عيني عليكي يا مصر......قصيده بقلم محمد الوكيل

بتستحمه بمياه معدنية
جتك خيبة فيك يا قليل
العقل وقليل المهية
بالراحه يا ام انور
عليه شويه شويه
الميه مقطوعه
ومفيش ولا نقطة
في الحنفية
حلاقيها منك ولا
من مرسي ولا بتوع
الكبانيه اللي باعوا القضية
ولما اعطش اشرب ايه
انا يا عديم المفهومية
يا قليل الانسانية
منك لله يا ام لسان
بينقط سم يا مين
يقدرني عليكي
يا ام اربعه واربعين
مالك يا وليه قالبه
الدنيا على قزازة
مايه كأننا في بلاد
ما فيها نيل يروي ملايين
نيل يا روح ام انور
ما خلاص يا مغفل
اثيوبيا بنت بدل
السد سدين ويا عيني
علينا يا ساكتين
والنبي ومن نبى النبي
نبي لالبس عبايتي
واروح لمرسي اوريه
شغل النساوين
هو ياكل ويشرب واحنا
مش لاقين نقطة مايه
نشرب ونغسل الهدمتين
دي ثورة سوده علينا
من يوم ما اتعملت وقال
ايه في الآخر طلعنا كافرين
والنبي لنزل يوم تلاتين
وألم نسوان الحارة ورجالتها
ويا قاعدين يكفيكوا شر الجايين
عيني عليكي يا مصر
حقك علينا احنا الغلطانين
اننا انتخبنا دعاة الدين
محم الوكيل د