حديث المدينة

مفيد فوزى : املك ان اقول عنه انه الرجل القيمه رمز الحنان والمحبه والشعور الفائق المسئوليه كنا نبتسم اذا ابتسم وكنا نبكى اذا ارتعش صوته وهم فقط بالبكاء هو اشهر ا باء السينما المصريه هو الريس عبد الواحد فى رد قلبى هو سلامه فى اسلاماه هو جدو عزيز فى المراهقات وبابا امين هو الذى طرده يوما جورج ابيض من على المسرح وامام الجمهور فخرج يبكى وكانت نقطة تحول فى حياته صار بعدها الممثل العبقرى حسين رياض الذى جاء الى دنيانا فى 13/يناير عام 1900 ورحل فى 17/ يوليو عام 65 هو احد اللذين حصلوا على لقب فنان الشعب مع ام كلثوم ومحمد عبد الوهاب ويوسف وهبى وامينه رزق ومن خلال ابنة السيدة الفاضلة فاطمة حسين رياض نتذكرة نتذكر حسين رياض فى حديث المدينه
فاصل
مفيد فوزى : فاطمة حسين رياض يا سلام كنت عندك كام سنه لما مات حسين رياض
فاطمةحسين رياض : فى العشرينات
مفيد فوزى :صغنونه كده
فاطمة حسين رياض : انا ما عشتش معاة كثير يعنى كلنا للاسف انا واخواتى ما استمتعناش به فترة طويلة
مفيد فوزى : انتوا كنتوا بتستمتعوا فقط فى الصيف ؟
فاطمةحسين رياض :بالضبط
مفيد فوزى :بتروحوا معاه البلاجات وتتنطتوا
فاطمةحسين رياض : لأ كان نظام الفرقة القومية ان بيطلعوا شهر المسرح القومى فى الاسكندرية وبعدين 15 يوم راس البر
مفيد فوزى :اه فبتطلعوا معاه يعنى ؟
فاطمةحسين رياض : فكنا عايشين فى المسرح يعنى
مفيد فوزى : اه كنت حاسة انك انت بنت فنان مشهور محبوب ايامها يعنى كنى قادرة تحسى المعنى ده ؟
فاطمةحسين رياض: لأ حسيت بيه اكثر بعد وفاته وبعد القراءات اللى قرأتها عليه
مفيد فوزى : اه
فاطمةحسين رياض : اه
مفيد فوزى : وخلال حياته ؟
فاطمةحسين رياض : خلال حياته كان بابا بابا اللى بيدلعنى بيعاقبنى ساعات
مفيد فوزى : بيدلعك ازاى ؟
فاطمةحسين رياض : مش بالاسماء بالافعال بالفعل باللمسة الحنينه بالنصائح بالاهتمام
مفيد فوزى : اه
فاطمةحسين رياض : يعنى
مفيد فوزى : هو انت كنت بتشتغلى ايه يا افندم؟
فاطمةحسين رياض :انا كنت مدير عام خبير علاقات عامه فى شركة بترول حاليا عضو مجلس ادارة فى شركة تنمية عقارية وشركه رخام وجرانيت
مفيد فوزى : جميل عندك ولادظ
فاطمةحسين رياض : اه
مفيد فوزى : اد ايه اولادك؟
فاطمةحسين رياض : لأ انا اولادى متزوجين ومخلفين يعنى انا جدة
مفيد فوزى : انت جدهظ
فاطمةحسين رياض : ايوه
مفيد فوزى : اه انتى جدهزظ
فاطمةحسين رياض : ابنى دبلوماسى ؟
مفيد فوزى : يعنى انت تزوجتى وانت عندك مثلا عشر سنين ؟
فاطمةحسين رياض : هههههه مجملة حلوة من حضرتك
مفيد فوزى : لأ مش مجاملة
فاطمةحسين رياض : يا مفيد بيه
مفيد فوزى : صحيح عشر سنين
فاطمةحسين رياض : الحمد لله ربنا يخليك
مفيد فوزى :عندك راجل دبلوماسى
فاطمةحسين رياض : ابنى
مفيد فوزى : ابنك دبلوماسى ؟
فاطمةحسين رياض : ايوهاا اساسا ضابط شرطة وبعدين دبلوماسية
مفيد فوزى : كويس ومين كمان؟
فاطمةحسين رياض : وبنتى خريجة جامعة امريكية وبتشتغل فى مجال السياحة
مفيد فوزى : جميل افتكر ليك اخت بتدرس لغة فرنسية ؟
