جانا اه يانا يانا

اليوم تبدأ صفاره البدء في العروض الخطيره.. الرهيبه... اللي بيخاف من الاخر!!!... يطلع بره..
اليوم تبدا شاره البدا في الحرب الاسطوريه ... العيد قرب خلاص.. لازم البيت يتقلب راسا علي عقب حتي يصبح علي سنجه عشرميه مش عشره بس, بدات في باااااديء ذي بدء بتقسيم الاعمال علي انا و امي الحبيبه فانا بكل اسف البنت الوحيده بهذا المنزل الراااااااائع .. مع مراعاه فرق السن و الخبره و الصحه اللي بقت في النازل!!! فيما معناه!!! هي تاخد الكم الاكبر طبعا؟؟؟؟؟ لا لا لا ما تفهمونيش غلط.. النظريه ان انا زي ماما ما بتقول بحب احنتف زياده و بحب الحاجه تبقي مظبوطه قوي قوي قوي و مما يعني التاخير الرهيب... و ايضا بالاضافه اننا نحن جيل السمن الصناعي و اللبن البودره نصعب علي الكافر و صحتنا في النازل ... زي ما تيته بتقول لي دايما...ما علينا... سميت الله و شرعت كما ابدا دوما بحجرتي اللعينه... كتب كثيره تغطي معظم الانحاء.. لا املك مكتبه كبيره و لكن الحقيقه ان حجرتي اضحت بلا ادني فخر مكتبه كبييييييييييره... ذرات من التراب اللعين تحتل جنبات كثيره... انا مش لسه مسحاكي من تلات ايام!!! لحقتي تتربي امتي انت؟؟؟؟ يا رب ارحمنييييييييييي بقي... انا عندي حاله نفسيه من التراب بكرهه اكتر من اسرائيل .. بيحتلنا بلا استئذان و بسماجه بالغه ما عندهوش مراعاه ابدا ابقي لسه مسحاه يرجع تاني... رزل... بدات المغامره الرهيبه الان... الساعه العاشره صباحا... يا رب قويني يا رب.... و يا رب الاصابات ما تبقاش كتير المره دي!!! مش عايزه اخرج في العيد و انا متخرشمه يعني... ياااااااااااا رب... بدات بازاحه السجاد و الموكيت و بعض التنفيض السريع لازاحه الاتربه و من ثم بدات وصله المسح المهووووله... فانا بدائيه الي حد كبير في نظريه المسح هذه .. لا بد في باديء ذي بدء.. اغسل الحوائط بكل تاكيد... عمليه جراحيه فظيعه.. ارتدي الكمامه حتي لا يصيبني الضيق من رائحه المنظفات النفاذه ..(( زورو يا ناس. مخلفه زورو علي اخر الزمن!!!!)) كلمه ماما الشهيره... ما علينا.... ابدا في التنظيف و يبدا الماء يبلل الانحاء.. حبيبتي الميه دي... بعشقهاااااا مش احسن من التراب بزمتكم؟؟... طبعا اظافري الان اضحت كايييبه المنظر بكل تاكيد... سلك التنظيف البالي ترك اثارا مدمره علي يدي.. هيبقي عيد زي الفل باذن الله!!!!.. عادي ابقي البس جونتي!!!... سرحت قليلا اثناء اوقات العمل الغير رسميه ...وانا اللي بقول اظافر الفنانين حلوه ازاي؟؟ اكيد اكيد ما عندهمش ماما زيي بتشغلني اشغال شاقه مؤبده... ولا بيغسلوا صحون ولا بيغسلوا حوائط.. عيني علي انا يا غلبانه يانا.!!.. يا عيني عليك يا اللي في بالي!!!! لا لا انا لازم اشوف صرفه في الموضوع ده و بعدين الراجل يطفش لما يشوف منظر ايدي ده.... تمام تمام.. ابقي اخليه يروح لماما طول مده تنظيف المنزل و بعديها بيومين يبقي يرجع اكون انا عدت الي حالتي الاصليه ... و اسرح قليلا... لا لا لا طيب البس جونتي مطاط.. فكره فاشله مووت انت نسيتي!!!!! ما علينا.. اول حاجه لازم اشتريها في بيتي باذن الله غساله صحون معتبره علشان ما يبقاش ليه حجه بقي!!!!.... طيب و بعدين.... الصراحه احاول كثيرا ان اسرح بعقلي حتي اخفف علي نفسي وطاه وجع الظهر و المفاصل من الوقفه الافعوانيه التي اقفها الان ... علي قدم واحده مرتكز علي كرسي صغير و القدم الاخري سابحه بهواء غرفتي المليء بكم غضبي من الموقف ككل... اللي يشوف كده يقول البت بلارينا اصلي... بلانيلا زي ما بقول دايما ....!!!!المهم.. انتهت عمليه تنظيف الحوائط و سننتقل الان الي مرحله غسيل الارض.... تشمير رهيييييب لازم يحصل دلوقتي و يصحبه خلع لحذاء قدمي سريع فانا احب ان يتخلل الماء كل ذره من قدماي بلا ادني استئذان.. ده بقي الوحيد اللي ما يستاذنش.....