لا تقل عن ألف جنيه ويتساوى مع الطالب اللى له حق شرعى و جاى من ثانوية عامة وجايب 95% وتعديها وفى طلبة يتعدى عمرها 40 سنه واللائحة الأصلية كانت 21 عاما فإذا كان طالب عمره 40 سنه هأخد منه إيه بعد كدا.. هنا إخلال بمبدأ تكافؤ الفرص والإخلال بالعدالة وكنا عند الوزير الدكتور حسين خالد يوم 18 من شهر فبراير ناقشنا معه إنشاء كلية للعلوم الصحية فقال لنا لابد من وجود ميزانية لإنشاء الكلية وموافقة من رئيس الجمهورية وممكن نحل هذه المشكلة بوجود معامل الصحة المهئية لتصبح كلية وبإمكان الطالب يدرس فى المعامل الصبح بالجامعة والمواد النظرية هنا فى المعهد ..فقال انه هيشوف الفكرة ولم يمنحنا اتفاق نهائى وبذلك مش هنكلف نفسنا لم نطالب بإلغاء المعاهد الصحية ولكننا نريد كليه علوم صحية فالمبنى موجود والمعامل بالجامعة متاحة وطقم التدريس متوافر.
وتطرق الدسوقى إلى المطلب الثالث وهو إصلاح المنظومة التعليمية فى المعاهد الصحية ..بعض المواد مضى عليها أكثر من عشرين عاما دون تغير مفيش متابعة من المسئولين هل هناك منهج من عشرين عاما دون تطوير ؟ فهو شئ غير منطقى بالمرة ؛ فالمنظومة التعليمية بحاجة إلى تغيير جذرى فنطالب بكلية للعلوم الصحيه ووقف الدورات التدريبية نتمنى وقفها تماما ولا يعد لها وجود تماما بالنسبة لنا طلبنا الجهات العليا بمطالبنا وكذلك أعضاء مجلس الشعب ولم يستجيبوا. لنا نرجو ان يكون خريج المعهد الصحى على خريطة الوطن الناس تحس بيه لأننا بنمثل جزء كبير من الشعب. النهاردة فنى الأشعة ولا فنى المعامل ولا صيانة الأجهزة والمراقب الصحى لو هذا القطاع وقف مين هيعمل أشعة مين هيعمل تحاليل مين مين ؟ بالرغم من ذلك نحن ضد الاضرابات ولكن نحن فى حاجة لتلبية مطالبنا ؛ فمثلا كون إن مجموعة الدورات التدريبية عملت مظاهرة قدام مكتب الوزير يقوم يأشر لهم كدا بجرة أيد فنحن نريد العدل نعطى للمريض حقه وإحنا ناخد حقنا سواء حق مالى أو حقنا فى التعليم تعليم عال ؛ النهاردة فنى الأشعة بيتعامل مع أجهزة بملايين الجنيهات كجهاز أشعة الرنين المغناطيسى والقطعية كلها أجهزة مكلفة لازم الطالب يكون على دراية كاملة بالحاجات دى ولما ياخد راتب بسيط ويكون تعبان هيشتغل إزاى ؟يجب أن يكون مرتاح ماليا مش هنقول أحسن من الناس ومش يحس باضطهاد وان يكون له كلية زى قرينه فى الجامعات الخاصة يقدر يستطيع يكمل دراسات عليا فيها ويصل إلى الدكتوراه زى الناس التانين ليه وزارة الصحة تقف ضدنا ؟ ليه لا تنظر لهذه الفئة ومجموعها عال؟
فالطالب يقوم بتثقيف نفسه بيروح يتعلم بره فى المستشفيات والمعامل فمواد المعهد مش هتنفعه لولا انه بيثقف نفسه عشان مش هتشغله نقابة العلوم الصحية بالدقهلية ..فلن نألوا جهدا من أجل مصالح الفنيين ومتابعة مصالحهم للوصول لحقوقهم المشروعة
وأضاف وليد توفيق الشعبة الثانية صيانة لا نطالب بتحويل المعهد لكلية علوم صحية المعهد يفضل سنتين فى ناس بتفكر ان إحنا عايزين نلغى المعهد لا منلغيش المعهد احنا نطالب ببقائه مع إنشاء كلية للعلوم الصحية ، عايزين الواحد يتخرج يكون تقنى وليس فنى المعهد الصحى دا دبلوم عايزين نكون تقنين نساوى كل الناس ، كان زمان أول معاهد صحية اتعملت فى مصر بعد كدا الدول التانيه أخدتهم مننا وطورتها وبقت كليات السودان فيها كلية علوم صحية ليه بقا مصر ميبقاش فيها كلية علوم طبية إحنا أقل منهم يعنى
ويقول عبدالله محمد عبد العظيم فى كل دول العالم توجد كلية علوم طبية إحنا بنطالب ننشئ كلية علوم طبية من 5 شهور على التليفزيون صدر قرار تحويل المعاهد الصحية لكلية علوم طبية إحنا مش بنطالب بإنشاء قوانين فى دلوقتى قوانين لسه متنفذتش ، إعتصامنا وكل دا على أساس إننا عايزين نعجل القرار دا شوية وفى إستهتار جدا مننا أنا واحد من الناس بتحرج ألبس بالطو جاى هنا 93 % و 94 % ولاقى واحد بيقولى دا أنت فنى دا أنت كذا المفروض يكون مستوى تعليمى أحسن من كدا
بداية الموضوع ان كان فى دعوات على النت بدأنا نعملها من فترة طويلة جدا بالتعاون مع فنين فى الزقازيق وفنيين فى الإسكندرية ودعمنا الأستاذ محمد فى الموضوع دا وبدأنا بعد الوقفة الاحتجاجية اللى كانت قدام مجلس الوزاء من فترة طويلة فعملنا وقفة على أرض الواقع الموضوع منظم مع جميع معاهد الجمهورية.
محمد عبد الجليل تانية أشعة
وفكرة السفر صعبة ففكرة انى أسافر بسنتين مبسفرش بتعين على درجه رابعة إنما بكالوريوس أفضل