فاطمةحسين رياض : بالضبط استاذة لغة فرنسية
مفيد فوزى : استاذة لغة فرنسية
فاطمةحسين رياض :بالضبط
مفيد فوزى : وليكى اخ افتكر لواء؟
فاطمةحسين رياض : اللواء شرطة مساعد وزير الداخلية بس هو دلوقتى على المعاش
مفيد فوزى : حسين رياض ده فيه جانب مكناش نعرفه انه ربى اولاده تربيه محترمه
فاطمةحسين رياض : الحمد لله هو كان يستحق عن جدارة ابو السينما المصريه لان هو فعلا يستحق
مفيد فوزى : الوالده بتشتغل؟
فاطمةحسين رياض : لألألأ كانت سيدة بيت هى قريبة بابا من بعيد
مفيد فوزى : عايز اسألك سؤال هو فيه مسرح يحمل اسم حسين رياض او شارع يحمل اسم حسين رياض ؟
فاطمةحسين رياض : كويس ان حضرتك فتحت الموضوع ده لانى كنت مأجلاه للاخر بالنسبة للشارع انا من سنه 1990 او 1992 مش متأكده قوى بس عندى ما يثب الكلام الذى اقولة وانا بأطالب باطلاق اسم شارع باسم والدى بمكان يليق مكانته وبتاريخة الفنى
مفيد فوزى : عملوا شارع ؟
فاطمةحسين رياض : منا هقول لحضرتك
مفيد فوزى : اه ف واقترحت ان يطلق على جزء من شارع واكد ليه لان هو قريب من شارع عماد الدين اللى هو شارع الفن ايام بابا شارع واكد بوسط البلد
مفيد فوزى : فى اى حته ؟
فاطمةحسين رياض : دلوقتى مش معروف بس ايام ما كنت باطالب كان قريب من عماد الدين
مفيد فوزى : اه
فاطمةحسين رياض : عماد الدين معروف ان هو كان السنتر بتاع
مفيد فوزى : عصرا كاملا من الفن ؟
فاطمةحسين رياض : بالضبط كده ومسارح وا وا الى اخرة فقعدت فى هذا الموضوع احارب حقيقى ووجهت كلمات كثيرة للمحافظ وللمسئولين الحقيقة فى كثير من الكتاب والصحفيين وقفوا معايا اللى تحمس جدا ليا الاستاذ عبد الفتاح البارودى
مفيد فوزى : الله يرحمه
فاطمةحسين رياض : اة وكاتب كلام فيه فى منتهى الجمال وقال ان ده ابسط حق ان اسرة حسين رياض تطالب بهذا
مفيد فوزى : اذن مفيش شارع يحمل هذا الاسم ؟
فاطمةحسين رياض : لأ
مفيد فوزى : ولا مسرح ؟
فاطمةحسين رياض : منا هقول لحضرتك اخيرا اخيرا 2002 اعلن عنها حتى انا قرأتها فى روز اليوسف
مفيد فوزى : اه اه
فاطمةحسين رياض :اطلقوا اسمه على شارع فى النزهة الجديدة طبعا انا كنت ا تمنى
مفيد فوزى : ايه ا لنزهة الجديدة دى فى اسكندريه؟
فاطمةحسين رياض : لأ هو منطقة قريبه من مصر الجديدة الحمد لله لكن طبعا ما ارضنيش قوى لان انا اتمنى ان يكون شارع يليق بيه زى ما حصل بالضبط مع الفنان ا لرائع محمود المليجى لان ده
مفيد فوزى : فين شارع محمود المليجى ؟
فاطمةحسين رياض : فى مدينه نصر وشارع رئيسى وجميل جدا ومحترم بس دى الامنيه اللى كنت اتمناها وحضرتك عجلت بيها بقى قبل انهاء المقابلة الجميلة دى ان انا كنت اتنمنى يعنى برضه من اياميها وانا باطالب اطلاق اسمه على مسرح سواء فى القاهرة او فى اسكندرية يا مفيد بية والدى والرواد الاوائل زملائة معروفين طبعا كلهم اتبنت على اكتافهم النهضة المسرحيه والسينمائية فى مصر
مفيد فوزى : صحيح ؟
فاطمةحسين رياض : كان امنيته ان يموت على خشبة المسرح وهذا ما حدث
مفيد فوزى : حصل فعلا ؟
