هي .. ااااااااااه واااااااه من الفيس بوك..!!!

بقلم نادية حسن
حديثه عهد انا بهذا الاختراع وحاولت قبل ما ادخل هذا العالم الجديد ان اتعرف عليه وبدأت فى البحث عن معنى فيس بوك اى وش الكتاب ام ربما يفصدواان ده كتابى وعليه وشى اى وجهى اى كل ما يتعلق بى ؟؟!! ,,,, المهم وضعت صورتى كما رايت الجميع يفعلون وحاولت ان اختار صوره معقوله وكتبت بعض الامور المتعلقه بى من اننى متزوجه وخريجه القاهره ..الا اننى بعد فتره وجيزه اكتشفت اننى اقف فى محطه مصر لا بل محطه للعالم كله من كل لون ومن كل صو ب و ناس تتحدث بكل اللغات والاجمل ان هتاك لغه خاصه يفهمها اصحاب وش الكتاب القدماء !!. ومع الوقت اتعلمت انى اخفىصورى لانى فوجئت بأن اناس من كوالمبور بيعلقوا عليها,,,, الاهم من ده كله اكتشفت ان الناس بتحط معلومات غلط فى غلط بدءآ من السن والتعليم وجنسه اقصد(رجل ولا انثى ) وطبعا ده عرفته لما بصيت على ما يتعلق ببعض زملاء الدراسه ووجود كم من الشهادات والزمالات الوهميه ,,,,, وبصراحه لم ارفض اى دعوه لضم الاصدقاء البكييين ووصل عدداصدقائى الى مايقرب من الف وجه معى ,,!!!
فى البدايه لم اكن اجد وقت لهم ولا اعرفهم بل مجرد صور...!! فقررت ان اصنفهم وجه 1 ووجه 3 ثم فرقت بين الرجال والنساء والحلوين والجذابين واللى نص نص واللى كلامهم حلو اما الباقى من المناضلين واصحاب الاراء والافكار فلم يستوقفونى بالمره,,,!!اصلى زهقت من التركيبات دى
وانحصر الفيس بوك فى عشرين شخصيه تجيد الغزل . وفن الحوار .؟؟!! لا تندهشى وتفتحى فمك هكذا فانا صريحه وجداا نعم انهم يجيدوا الغزل والحب واسعدتنى كلمات الغزل ا وايضا المتابعه البوكيه نسبه الى الفيس بوك اضافه الى كم الرسائل التى اتلقاها من الولهانين والمنتظرين فى طابور المحبه ...
وهل اسعدك هذا ( ده انا اللى بسأل )
امتعنى واشبعنى الى ان حدث ما حدث تصورى و بعد حورات طويله وهيام وغرام وغزل اكتشفت ان فريده صاحبتنا من ايام الجامعه دخلت عندى تحت اسم وهمى ولوجه رجل جذاب حاجه كده عمر الشريف على توم هانكس تركيبه لاتقاوم وهاتك ياغرام وحب وفى الاخر اعترفت لى بالمقلب ده ,,!!!
وقعت من على الكرسى ضاحكه ( ده انا برضه)
وبعدين عملتى ايه ,,؟؟
ولا حاجه بقيت اشك فى كل حد وحسيت انى انضحك على ومبقتش عارفه مين دول ياترى اللى كنت بتبسط معاهم واحكى اخبارى ما يمكن يكون جوزى ولا اخويا ولا حتى ابنى حد عارف اصلى ساعان كنت بدخل عندهم متنكره عشان اشوف بيعملوا ايه ؟؟؟؟ بس الغريبه اننى لم اتوقع ان اقع فى الفخ ده رغم انى عارفاه ,,,؟؟
عندك حق تصورى بتفكرى ( ده انا برضه) المهم عملتى ايه ؟؟؟
ابدا غيرت اسمى وصورتى وشهادتى وتحت صفحه جديده و وصل عدد الاصدقاء الى الف تانى وصنفت المنضمين والمنضمات وطول النهار بسمع كلام غزل واعجاب المهم انى مش انا يعنى مفيش مشاكل ..؟؟؟!!! ومش مهم يكونوا هم كمان صادقين ولا كذابين اهم حاجه اننى بشبع ذاتى من الملاحقات العاطفيه وطوابير الولهانين واهو الواحد بيتسلى والايام بتعدى اهى حاجه الطف من المسلسلات خصوصا انى هنا البطله..!!! وتركتنى والتهت بوجه من وجوه الكتاب .... عفوا الفيس بوك....