رساله من ابن علاء .... بقلم مصطفى محمود ابو ابراهيم‎

طلبت من ربنا
من فوق هنا
ف السما
يبدلى أكفانى
وأحكى بالتليفون
لكل أحبابى
ألبس أنا بدلتى
يرجع صبايه تانى
وأظهر وأنا فى هيئتى
وبكل كيانى
ويروح كمان المرض
والبسمه تحلالى
كأنى فى دنيا الأمل
وأرجع أموت تانى
ربى رحيم فى السما
رجائى فيه مظلمه
جايه من الشهداء
أيوه أنا إبن علاء
وجدى كان فى بهاء
حاكم لكن خيلاء
تيتا وعمى شقاء
وحاشيه م الجبناء
وآلوو:
جدى:
الغالى أيوه ياعالى
كنت واحشنى ولسه بعانى
أنا إبن إبنك علاء
وإسمى على إسمك
وكنت نور وضياء
وحشنى كمان رسمك
أنا كنت أعز حبيب
سؤال؟ ياجدى العجبيب
ياترى بتقدر تنام!!
م الظلم والأحلام
كوابيس كمان أوهام
ومرضك لساه موجود
لسه الألم بيعود
أكيد أكيد نمرود
آلوو
جدى:
إقتل فريد الديب
كداب وكلب غريب
إسمعنى يا جدى
وإرحمنى من غلبى
شهدا كتير عندى
طالبين قصاص منى
طب قوللى إيه ذنبى
آلوو
جدى :
ياريت تيجى عندى
تسمع آهات الشهيد
وتشوف كمان ودنى
شِبعت آهات من دى
آلوو
جدى:
الرحمه عندى هنا
من رب فوق فى السما
إبكى تنول المنى
وأدعى تجيلى هنا
الرحمه من ربى
عندى شفاعه ليك
توب الله يخليك
آلوو
جدى:
قوم من على سريرك
وأمر وأنا أجيلك
أقف وقل يا بلد
الظلم منى أتولد
طالب قصاص منى
قولها يا جدى
تنول رضا ربى
أصرخ وقول الحق
إعلنها آه مش لاء
وقوله يا قاضى الحق
قتلت أنا ولادى
إبن إبنى بينادى
وحبه كان زادى
وصداه فى ودانى
أحكم بأه ياقاضى
آلوو
جدى:
سيبك من المشير
له يوم خلاص هايطير
إعلنها يالا بأه
وأقولها فى المحكمه
مذنب أنا للسما
وإبن إبنى أنا
بالحق نادانى
وحكمت المحكمه
وحكم كان م السما
يعدم جدى أنا
ويجى عندى هنا
وكل قلبى مُنى
يرحمه ربى!!!!