فاطمةحسين رياض : بالضبط
مفيد فوزى : حصل له ايه على خشبة المسرح ؟
فاطمةحسين رياض : بس اكمل الامنيه
مفيد فوزى : لأ انا عايز اعرف دى ؟
فاطمةحسين رياض : حقول لحضرتك
مفيد فوزى : اه
فاطمةحسين رياض : هو كانت جاءت له الذبحة الصدريه بالضبط انا فاكره كان فى لقاء مع الاذاعية اللامعه ليلى رستم فى كان برنامج بتقدمة اسمه قمم -
مفيد فوزى :نعم
فاطمةحسين رياض : فا انا كنت بتفرج عليه مع والدتى يعنى كان فى الشتاء وبابا لابس كوفيه ولابس بدله
مفيد فوزى : فى السينما
فاطمةحسين رياض : لأ فى التليفزيون
مفيد فوزى : فى التليفزيون
فاطمةحسين رياض : اه فا لاقيته عرقان جامد جدا بيعرق فجأة كدا وانا باتفرج عليه انا حفظاة لكن حسيت ان فيه شئ مش طبيعى فا انا قلت لماما بابا تعبان بابا مش طبيعى فيه شئ مش طبيعى بس طبعا مجاش فى مخنا احنا قلنا اجهاد كده فعلا بعد ما خلص جابة السواق البيت طلع طلبنا له على طول د/جية قال ذبحة صدريه وطلب منه ان هو يرتاح دى كانت اقصى هو كان بيعتبرها اقصى عقاب له كان يقول ارتاح ازاى الموت اهون من الرقاد فى الفرش 17 يوم بالضبط ونزل وكان بيعمل بروفا واثر قعد 6 ايام يعمل بروفه اللى اتفرجوا عليه وهو بيعمل البروفا بعدين بقى انا قرأت الكلام ده قالوا هو كان بيتحرك على خشبة المسرح كا ابن العشرين
مفيد فوزى : يااااااااااااه
فاطمةحسين رياض : كا ابن العشرين بالضبط كده
مفيد فوزى : قولى لى فيه فنان يذكرك بحسين رياض من فنانى اليوم؟
فاطمةحسين رياض :عظيم حضرتك بتسأل الاسئلة اللى انا نفسى تسألها لى حقول لحضرتك حاجة انا باشوف باباب فى الاستاذ يحيى الفخرانى وبعدين الاستاذ نور الشريف لما كبر
فاصل
مفيد فوزى : هل حقا اصيب يوما بالشلل لما عمل شخص مشلول؟
فاطمةحسين رياض : بالضبط بالضبط كان بيمثل شخصية شخص مشلول فى فيلم الاسطى حسن
مفيد فوزى : اه
فاطمةحسين رياض : مع الفنانه القديرة هدى سلطان وفريد شوقى وكان بيمثل دور مشلول وفعلا رجع البيت نام شويه وماما دخلت عليه اعتقد كانت بتعطى له قهوة العصر فلاقت الحالة كدة يعنى كان مشلول اتشل فعلا ولحقناه بدكتور وانا يعنى زى خيال كده فاكره دكتور كان عمل له فاست بيسموه فاست دم وكدة
مفيد فوزى : من فرط الاداء الصادق؟
فاطمةحسين رياض : وكان ماسك بالضبط بالضبط
مفيد فوزى : والاخلاص
فاطمةحسين رياض :بالضبط
مفيد فوزى : انا بسألك ليه مفيش حد من اولاده بيشتغل بالفن وانت تتمتعى حتى فى هذا العمر وده مش مجاملة بوسامه لها طابع خاص
فاطمةحسين رياض : برضه هذا السؤال سؤل لى كثير انا
مفيد فوزى : عايزه تقولى لهم ايه
فاطمةحسين رياض : اقول ان انا كنت متجه تماما اتجاه اكاديمى
مفيد فوزى : ومش فنى ؟
فاطمةحسين رياض : لأ
مفيد فوزى : اللوا ء رجائى فكر فى كده هل ده موقف من الاب هل الاب كان يرى انه ما يجبش ان حد يشتغل فى الفن
فاطمةحسين رياض :اطلاقا اطلاقا
مفيد فوزى : يعنى لو كان حد منكم موهوب كان اشتغل فى الفن ؟
فاطمةحسين رياض : طبعا طبعا لان بابا كان ديمقراطى جدا فى تعاملاته معانا
