تضاد

لوهاتلحق من حناني أي غيمة
لوهاتشرخ من ضبابي أي ضحكة
مش هاتفرق,
و بصراحة انت دايما كنت برة أرتباك الأسئلة
و التضاد جواك بيرسم لون مرايتي و ضحكتي
والحياة معقودة دايما بين مللها و انتظارك
بس رسمك كان حكاية بألف ضل و وألف وعد
مش غريب أن الدف في عنيك بيشبه
عجز حلمي و التماثييل الي غايمة
والمشاكسة فوق رصيف المدرسة
تفتكر لو خدت شعري من توتر فوضى حلمى
مش هاوافق
تفتكر لو جيت في صيفي
و أتاخدت بكل مطري و كل تلجي و كل بردي
مش ارح افرح
مش هاتفرق ربكة الدهشة في سماهم
حتي لو كنا في عنيهم شمس و تلج