عارفين ...... قصيده بقلم ياسمين جمال

عارفين
أنا حاسة إني متغيرة من فترة
زى مايكون عايشة بدورين
جوايا قلب عمال بيفضى من الحنان
وعندي دمع نشف جوة العنين
فى يوم تلاقينى طير عالي فى السما
ويوم سلحفاة ماشية كدة بالضالين
فى يوم اكون مطر يروي القلوب الطيبة
ويوم سحابة سودة ضلمتها بسنين
تسمع كلام الناس يقولوا وايه يعنى
هو انتي بس اللى عندك الام ولا قلبك حزين
مكل الناس جواها همومها وساكتة
عيشي وخليكي كدة من الصابرين
اللى الهم جواهم جبال وضخور
لكنهم دايما فى وشنا بيضحوا ومش مبينين
واللى يقلك انا زيك كتير شايل
بس أنا باتمنى أبقى قدارم ربنا من المحتسبين
نطلع همنا في كلام يقوالوا عليه شعر
تلاقيهم يغمزوا ويلمزوا جبتى الكلام دة منين
ياناس دة شعر يعنى أحلام أو أوهام
أو سموها حتى زي مكانوا بيقولوا إلهام شياطيين
اللى يحبك
واللي يزمك واللي يغمز عليك
ويقول يمكن ذنب شوفي انتي ظلمتى مين
واللي جواهم شوية إيمان يقولوا
دة ابتلاء اكيد انتى عند ربنا من المحسنين
وانتوا ولا فاهمين
ولو قلنا بدل الكلام مليون كلمة وكلمة
أو عشنا نبكي دمعنا طول السنين
مستحيل تكونوا فاهمين
هو اللي عاش عمره شبع حرية وحياة
هيحس بفقير مأكلش بقالوا سنين
هو اللي شاف عمره ورود منورة وشموع
هيحس بالظلمة اللي قتلت ضي الياسمين
إنتوا مش حاسين
أنا عمري ضاع عديت خلاص الأربعين
مافتكرش إنى في يوم عشت لنفسي
مافتكرش إني فرحت ولو يومين
أنا واللي زيي إتخلقنا كبار دقنا مرار القهر
شاب شعرنا وإحنا يدوب في الدنيا لسة جايين
زرعنا الدنيا بورد وفل وقلنا هتطرح هنا
طرحت لنا صبر وقالت ياترضوا ياتكونوا ميتين
ورضينا
رضينا بالصبر بس الاصل إننا متنا
ماهو الزمان بيدي بس للي مش عاوزين
مستحيل تكونوا فاهمين
يعنى إيه الوردة تبقى بيضة ونادية
ونسقيها دم تقوم تحمر والجرح ميبنش للناظرين
يعنى إيه الطفل يتولد نرضعه الهم
عشان يتحمل اللي جي ويبقى من الراضيين
يعنى إيه تبقى الضحية حد فينا
وبسكينة تلمة ندبحها عشان يعيشوا الباقيين
يعنى إيه يبقى عشانا ضحك وغني وحبة دموع
وننام نغطى بعضنا وإحنا ضاغطين على بطننا بالإدين
مستحيل تكونا فاهمين
ياصاحبي
ياصاحبتى
لو شفتوا يوم الهم باصص من عيوني
متقلوش إنتي ضعيفة ولا غيرك فيه هموم السنين
متقلوش الهم بيكَبَر وعيشي زى كل الناس
إحنا إتولدنا وهمنا زرعوه في دما في الشرايين
إسألوا
أيوة إسألوا يمكن في يوم تتعلموا تكونوا بني أدمين
يمكن أشوف في عنيكم نظرة حب
مش شفقة
لأن قلوبكم هي لمحتاجة تأمين