مفيد فوزى : عايز اسألك اقولك كلمينى عن الاب حسين رياض الاب فى الحياه بقى مش فى الفن
فاطمةحسين رياض :بايقاع سريع لحضرتك
مفيد فوزى : ايوه
فاطمةحسين رياض : هو كان ديمقراطى جدا فى التعامل معانا لا يجبر شخص على شئ هو مش عايزة لكن اذا كان فيه موقف ويحتاج حسم كان لايمكن لازم يحسم هذا الموقف للى هو شايفة اصلح ؟
مفيد فوزى : اه
فاطمةحسين رياض : كان يميل الى التقاليد الشرقيه فى البيت
مفيد فوزى : بمعنى ؟
فاطمةحسين رياض : بمعنى ان انا مثلا انا واختى لو حبينا نخرج مفيش خروج لوحدنا لازم السواق والداده معانا صحبتنا يجوا لنا اكثر ما احنا نروح
مفيد فوزى : اه
فاطمةحسين رياض : وهكذا كان يتسم بالحنان المفرط الاهتمام بكل صغيرة وكبيرة تشوف حضرتك الحنان فيه لما حد مننا يعيى كريم كريم جدا
مفيد فوزى : الله الابوه اللى كانت بتطلع على الشاشة دى
فاطمةحسين رياض :حقيقة
مفيد فوزى : ابوه حقيقية
فاطمةحسين رياض : حقيقة وهو حقيقى بيتجسد الشخصية غير معقولة يعنى ويقدر حتى لو مش اب الطريقة اللى الناس ممكن يتجسد الشخصية دى لكن هو حقيقتا برع فى دور الاب اكثر من اى حاجة ثانية لان هو فعلا زى ما كان فى ا لبيت
مفيد فوزى : انا شاعر ان صوته اللى كان بيتكلم بيه فى السينما ليس صوت مستعار يعنى متخيل ان لما ينده لك يا فاطمة هو نفس الصوت لو بينتده على فاطمة اللى هى مثلا فاتن حمامه
فاطمةحسين رياض : الضبط
مفيد فوزى : الصوت ده يعنى لا مستعار الارتعاشه فى الصوت
فاطمةحسين رياض : بالضبط
مفيد فوزى : يعنى
فاطمةحسين رياض : الصوت اجش فيه بحه
مفيد فوزى : ايوه ايوه
فاطمةحسين رياض :يعنى بابا كان عنده بصمة صوت بصمه
مفيد فوزى : انت فاكرة الموقف اللى وقف فيه مع عبد الحليم حافظ ؟
فاطمةحسين رياض : طبعا
مفيد فوزى : فى فيلم من الافلام كانوا افتكر هيقبضوا عليه
فاطمةحسين رياض : واقف فى الكواليس
مفيد فوزى : وكا ن اسمه بابا دجلوا
فاطمةحسين رياض : اه بابا دجلوا
مفيد فوزى : مش كده
فاطمةحسين رياض : اه اه اه
مفيد فوزى : يبدو انا ذاكرتى لم تصدأ بعد
فاطمةحسين رياض : استنى لأ مش بابا دبلوا حضرتك لخبطننى
مفيد فوزى : عزيز
فاطمةحسين رياض :كان المايسترو عزيز اه هههههههههههه بس انا عايز اقولك جادوليو
مفيد فوزى : برافو عليكى
فاطمةحسين رياض :اه
مفيد فوزى : كنت بشوف له صور فى الارشييف فا لقيت له صوركثير مع الرئيس السادات هل كان يتمتع بحب الرئيس السادات ازاى جاءت الصداقة دى ؟
فاطمةحسين رياض :لأ انا مش عرفاها بس هو المعروف عن الرئيس انور السادات انه كان محب للفن والفنانين
مفيد فوزى : ا نا عارف طبعا الفن كان قيمه عنده
فاطمةحسين رياض : جداااااااا جدا
مفيد فوزى : انت عارفة انة كان بيعذف باستمرار فى الحفلا ت الرئيسية شخصية من الفنانين
فاطمةحسين رياض : اه هو كان انا هقول لحضرتك حاجة اول شخص دخل علينا البيت بعد وفاة والدى كان هو الرئيس انور السادات يااااااااااه فى الاربعين اول شخصية دخلت علينا السيدة جيهان وجت من ميت ابو الكوم علينا على طول طب انا هقول لحضرتك حاجة خاصة بحضرتك
مفيد فوزى : اتفضلى
