الحمير فهمو عننا .....؟يارب نعقل ونفهم

بقلم احمد عبدالله
الصوره دى قررت اعلقها عندى فى مكتبى لاى حد هيتخانق على اى مشكله او اى
راى يخصه وفاكر انو هو الصح والباقى غلط هشاور ليه على الصوره واقوله
تخيل الحمير فكرو وفهمو ان اتحادهم فيهم قوتهم؟واحنا لسه؟
يا مصريين افهمو لان الحمير اهى فهمت وياريت نعرف بقى اننا اسلاميين او
اشتركيين او ليبراليين او حازمون او فتوحيون او اخوان او اى من كائن كان
لازم نتحد مع بعض ونشوف مصلحه مصر وكفايه فرقه لانهم عوزنا كده
الصوره بتتكلم عن نفسها واتمنى لو فهمتها كويس تشيرها لغيرك ويارب بقى نفهم
وهحكى قصه بسيطه للى بيحصل لينا الان
سيده كادت ان تغرق وتثتغيث بالناس
فقال لها السلفى اتغطى اولا حتى انقذك وتركها ومشى
وأصر الإخوانجى على إستئذان المرشد العام أولاقبل انقاذها
واشترط شاب من 6 إبريل موافقة 130ائتلاف من ائتلافات شباب الثورة على
الأقل قبل انقاذها
ونصحها الليبرالى أن تخلع كل هدومها عشان تبقى خفيفة وتقب علي وش الميه
وطالب أحد ثوار التحرير بعمل مليونية الجمعة المقبل باسم "جمعة انقاذ
الفتاه التي تغرق"
فيما أكد كل من في العباسية انها لو ماتت تبقى غريقة مش شهيدة و تسألو هي
إيه إلي نزلها المية أصلاً ؟؟
وأكد تامر بتاع غمرة إن سمعها بتنادي بانجلش لانجويدج عشان حد ينقذها
وبكى الجنزورى وهو يعتذر لأن أبو العربى لسه مابعتش العوامة
وانتفض البرادعي وأخرج الأي باد وكتب على حسابه على تويتر "كرامة المرأه
فى حقها فى الحياة"
وقالت نواره نجم وأسماء محفوظ أن المجلس العسكري هو من قام باغراق السيده
وهو المسئول عن انقاذها
وقال مرتضى منصور أنه يمتلك سي دي لهذه السيدة المنحلة وأنها على علاقة
بممدوح عباس وأحمد شوبير
وأكد توفيق عكاشه أن نزولها للبحر هو أحد طقوس الماسونية العالمية وطالب
التواجد فالعباسية للتصدي للمؤامرة المدبرة من هذه السيدة
وأكد وزير الداخلية إن معندناش بحر أصلا
للأسف الشديد .. الست دي هي مصر
ارجوكم خلو قلبكم على قلب مصر
وعجبى