الشاعر محمد الحمايل يكتب : قصيده بقيت منك

غريبة لو فى يوم تعشق
وتلقى الحب فى عيونك
وفى عيونها لهيب يحرق
وتبقى الساكنه فى ظنونك
مشاعرك قلبها بيعرق
وتتغير وباستمرار
تتوه عن الدنيا ما بتفرق
ما دام وياها ليل ونهار
وياخدك شىء جديد تغرق
فى موج بحره ولو غدار
والاقينى ما بين الحب
مش لاقى
ملامحى تقولش من زئبق
بدقة قلبها اتمدد
واكش لو قالت لى فراق
يا عالم قلبى متغير
وشىء حسيته بيحير
على قلبى بيضرب نار
ويعلا النبض يتعانق
باحساسه طرح اشواق
واتوه فى الحب والمعنى
واغازل نظرة تجمعنا
وبتمنى وانا المشتاق
من العشاق
انا وياها معرفنيش
بقيت حبة مشاعر .. هيش
تتابعها وفيها تعيش
هواها يمر بين عودى
ويخلع جسمى عن روحى
تاخدنى لقلبها دقة
ولما تدق تلقانى
بعيش فيها ومتشوفنيش
عشان تعشق
لازم لك قلب بالفطره
يحب الحب من فكره
ويستنى لهواه مشتاق
ساعتها الحب هيشوفه
دا كان واحد من العشاق