فاطمةحسين رياض : كنت حضرتك بسالوك فى البرنامج كانو بيسألوك على التمثيل ومش التمثيل فا انت قلت فيه تمثيل بلا تمثيل
مفيد فوزى : ايوه
فاطمةحسين رياض : وضربت مثل بحسين رياض وقلت كلام جميل جدا انا ما شفتش هذا البرنامج اللى شافة اخويا فكلمنى على طول بعد انتهاء البرنامج
مفيد فوزى :اه
فاطمةحسين رياض :قالى الاستاذ مفيد فوزى كان دلوقتى واتكلم وعمل ووووهما عارفين ان انا الى حد ما على اتصال بوسائل الاعلام فا انا قفلت معاه ورحت ضربه لحضرتك تليفون تليفونك كان عندى كنت اخذته من صحفية من الصحفيات اللى عملت معايا بعض الاحاديث وحضرتك رحت راضد عليا على التليفون حتى انا اتخضيت كنت اول مره باكلمك فا بقولك استاذ مفيد فوزى قلت لى ايوه مين يا افندم فقلت لك انا فلانه رحت رضيت عليا قلت لى ايه بقى استنى شويه لما اخذ نافسى لحسن جسمى كله بيترعش
مفيد فوزى : ده صحيح
فاطمةحسين رياض :طب اعمل انا ايه لما استاذ فى حجم الاستاذ مفيد فوزى يقولى كدة احس انا باية بقى
مفيد فوزى : احنا من جيل اتربينا على فن حسين رياض
فاطمةحسين رياض : هقول لحضرتك مفيش مصلحة ممكن اخشها لقضاء عمل خاص بيا بنك غير بنك فى اى حته واقدم مثلا البطاقة بتعتى اوكدة اللى بيشوف البطاقة يشك فى الاسم فا يسأل ااكد له المعلومه حضرتك لا تتخيل اللى بيحصل لى يعنى ا لامور كلها تمشى والابواب تتفتح ليا انا مواطنة عادية جدا وشخصية عادية لكن ا للى يميزنى حاجة واحدة انى احمل شرف اسم حسين رياض باحمل اسم حسين رياض
مفيد فوزى :لكن هل بالضروره حضرتك تعتقدى ان ابنه الفنان تبقى فنانه مثلة ؟
فاطمةحسين رياض : لأ مش بالضرورة لابد من الموهبه يا مفيد بيه لابد من الموهبه وبعدين هذه الموهبة تثقل بالدراسة بالاطلاع بطول الممارسة يعنى انا اذكر مقالة للكاتب الكبير خيرى شلبى دى1998 سنه فى مجلة الاذاعه والشباب
مفيد فوزى : فى الاذاعة والتليفزيون؟
فاطمةحسين رياض : الاذاعة والتليفزيون
مفيد فوزى : اه اه
فاطمةحسين رياض : اسمها بورتيريه وجايب صورة والدى عملية تشريحية اتأثرت بيها جدا جدا فا ضمن كان جايب نواحى الشخصية فى حسين رياض وبعدين جايب النواحى الفنية فهو بيقول ان هو تبنى او هو صاحب مدرسة فنية خاصة بيه
مفيد فوزى : اخواتك عندهم ايه مواهب انا شاييف انك عندك موهبة الحديث وموهبة التأجج الفنى جواكى ويعنى
فاطمةحسين رياض : علشان طلعت باحب القرأة زى بابا بابا كانت عنده مكتبة خطيرة
مفيد فوزى : اه ايه سر حسين رياض ايه سر عبقريته من وجه نظر بنته ؟
فاطمةحسين رياض: تقدسة للفن بابا كان عايش بس علشان الفن
مفيد فوزى : اه بس رباكوا رباكوا
فاطمةحسين رياض : اه بس حقيقة والدتى هى اللى قامت بالدور كلة بس هو كانت متابع لكن حياته فعلا الفن
مفيد فوزى : على فكرة لازم اعترف لك ان انا بابقى باسأل اسئلة كثيرة واسئلة فيها تفاصيل كثيرة واحيانا يبقى ليا نوع من المخالب انما يبدو ان حضورك الشخصى وحضور العظيم حسين رياض اخفى هذه المخالب وجعلنى اصغى لحلى ثمرة لحسين رياض
فاصل
