مش قادر اصدق اني نسيتك !....... قصيده بقلم محمد مصطفى الهلالي

مش قادر اصدق
واضحك كل مااشوفني
وانا ماسك أيدك
وبهدهد كفك
واترجاكي
مش قادر اصدق
اني قدرت اعدي الوقت
من غير ما أتألم
ولايعصر قلبي القهر
كنت اسهر طول الليل
عشمان ترضي
وكنتي وكنتي
بس لفين!!! لما وافقتي
أيام وشهور وأنا صابر
أعبي قلبك كلام الشعر
احني ضفايرك حب
وارسم جوه عيونك
ورد الأحلام
واحكيلك عن دمعي في بعدك
فييييييييين!!!!! لما قلبك حن
بقيت هتجن معقول!!
وعطف علي قلبي وقالي
بحبكر !!
اتاريني من طول القهر
قدرت أنساكي
وقدرت اخلص جبل القهر
وقدرت اعافر
واعبر كل سدود الهم
ألاقي البر
واضحك ورجعت افرح
خلاص بطلت أحب
مكنتش ناوي اصدق
اني ممكن انساكي
ولا كنت هقول للروح
الساكنه باحه عمري امشي
كنت بخاف اقفل عيني لتجرح فستانك
كنت بخاف اضغط بالشوق علي ايدك
كنت يادوب بلمسها صوابعك لمس
كنت بدووووب م رقه صوتك
وانتي متقصدنيش بالهمس
كنت وكنت
واتاري الطرف الساهي
الحالم مش بيا
بيحلم بالغير
وانا خفيت من طول الصبر