لابد تشارك

لو عايز بلدك تحلو وتقول للعالم أنا منها
يبقى لابد لابد تشارك يبقى لابد تدافع عنها
يبقى لابد تقولنا رأيك وهقول رأيى برده أنا زيك
يالا إبدأ ويانا فى حيك يالا إبدأ ويانا إعلنها
من غيرك أنا هبقى ضعيف مش ممكن أكمل ولا أواصل
أنا عايزك ويانا تضيف أنا عايزك زيى متفائل
أنا عايزك ويانا تساعد كل بلدنا تصبح واحد
يالا تعال عشان نتعاهد أفكارنا الحلوة نبينها
إحلم إوعى تقول مش ممكن إوعى تفكر حاجة محالة
ده بلدنا بينا هتتحسن طول ما الناس فى الخير شغالة
إحلم حلمك هيكون حلمى فرحك فرحى همك همى
نتوكل عالله ونسمى بإيدينا بلدنا نزينها
يالا نكون كلنا إيد واحدة تمسح دمعة طفل إتيتم
لو واحد محتاج لمساعدة لو واحد شفنا بيتألم
له فى ثوانى نمد الإيد مش هنسيبه لوحد وحيد
ده إحنا بنبدأ عهد جديد وبلدنا عايزة اللى يصونها