مفيد فوزى : الكاتب الساخر الكبير احمدر رجب يصف دكتور حازم ياسين طبيب العيون بانه عبقرى كنت ادرك انه يكتب حقيقة دكتورحازم ياسين احد من الاسماء الكبيرة فى عالم العيون رغم انه شاب بعد وعندما سمعت عن الدكتور الشاب رامى موسى لم اكن اعلم مازا يفعل بالضبط سوى انه من مساعدى العبقرى الكبير الاستاذالدكتور مجدى يعقوب احد مباهج مصر الطبية واحد من اللذين يصنعون البسمة على قلوب الاطفال الاطفال الصغار حين تنجرح قلوبهم بالعمليات رامى عيسى شاب عنده 25 سنه من المؤكد انه واعد من المؤكد ان مجدى يعقوب لما اختارة علشان يكون واحد من مساعدية داخل غرفة العمليات كان يعنى انه بيشاور على كفاءة مهمة وطبيب واعى فاهم قبل البرنامج قعد يحكى لى هو راح فين وجه منين واكتشفت ان العالم بيعرفة اكثر يمكن مصر متعرفوش عن قريب
فاصل
مفيد فوزى : اصريت ازورة فى بيته مع والدة ووالدته واخته حبيت اعرف طبيب مصرى شاب اسمه رامى موسى عرفت معلومة منه ان جده اول رئيس لمصر محمد نجيب لكن هو مشفوش ولا عاشوش رامى هو انت سمعت ايه عن الرئيس محمد نجيب
د/رامى موسى :هو اولا مات فى نفس السنه اللى انا اتولدت فيها اتولدت سنه 84
مفيد فوزى : هو مات 84؟
د/رامى موسى : اه هو مات 84 فا انا يمكن ما شفتوش
مفيد فوزى : لكن هل هو ظلم ؟
د/رامى موسى : ظلم طبعا طبعا
مفيد فوزى : مين اللى ظلمه ؟
د/رامى موسى : انا عايز اقول ان اللى ظلمة فى وقتها كان جمال عبد الناصر يمكن لان هو سعتها كان لواء فى الجيش وكان انا قرات فى كتاب للتاريخ ان كان عنده قوات للحرس الجمهورى وطلب منه فى هذا الوقت ان ياخذ القوات دى لان مفيش قوات كافية فى الجيش تقريبا فا بقى هو لوحده فى القصر الجمهورى وبعد كدة جت عربيه من الجيش اخذته للمنقى بتاعة اللى بعد كدة كان فى المرج
مفيد فوزى : قعد اد ايه فى المرج؟
د/رامى موسى : قعد لحد شوف من سنه 53 لحد 84 ويمكن فى الفتره بتاعت الرئيس مبارك افرج عنه كان عايش فى المنيل
مفيد فوزى: تمام لكن انت صغير يا اخى مش كده والا ايه؟
د/رامى موسى : اه يعنى داخل على ال 25
مفيد فوزى : داخل على ال 25
د/رامى موسى : ان شاء الله
مفيد فوزى : يعنى هل الدماغ دى اقنعت مجدى يعقول ازاى فهمنى ؟
د/رامى موسى : والله انا اول مره قابلت دكتور مجدى يعقوب كنت فى سنه ثانية كلية طب جامعة القاهرة و دى صورة ليا معاة قابلتة فى مؤتمر من المؤتمرات الطبية واستاذنت منه ان انا كنت عايز احضر عملية معاه
مفيد فوزى : استاذنت كان ايه هدفك انك تحضر العمليات ؟
د/رامى موسى : انا حبيت جدا الجراحة فى سنة اولى كنت احب مادة التشريح مادة التشريح هى نفسها مادة الجراحة بس الفرق انك بتشتغل على بنى ادم متوفى والثانية بتشغل على بنى آدم حى دى من ا حد الحاجات اللى نفسة تطبق انه يبقى فيه applied medicine انه يبقى الطب مطبق بمعنى ان انت تأخذ مادة التشريح فى نفس الوقت اللى انت بتأخذ فيه مادة الجراحة
مفيد فوزى : لكن انت اتعلمت سنه اولى طب كانت فين ؟
د/رامى موسى :سنه اولى طب كانت فى القصر العينى البيت الاساسى اللى انا افخر انى انا موجود فيه
