قصيده صرخه عذاب ....بقلم عبدالمنعم محمد عبد المنعم

خايفين من الناس اللى حاولينا
راضين باللى مكتوب عالينا
مش راضين حتى نفتح عنينا
رضينا بالهم والهم مش راضى بينا
نسينا من احنا وفين بدينا
مين معانا..... ومين علينا
مين هيرجع اللى لينا ومين هيفكرنا بمضينا
بس الحق دا مش علينا الحق على باع مضينا
انا عايش وسط ناس من نار
حاسس دلوقتى ان انا بنهار
مفيش حل غير الانتحار
والحاله العامه هيا الدمار
معونا..سبتونا..ظلمونا
قاتلونا..عذبونا..عيشونا
فى وهم وعذاب
عصروا عقول الشباب
والصرخه بقت صرخه عذاب
صرخه عذاب.. اتفجرت ومن غير حساب
صرخه عذاب.. قالوا اللى وراها دول ارهاب
صرخه عذاب.. قالوا هنقضى عليها بفتنه بين الشباب
صرخه عذاب.. اتجمعولها الشيوخ والشباب
صرخه شباب.. قالوا عايزين الحساب
صرخه شباب..اتجمعوا لجل العتاب
صرخه عقل... بتقول عايزين نقرا الكتاب
صرخه .....عايشه جوانا من زمان
صرخه ...جت علشان تمحى الاحزان
الناس غير الناس تكبر يتعدم الاحساس
القلوب غير القلوب البشر تكبر تدوب
العقول غير العقول البشر تصرخ تقول
مش عايزين غير دستور يحمينا على طول
وقانون يكون حكيم يحمينا من الجنون
قبل عهدنا المصون كان بيحكمنا فرعون
فرعون كان متحكم فى عقول الغلابه
وجهازه كان امنى بيمسح فى عقولهم كل حاجه
بينشر الادمان ويقولك بنكافح
يضربك على قفاك ويقولك حكومتك لازم تسامح
يسرقوك فى الملاين ويقولك شغالين
يهتكوا بيتك وعرضك ويقولك متاسفين
طب بالذمه فى انى مله ودين
انك تتقبل كل ده من ناس حراميين
وانك تمشى على ارض بلدك ويقولك ملك لناس تانين
طب هنعمل ايه احنا يا مساكين
هنسافر ونعيش ذى الناس المتغربين
ولا نعيش ونحاكم فى المجرمين
ونبقى فى بلدنا معمرين
سيبكوا بقى من الساكتين
وعيشوا لبلدكم سنين
اصرخوا صرخه تسمع ملايين
تعدى بحور وتعمل رنين
فوقوا بقى يامصريين
العالم بيتحرك واحنا هنا واقفين
شدوا العزم والنيه
بلدنا هتفضل قويه
من غير ناس فى الضلمه مستخبيه
هنفضل طول عمرنا بلد المليونيه