مش هقدر في يوم أسيبك ولا حتى اتخلى عنك إزاى وأنا اسمي حبيبك أشوفك أتدارى منك وبتطلبي مني البعاد وبترغميني أسيبك وارحل وأنا اللي عديت لك بلاد وكنت بغني في ليلك واسهر فاكرة لما كنت أقولك: بشوف في عيونك فرحتي؟ ده أنا كنت حتى لما أغنى بلقاكي لحن لغنوتي فاكرة كلمه قولتها لك كانت من أربع حروف كلمة كنت بغنيها لك لاجل تنسي أى خوف اوعى تنسي كل حاجة خليكي فاكرة يوم لقانا لما جات عيني في عنيكي وابتدى قلبي يناديكي وإيدي بتسلم عليكي وقلوبنا طايرة فوق سمانا هو انتى جواكي خلاص ماضي انطوى صفحة طارت في الهوا حسي بيا ياللي كنتي كل حاجة قلبي عطشان من حنينك من بعدك إنتي ولا ارتوى هتسيبيني انا مش هسيبك مهما كان أمر الهوى دمعتي حالفة تيجي لك تِحَلّفِك نرجع سوا