و كما قلت سابقا فانا بدائيه جدا بعمليه التنظيف لا اقتنع باي وسيله تنظيف الا الخرقه و الماء... التطوريابنتي مطلوب... ابدا ابدا.. اضيف الي الماء كل انواع المنظفات المتطوره هذا هو التطور الوحيد المسموح به بهذه الغرفه.. لازم اركز علي كل جنب بكل اصرار لاخراج اصغر حبات التراب الغبي المستتر بالاركان.. و الان.... ان ان ان ااااااااان... ها هو انا قد بدات مرحله التزحلق علي السيراميك المعتاده لي.. لا تخلو اي عمليه تنظيف من بعض الكدمات البسيطه التي اعتقد بانها علامه النظافه.. ماما طبعا مبسوطه علي الاخر طول ما انا في الحجره اعمل اي حاجه المهم بشتغل.. اشتغل و بس.. بدات الرتابه و الملل تصل الي عقلي فقررت بعد تردد بسيط ان اشغل الكمبيوتر علي بعض الاغاني الحماسيه التي تدفعني للقفز في الانحاء.. و بعد استغفار طويل لكوني سادنس نهار صيامي باغاني اجنبيه و رغم ان الاغنيه المناسبه في هذا الموقف(( و الله يا زمن ما بادينااا زرعنا الشوك ولا راوينا يا زمن ))).. قررت ان اختار الاغاني و ليرحمني الله.. ميتال... ماشي.. روك.. تمام... اي حاجه رزع و تنطيط.. شغال.. بدات الاغاني في اشعال الحماسه بداخلي.. و وسط صوت امي يكرر .. وطيييييي الصوووووووووووووووت.. حااااااااااااااضر يا ماما حاضر.. اوطي قليلا و ارجع اعليه مره تانيه.. استغفر الله العظيم يا رب سامحني يا رب اديني اعترفت اهوه!!!!... ماعلينا... انتهيت من الحجره اخيرا.. و انتهت معها صحتي تماما.. لا اقوي علي رفع زراعاي من التعب... ارتميت علي ارضيه الحجره متمنيه من الله ان لا الوثها بملابسي الرثه المبتله علي بكره ابيها بكل تاكيد.. فكما تقول امي..(( انت بتمسحي بهدومك يا بنتي؟؟؟؟كده هيجيلك برد.. ))ارد و اقولها..(( خليها انفلونزا خنازير يا ماما و تستريحي مني بقي...)) طبعا يا حرام لو حصل لي حاجه هتدبس هي في التنظيف ده كله .. لا لا ساتواني عن فكره انفلونزا الخنازير علشان خاطرها هي بس.. اقلل المروحه درجه واحده قبل الزروه.. قال يعني!!!.. ما هي لسه عاليه.. ((زمه كوتش!!!)) كلمه ماما برده... ما علينا ما علينا.. هي كده تمام التمام و لو مكتوب لي حاجه هشوفها بقي ..ما هو انا مش قادره استحمل الحر و الخنقه دي.... يا سلام لو كان في تكييف.. يا سلاااااااااام.. تاني حاجه في بيتي باذن الله تكيف كبييييييييييير هحطه في اوده لوحده و يبرد لي الشقه بحالها... استرق النظر الي امي تذهب و تاتي متثاقله الاقدام.. يصيبني الضيق لحبات العرق التي تتلالا علي جبينها و اطلب من الله ان يعطيني الصحه كي اساعدها اكثر و اكثر... بس اللي غايظني في الموضوع كله.. احنا ليه لازم نوضب كده قبل العيد بالذات ما هي الشقه كانت نظيفه يا دوب بالمكنسه الكهربه كانت هتبقي تمام التمام.. هو افتري يعني!!!... ماما(((( يا بنتي مش احتمال يجي لينا ضيوف؟؟؟)) (( ضيوف ايه بس يا ماما اذا كنا احنا نفسنا بنبقي بره هيجوا لمين يعني!!!! ما علينااااااااااا))) ... الشقه الان اصبحت تمام التمام اريد ان انتقل بين انحائها لالتقط لها بعض الصور و هي في كامل تالقها.. لعل و عسي يجي لينا ضيوف في يوووم من الايام و يلاقيها مش نظيفه قوي علي الاقل اوريله الصور ان احنا بنعرف ننظف برده!!! بدات الان مرحله((((please... no touch.. غير مسموح لاي شخص ايا كان مع احترامي للجمييييييييييع انه يفكر و لو لثانيه ينقل حاجه من مكانها.. لا تتخيلوا ممكن اتحول لوحش كاسر ازاي.. ما هو حرام ابقي لسه مخلصه و ميته من التعب و اخويا مثلا يفكر يهزر معايا و ينام علي السرير بتاعي... لاااااااااااااا اطلع برررررررره .. مامااااااااا خدي الواد ده من هنا احسن اقتله ليك.. اللهم اني صايمه يا ناس.. اللهم اني صايمه....اهوه يوم و عدي ويا رب ما يعود.. لان خلاص ما فياش صحه اعمل اي حاجه عايزه حد يشيلني و يغطسني في البانيو و يدلق علي كيلو كلور و لا اي نوع من انواع المنظفات... بهدومي كده علشان اعود للوني الطبيعي....!!!!قبل تلك العمليه الانتحاريه العقيييييييييييمه.....