رشا مجدى: مساء اخيرمشاهدينا الاعزاء واهلا بكم فى حلقة جديدة من يحدث فى مصر احمد بصيلة : اهلا بكم المستشفيات والدواء والاطباء هم مثلث الهموم الذى يثقل كاهل المواطن المصرى ويحاول القطاع الصحى فى مصرتطويرالمستشفيات لتقديم خدمة صحية اكبر رشا مجدى:وزارة الصحة رصدت فى العامين الماضيين 971 مليون جنيه لتطويرالمستشفيات العامة ووضع خطة تحديث وبناء مستشفيات الخطة دى بتستهدف 112مستشفى بنهاية 2011 احمد بصيلة :من ضمن التطويرتطويراجهزة الاشعة في خطة من اجل هذا التطويرتم تنفيذ 135 جهازاشعه متنوعة الخصائص وكذلك التطويرالانشائى لمراكزالاشعة ب30 مستشفى رشا مجدى:وزارة الصحة وزعت 65 جهازاشعة والرنين المغناطيسى وده على مستوى الجمهورية احمد بصيلة :لكن قطاع المستشفيات عليه ايضا العديد من الملاحظات مثل النقص فى الطاقم الطبى والتمريضى ببعض المستشفيات رشا مجدى:مشاكل عديدة ومحاولات للتطويرهنتعرف عليها من خلال ضيفنا فى الاستوديوالدكتوراسامة خليل رئيس الادارة المركزية لقطاع الطب العلاجى بوزارة الصحة اهلا بيك يا دكتور احمد بصيلة :اهلا بيك يا دكتوريعنى موضوعات كثيرة ومتنوعة ويعنى شىء مهم جدا موضوع الصحة قبل ما نبتدى الحديث عن المستشفيات والتطويراسمحلنا نشوف تقريرحول هذا الموضوع تقرير على الرغم من المعوقات التى تواجه المرضى لدى دخولهم المستشفيات الا ان وزارة الصحة تواصل مجهوداتها لتحسين الخدمات الصحية ووضع معاييرجديدة بها فى محاولة جادة لتوفيرالخدمة العلاجية والوصول بها الى مستوى الاجادة د/عبد الحميد اباظة *مستشاروزيرالصحة لمجلسى الشعب والشورى : مازال قصورفى بعض المستشفيات لكن هناك فيه تطويروفيه خطة تطويرطموحة جدا عندنا فى الطب العلاجى فى الفترة القادمة لتطويرعدة مستشفيات تباعا كل سنة لان طبعا التطويرده مكلف جدا ماديا وادبيا ومن ناحية التدريب يعنى مجهود شاق للغاية انما طبعا التطويرجارى وفق لخطة فى خلال ال 5 سنوات القادمة ان شاء الله هيكون فيه تطويرجيد لكل هذه الاعمال . بدا مشروت تطويرالمستشفيات منذ عدة سنوات وشمل البنية التحتيه وتحديث كافة الاجهزة العلاجية وتوفيرمراكز علاجية متخصصة لكافة محافظات مصرلتحقيق اللامركزية فى العلاج. د/بهاء ابوزيد*مدير معهد ناصر:جالنا مجموعة من الاجهزة الحديثة اللى رفعت من مستوى الاداء واصبحت نافذة للتشخيص الدقيق لاصعب الامراض على سبيل المثال قسم الاشعة احنا جالنا السنة دى جهازحديث هو احدث جهاز فيه مجال الاشعة المقطعية جالنا فى قسم المناظيرمنظار جديد يمكن تكلفته اكترمن2 مليون جنيه يعتبراحدث منظارفى مناظير الجهاز الهضمى يمكن النهاردة وصلنا مجموعة من الالات الجراحية الخاصة بجراحة المخ والاعصاب وجراحة الاورام مجموعة كبيرة من الالات تمكنا من اننا نقدر نستفيد ونستغل غرف العمليات لعدد اكبرمن العمليات الجراحية وبالتالى هى تخدم المريض والمواطن اللى بيرد الينا فى معهد ناصر تطبيق معايييرالجودة فى كافة المستشفيات المصرية هوما تحرص عليه وزارة الصحة المصرية وذلك بهدف رفع كفاءة الخدمات الطبية وتوفيرها طبقا لمعايير الجوده العالمية . رشا مجدى:دكتور اسامة خليل هنبدا الحديث برقمين استوقفونى بعض الشىء الرقم الاولانى ان الخطة تستهد بناء 112 مستشفى بنهاية 2011 احنا تقريبا عندنا كام مستشفى؟ د/ اسامة خليل :احنا عندنا بالنسبة للمستشفيات العامة والمركزية المستشفيات المركزية بتنقسم لمركزى ا ومركزى ب مركزى ب دا القوى الاستيعابية بتاعته 50 سريرمركزى ا 100 سريرالمستشفيات العامة المفروض تبقى الطاقة الاستيعابية بتاعتها فوق ال200 سرير او 250 سرير بالاضافة للمستشفيات التعليميه اللى هى تابعه للمعاهد التعليميه ودى تبقى مستشفيات تعليميه بحثيه بتماثل مستشفيات الجامعات رشا مجدى: بتستقبل مرضى يعنى ؟ د/ اسامة خليل :اه بتستقبل مرضى وليها دوربحثى بالاضافة الى الدورالوقائى والعلاجى بالاضافة للمراكز المتخصصة العدد كله 507 مستشفى من القاهرةلاسوان رشا مجدى: دا غير ال112 المستشفى الجداد ؟ د/ اسامة خليل :لا احنا ال112 مستشفى دول حضرتك احنا بنستكمل بناء مستشفيات كانت قائمة بالفعل بناء مستشفيات وتحديث البعض منها بنيجى ما بينفعش معاها ان احنا نحدثها وبالتالى بنبتدى نبنيها من اول وجديد ونطوراللى موجود اللى الحالة الانشائية بتاعته بتسمح بالتطويران احنا لقينا الحقيقة فى البداية مشكلة المستشفيات عندنا الاساسيه البنية التحتيه فاحنا بنعالج مشاكل بقالها سنين طويله رشا مجدى:زى اللى حصل مع المعهد القومى للامراض مثلا ؟ د/اسامة خليل :تمام كدا احمد بصيلة :هل العدد دا يا دكتور بيكفى بتحسب العملية على حساب عدد السكان فيه عدد مستشفيات معين وتوزيع السكان برضة نفس الموضوع ؟ د/ اسامة خليل : المستشفيات بالطاقة الاستيعابيه الموجودة عدد الاسره يمكن اكتر من 50 ، 60 الف سرير بالاضافة عندنا طبعا مننساش المستشفيات الجامعية مستشفيات وزارة الدفاع فالعدد كافى لان نسب الاشغال بتتراوح ما بين 70 او80 % رشا مجدى: طب خلينى ارجع لرقم وزارة الصحة رصدت فى العامين الماضين 971 مليون جنيه احنا عارفين ان تطويرمستشفى بناء مستشفى تجهيز مستشفى دى ارقام كبيرة جدا هل 971 مليون دا كافى ؟ د/ اسامة خليل : ال971 منظومة التطوير بتشمل 3 حاجات لازم يمشوا مع بعض فى مستوى واحد وبسرعة واحدة اول حاجة المبانى تانى حاجة التجهيزات والمعدات تالت حاجة تدريب القوى البشرية اللى موجودة والقوى البشرية مش دكاتره بس دول اطباء وتمريض والفنيين اللى بيشتغلوا على اجهزة الاشعة زى ما حضراتكم ذكرتوا فى البدايه وبالتالى كان لازاما علينا انه المبلغ دا يقسم ما بين بنية تحتية وانشاءات ونجهيزات وتدريب احمد بصيلة : الاجهزة احنا بنسمع جهاز واحد بملايين هل هذا الرقم دا يكفى لشراء اجهزة حديثه مواكبه للتطور ؟ د/ اسامة خليل : الارقام اللى بنقولها لحضرتك دى ارقام فى الخطة بتاعة الوزارة سنة 2009 ، 2010 وفعلا جات بالفعل واتوردت بالفعل احمد بصيلة :لعام واحد ؟ د/ اسامة خليل :لعام واحد اه الرقم دا لعام واحد اللى هى الخطة الاستثمارية او العام المالى 2009 ، 2010 الاجهزة دى تغطى دلوقتى من القاهرة لحد اسوان للاشعة يعنى ما كنتش كان ممكن تروح محافظة من المحافظات جهاز الاشعة المقطعية الوحيد موجود الجهازالرنين الوحيد موجود فى المحافظة موجود فى مستشفى الجامعة النهاردة بقت فيه مستشفيات عامة والمستشفيات المركزية بقى فيها اجهزة اشعة مقطعية ورنين مغناطيسى فدى طفرة فى حد ذاتها فى التجهيزات والاجهزة والتكنولوجى الجديدة اللى دخلت المستشفيات دى لا تتطلب بس ان الوزارة تدفع فلوس لا الوزارة بتصرف على تدريب الناس الكوادر رشا مجدى:نقف عند تدريب الكوادرخلينا نقفى عند الكودارلان الكوادر مهمة جدا نبتدى بالاطباء الخطة اللى وضعتها وزارة الصحة لتجهيز الاطباء. د/ اسامة خليل : فيه حضرتك احنا زى ما قلت ان منظومة التطوير دى بتشمل 3 محاورالبنية التحتية التجهيزات والمعدات والتدريب النظام اللى شغال دلوقتى فى وزارة الصحة احنا النهاردة هناخد فرد مثلا فى مستشفى خلصناها انشائيا فى نفس الوقت بنكون حددنا متطلبات هذا المكان اللى احنا انتهينا منه انشائيا من الاجهزة والمعدات تمام النهاردة حضرتك مستشفى الحميات لما تدخلى المستشفى دى اللى كانت مهملة عشرات السنين تم انجاز ما تم انجازه فى المستشفى فى اقل من 100 يوم رشا مجدى: دا بعد انفلونزا الخنازيروالناس اشتكت د/ اسامة خليل :لا هوالقصة مكان مهمل بقاله عشرات السنين ومرة واحدة كل الناس بتبص عليه والانظار موجه اليه والحالات كلها بقت تروح له وبالتالى كان لزاما على الوزارة تحط خطة . رشا مجدى: اصل انا ليه بسالك السؤال دا يا دكتور ؟ يعنى خريجى الجامعة او كلية الطب معروف ان الاعداد كبيرة جدا يمكن بيبقى واقف مثلا فى عملية جراحية اوحد بيشرح له يعنى بيقولوا خريجى كلية الطب حتى ما بيجريش عملية او حتى ما بيمسك مشرط طول ما هو جوا فى كلية الطب نتيجة للعدد الكبير دا اتخرج وراح المستشفى ايه الخبرة اللى عنده ؟ ايه اللى خدوا بقى من تدريب علشان يشتغل على اجهزة بملايين الملايين ؟ د/ اسامة خليل : اولا حضرتك طالب الطب مش المفروض انا يمارس اى حاجة لانه دى مسئولية احنا نبتدى نمارس لما بناخد حاجة اسمها ترخيص مزاولة المهنة لان فيه مسئولية قانونية عليه انا هقول لحضرتك دلوقتى ان فيه تجربتين كلية طب القصرالعينى جامعة القاهرة ليها مركزتدريب للمتخرجين بتوعها كل دفعة بياخدوا الولاد وهما فى سنة الامتياز بيبتدوا يدربوهم تدريب اولى ونفس القصة لكلية طب جامعة عين شمس يجى دورهم بعد كدا بقى بعد ما يتوزعوا فى المستشفيات رشا مجدى: دا وهوامتياز؟ د/اسامة خليل : اه وهوامتياز لانه سنة الامتياز دى هى بداية المشواراو بداية التدريب العملى لاى خريج كلية الطب بيتم بعد كدا المرحلة التانية انه بيبتدى بعد ما يخلص سنة الامتياز بيبتدى طبيب فى مستشفى ما حسب مجموعة وحسب التخصص اللى هوعايزة وبالتالى بنبتدى ناخدهم فى المركزالقومى للتدريب اللى موجود فى العباسية الحقيقة المركزده يعنى احد الطفرات بتاعة وزارة الصحة المركزدا حضرتك بيشتغل من 9 لى 9يعنى بيشتغل 12 ساعة ويعمل يوميا الدورات التدريبيه بتاعته مستمرة وبتشمل كل الفئات بتشمل الطقم التمريضى بتشمل المسعفين بتشمل الفنيين بتوع اجهزة الاشعة كل واحد فى التخصص بتاعه نيجى بعد كدا دورنا احنا كوزارة برضه داخل المستشفيات هقول لحضرتك على حاجة لما بنودى مثلا جهاز لى مستشفى بنعمل تدريب اثناء العمل اوعلى الجهاز المفروض قبل ما بنبتدى نشغل الجهاز تشغيل فعلى لخدمة المرضى وتقديم الخدمة للناس بنعمل حاجة اسمها تشغيل تدريبى بنمرن الولاد دول مع اساتذه وناس عندهم خبرة فيه تشغيل هذه الاجهزة ايا كان سواء كنا موديين جهاز تنفس صناعى سواء كنا موديين جهازرنين مغناطيسى جهاز اشعه عندهم حاجة اسمها تدريب عملى قبل البداية الفعليه لتشغيل الجهاز وانهم يبتدوا يقدموا الخدمة للمريض. احمد بصيلة : علشان تنجح هذه المنظومة برضة لازم يبقى فيه مقابل مجزى للاطباء هنتكلم على موضوع كادر الاطباء ولكن نتوقف مع فاصل ونعود مرة اخرى للحديث عن احوال المستشفيات فى مصر فاصل احمد بصيلة : ما زالنا معكم اعزائى المشاهدين وهذه الحلقة من يحدث فى مصر والحديث عن المستشفيات وكان الحديث مع الدكتوراسامة عن الكادرالخاص بالاطباء يعنى لما شوفنا المرتبات اللى بياخدها الاطباء يا دكتور ارقام هزيله جدا تتراوح ما بين300 لى 600 جنيه مع اختلاف الاماكن سواء فى القاهرة او فى اخر مستشفى فى مصر الاحوال اتحسنت دلوقتى ؟ د/ اسامة خليل : الاحوال الحقيقة احنا بنحسن الاحوال ولكن بطريقة مرحلية لانه احنا مرتبطين طبعا بالميزانية العامة للدولة احمد بصيلة : بكادر خاص ؟ د/اسامة خليل : بكادر خاص بس بيطبق على مراحل احنا ابتدينا طبعا سنة 2007 بحوافز الدكاترة اللى فى المحافظات اللى حضرتك بتقول عليها اللى هى فى اخرمصر اللى هى زى اسوان مرسى مطرح جنوب سينا الوادى الجديد البحرالاحمر زادت من 600 %لى 1000% فى المحافظات الحدودية اللى ذكرناها دلوقتى بعد كدا ابتدينا نبص برضة لمديرين المستشفيات لان قصة الادارة فى المستشفيات دى قصة مهمة جدا واحنا النهاردة فى الوزارة فيه منظومة جديده بننظرلها بنظرة هامة لان الادارة ثما الادارة ثما الادارة فى المستشفى اساس النجاح وبالتالى ابتدينا رفعنا الحوافز بتاعة المديرين بشرط انهم يبقوا متفرغين بمعنى ما يبقاش عنده عيادة يبقى متفرغ للمستشفى احمد بصيلة : وظيفتة الاساسية مديرالمستشفى دى؟ د/اسامة خليل : بياخد 1500 % من المرتب الاساسى 1500 % رشا مجدى: هو المرتب الاساسى كام؟ د/اسامة خليل : على حسب الدرجة المالية بتاعته . رشا مجدى: يعنى نقول الحد الادنى علشان نبقى متخيليين اللى هيتفرغ دا ويقفل عيادته ؟ د/اسامة خليل : ممكن حضرتك يوصل لى 20 الف جنيه فى الشهر وفيه مديرين فى المستشفيات بياخدوا 20 الف جنيه فى الشهر رشا مجدى: المستشفيات العامة ؟ د/اسامة خليل : فى المستشفيات العامة والمستشفيات مش فى القاهرة خارج القاهرة رشا مجدى: طب ليه الاطباء يعنى عندها مشكلة لان وزارة المالية لم تصرف الكادرالخاص او الارقام اللى حضرتك قلتها ومجلس الوزارء اقر ومجلس الشعب اقر د/ اسامة خليل : احنا دلوقتى حضرتك احنا بنوحد كل القرارات الوزارية فى قرار واحد تمديدا لان اخنا نطبق مرحلة تانيه من الكادرالجديد بتاع الاطباء القصة دى هتبتدى مع العام المالى الجديد اللى هنوصله اوالمستهدف ان احنا نوصله فى العام المالى الجديد انه الدكاترة والصيادلة هيبقوا 300 % رشا مجدى: يعنى العام الجديد اللى هو هيبتدى 2010 ، 2011 ؟ د/ اسامة خليل :تمام اللى هو بيبتدى فى 1/7 رشا مجدى: طيب معلش هيبقى رقم الطبيب اللى بياخد 300 جنيه مش موجود ؟ د/ اسامة خليل : 300 هيزيد بقى 300% رشا مجدى: من 10 ؟ احمد بصيلة : المعاون للطبيب او الممرضين برضة فيهم مشكلة ماديه او الكادرالجديد ؟ د/اسامة خليل : قصة التدريب بالنسبة للتمريض الحقيقه احنا بصلها كويس قوى واحنا شغالين معاهم كويس قوى سواء كان فى المركز القومى للتدريب او فيه بروتكول دلوقتى عملاه الوزارة مع احدى الجامعات البريطانيه فيه اصطف بيجى يدرب من بره هما بياخدوا دورات تدريبية مستمرة فى الجودة احمد بصيلة : العدد كام يا دكتور؟ د/اسامة خليل : العدد مش مستقر بمعنى اوا فى فتره فيه اجازات بنميها الاجازات الجوازية اغلبهم مثلا بيقضوا سنتين ويتجوزوا بياخدوا اجازة وبيقعدوا فى البيوت انما اللى انا عايزاقوله التمريض انهاردة اترفع وفى 10 ان شاء الله التمريض هيزيد200 % على الاساسى يعنى الدكاتر الاطباء هيزيدوا 300% التمريض هيزيدوا 200 % اطباء الطوارىء هيزيدوا700% كل دى ارقام مدرجة فى موازنة الدولة ووزارة المالية فيه اعتمادات لهذا بمجرد ما بيبتدى العام الجديد ان شاء الله هتبتدى هذه الزيادات تباعا رشا مجدى: ان شاء الله دكتورخلينى ارجع للمشروعات الطبية يعنى جالنا بعض الحاجات انه بيقولوا انه العديد من المشروعات الطبيه انا بتكلم تحديدا فى المحافظات لم يتم الانتهاء منها بالرغم من ان المشاريع دى ابتدت مع بداية التسعينيات ليه ؟ د/اسامة خليل : انا هقول لحضرتك الجزئية دى ليها شقين الشق الاول ليه ؟ لانه انا دلوقتى ما بنبنيش مستشفيات جديدة احنا بنستكمل اللى ابتدى بنائه واعلم تماما ان هناك مستشفيات فيه مستشفى كفر الدوارالعام بقالها 35 سنة احمد بصيلة : بتبينى ؟ د/اسامة خليل : احنا هنفتحها خلال شهوراللى بيحصل رشا مجدى: 35 سنة ايه بتتبنى ؟ د/اسامة خليل : لا 35 سنة كل خطة بتتعمل وبعدين نستنى مفيش اعتمادات لا مستشفى الحقيقة من المستشفيات هيتم افتتاحها خلال شهورمن المستشفيات اللى البنية التحتيه فيها قويه احنا دلوقتى ابتدينا نراجع على الاكواد بتاعة المستشفيات بمعنى الكود دا كود هندسى تم الاتفاق عليه من المهندسين اللى عندهم خبرة فيه بناء المستشفيات هذا الكود هو رسمة بيراعى فيها المكان اللى بيدخل منه المريض المكان اللى بياخد فيه الخدمة المكان اللى بخرج منه لو معاه قرايبه المفروض بيمشوا فى مناطق معينة ما يمشوش فى منطقة تقديم الخدمة المراعاه فيه الامان والسلام للمريض مراعاه فيه شروط الجوده مراعاه فيه شروط مكافحة العدوى فى مصر وزى ما قلت لحضرتك احنا ابتدينا فيه فى مستشفى حميات العباسية كل مكان فى المستشفى له كود بمعنى قسم الاستقبال والطوارىء له كود قسم العيادة الخارجيه له كود قسم الاقسام الداخلية له كود قسم العمليات له كود دا محطوط وبيتنفذ انشائيا من الورق بيتنفذ ومراعا فيه الشروط اللى انا قلتها احمد بصيلة : عايزارجع لرقم انت قلته يا دكتوران نسبة الاشغال فى المستشفيات ما بين 70لى 80 % اللى هى المستشفيات الحكومية او المستشفيات العامة طب ليه دايما بنسمع ان فيه قوائم انتظار للعمليات ؟ د/ اسامة خليل : فى بعض التخصصات بيبقى حجم العمل زيادة عن المعتاد وبالتالى بنضطران احنا نعمل قوائم انتظارفى بعض التخصصات تخصصات الاورام علشان كدا ابتدت الوزارة تعمل توزيع لمراكز الاورام على مستوى الجمهوريه وزارة الصحة دلوقتى عندها 11 مركز اورام بيغطى من القاهرة لحد اسوان فدا مفيش شك انه بدل مريض الاورام ما كان بينزل من اسوان للقاهرة سواء يروح مثلا معهد ناصراللى شوفناه دلوقتى او بيروح معهد الاورام القومى لا دا بقى عنده مكان فى اسوان ومكان فى اسوان مجهزبكل حاجة غرف عمليات واجهزة رنين واجهزة اشعه مقطعية للتشخيص وبالتالى انت وزعت دلوقتى الخدمة على مصركلها رشا مجدى: طب انا عايزارجع تانى لكود المبانى لان الموضوع ده مهم جدا يعنى حضرتك قلت انه اول مرة تم تطبيقه يعنى خلاص فى مستشفى حميات العباسية الكود دا حاجة عالمية ؟ د/ اسامة خليل : الكود دا انترنشوال كدو دا كود عالمى وكل السنتراللى موجودة فى اوروبا وامريكا واحنا طبعا حريصين جدا لان زى ما قلت لحصرتك مشكلة المستشفيات البنية التحتية احا لفينا ال29 محافظة فى مصر وشوفنا المستشفيات على طبيعتها المشكلة الاساسية فى قطاع الطب العلاجى عندنا او المستشفيات البنية التحتيه للمستشفيات لان المستشفيات كانت بتتبنى فى الماضى اى مهندس ويقوم يبنى اى مبنى رشا مجدى: لايراعى طب يا دكتورانا فى دماغى كدا وحضرتك بتتكلم هل الكود دا علشان نطبقه هيكلفنا كتير ؟ يعنى ليه احنا فى 2010 ابتدينا نطبق كود المبانى او كود المستشفيات هل التكلفة كانت عاليه جدا؟ د/ اسامة خليل : لا التكلفه مش كانت عاليه احنا لما ابتدينا نعمل حاجة اسمها السيلنج على مستوى مصر ما كنش عندنا من قبل 4 سنين ما كنتش حضرتك تقدرى تحددى عدد المستشفيات اللى انا قلت عليها ما كنش فيه حصر ليها رشا مجدى: المستشفيات العامة ما كنش فيها حصر ؟ د/ اسامة خليل : المستشفيات العامة والمركزيه بالرقم اللى انا قلته لحضرتك دا ما كنش فيه داتا -الداتا دى الحقيقة الدكتورحاتم الجبلى وزيرالصحة من اول ما جه اول حاجة اهتم بالداتا بتاعة الوزارة الخدمات اللى بتتقدم عدد الاجهزة الاجهزة دى ليها صيانة ولا ملهاش صيانة ؟ الماركة بتاعة الاجهزة ففى دلوقتى داته بنك او بنك معلومات عن كل الخدمات التى تقدمها وزارة الصحة فى مستشفياتها من القاهرة لحد اسوان وبالتالى لما ابتدينا نبص على البنية التحتيه فى المستشفيات كان لازاما علينا بقى ان احنا نبص لقدام نفكر بقى فى الفيوتشر الديزاين ده هوده ديزان انترنشونال اللى العالم كله شغال عليه رشا مجدى: طب هل هنقدربسهولة ننقل المستشفيات بالكود الجديد؟ د/ اسامة خليل : الكود الجديد ده زى ما قلت لحضرتك احنا هناك مبانى بتسمح حالتها ان احنا نعمل فيها تطوير وهناك مبانى لا تسمح حالتها ان احنا نعمل فيها تطوير وبالتالى كان لازاما علينا ان احنا نعمل مبنى جديد احمد بصيلة : لكن فيه حاجات بتبقى صغيره فى الستشفيات المريض نفسه بيعانى منها زى المستلزمات البسيطة اللى بيحتاجها المريض ونقوله مش موجودة فى المستشفى هاتها من بره فيه حاجات مش بتبقى موجودة فى خطة عامة او خطة بتستهدف الحاجات الكبيرة الحاجات الصغيرة دى مهمة بالنسبه للمواطن المصرى د/اسامة خليل :يعنى زى ما قلت لحضرتك ان احنا عاملين ما يقرب من مليار للتجهيزات والمعدات وهناك ميزانية للمستشفيات فيه مشكله فى بعض الاماكن اللى بيحصل ايه ؟ انا كنت مدير مستشفى المطريه التعليمى اللى بيحصل ايه ؟ اللى بيحصل انه الادارة انه مينفعش عندى عيان متلقى للخدمة اقوله انا معنديش او مفيش مينفعش تحت اى بند مينفعش الجزء التانى المدير المفروض ينمى موارد بمعنى ان فيه خدمات بتبقى مدفوعة زى الشهادات الصحية شهادات الجواز الحاجات دى هى دى اللى بيتصرف منها على المستلزمات فى حالة اذا مستلزماتى خلصت والميزانية بتاعتى مبقاش فيها المفروض بقى انا كراجل مديروعندى عائد من الحاجات دى المفروض اطلع من العائد ده على المستلزمات بتاعتى قد يحدث نقص فى بعض المستشفيات انما ده فى رايى رايى كمديرمستشفى وعندى خبرة فى ادارة مستشفى 850 سرير دا برضة يعنى قله خبره من المدير او عيب ادارة رشا مجدى: احنا عندنا مشكلة ادارة فى المستشفيات ؟ د/اسامة خليل : عندنا مشكلة ادارة فى المستشفيات اعترف بهذا ولكن احب اقول لحضرتك انه فى المركزالقومى للتدريب عندنا الاساتذه بتوع الجامعات الامريكية بيجوا يدرسوا كورس ادارة مستشفيات لمده 4 شهورالاساتذة الامريكان نفسهم بيدرسوا لمديرى المستشفيات علشان نخلق كوادر لادارة المستشفيات احمد بصيلة :ميزانية الستلزمات البسيطة دى الموجودة فى ميزانية الوزارة وهى تكفى لكل الاحتياجات د/ اسامة خليل : اه طبعا طبعا طبعا احمد بصيلة : اتمنى يا دكتورنشوف مستشفياتنا حسب الخطط الموضوعة نشوفها بالكود العالمى ونستفيد منها كمواطنين بنشكرك دكتوراسامة جميل على هذا اللقاء رشا مجدى: شكرا يا دكتورمشاهدينا الكرام انتهى وقت حلقتنا معاكم الى اللقاء فى حلقات قادمة من برنامجكم يحدث فى مصر احمد بصيلة : الى اللقاء