مفيد فوزى : وانا سعيد ان انا بسمع ده
د/رامى موسى : انا انا
مفيد فوزى :كنت فاكر انك هتقول اتعلمت سنه اولى طب فى لندن مثلا
د/رامى موسى : لأ
مفيد فوزى : اتضح انك فى القصر العينى ؟
د/رامى موسى : وافخر بذلك
مفيد فوزى : مين اللى اظهر فيك الاحساس الجميل بالجراحة ؟
د/رامى موسى : والله هو انا ليى اساتذة كثيرة جدا
مفيد فوزى :منهم مين ؟
د/رامى موسى : هقول لحضرتك انا فية دكتور حضرت معاة عملية كان اسمعة احمد حسين جعفر ابن الاستاذ الدكتورحسين جعفر ده اول عملية قلب كنت حضرتها معاه وانا كان عندى 18 سنه كنت فى سنه اولى
مفيد فوزى : وشفت بعنيك؟
د/رامى موسى : وشفت بعنيا وكانت مفاجأة اشوف القلب مفتوح وبيدق وشغال وحاجة عجيبة بالنسبة لى رحت وبدأت اقرأ كتب واروح مؤتمرات واشوف ازاىالقلب بيشتغل واحضر فى المشرحة واشتغل تشريح القلب وابدأ اقرا وابدأ اروح محاضرات علمية coursesعلشان ابقى مؤهل لحضور جراحة زى دى لازم اكون متعلم جراحة عامة الbasicsاللى انا المفروض ان انا ااخذها فى سنه ثالثة طب فبدأ اروح محاضرات سنه سادسة وبدأت اخلص واروح احضر بعد الظهر محاضرات سنة سادسة واقرأ الكتب بتاعتة سنه سادسة واحضر المحاضرات بتاعت الجراحة وكل مدى بقيت احب الجراحة اكثر دخلت الجراحة وبدأ
مفيد فوزى : انت وهبت نفسك لجراحة الطب لجراحة القلب؟
د/رامى موسى : اه
مفيد فوزى : اقدر اقول كده
د/رامى موسى : اه يعنى انا انا اية فيه من اول ما دخلت الكلية سمعت مقولة حديث عن الرسول عليه الصلاة والسلام الا ان فى الجسد مضغه اذا صلحت صلح الجسد كلة واذا فسدت فسد الجسد كله يعنى فيه حتة مضغة فى الجسم
مفيد فوزى :اللى هى ؟
د/رامى موسى : الا وهى القلب بس فبدأت
مفيد فوزى : سؤال فولكلور كده ايه اهم القلب ولا الكبد؟
د/رامى موسى : لأ القلب لان القلب هو اللى بيدى الدم للكبد
مفيد فوزى : اه يعنى القلب ده هو رئيس ا لكبد؟
د/رامى موسى :اه بالضبط لو ما ادلوش الحصة بتعته من الاكل الكافى هيبطل يشتغل وكذلك المخ القلب هو اللى بيدى لهم الدم هو اللى الموتور اللى بيوزع
مفيد فوزى : هو المايسترو يعنى ؟
د/رامى موسى : الضبط بالضبط
مفيد فوزى :وهو حقيقة ان القلب يضخ فى لحظات الحب والرعشة دى حاجة ادبى
د/رامى موسى :لا لا
مفيد فوزى : اه
د/رامى موسى : دى حاجة حقيقية يعنى انا فى الاول كنت فاكر ان القلب ده مجرد مضخة زى ماكينه وخلاص
مفيد فوزى : اه
د/رامى موسى : يعنى معنى كده ان احنا لو شلنا القلب وحطينا مضخة صناعى وبقوى احسن منه خلاص يبقى هتشتغل وده فعلا حصل تجريبا ان واحد جاب عينين على فكرة زراعة القلب دى بتتعمل ما بنشلش القلب بتاع البنى ادم رغم انه خلاص باز بنحط القلب ده والقلب الصناعى او الmachineتبقى جنبة فا قال لك مادام الموضوع machineخلاص طب ما نشيل القلب ده والmachine هتشتغل بنفس القوة فلقى ان نسبة الوفيات 100% فده دليل ان القلب له وظفية اكبر من كونه مضخة
فاصل
مفيد فوزى : وهو مايكل جاكسون رحل ليه من القلب ؟
د/رامى موسى : اه
مفيد فوزى : هل سكته دماغية سكتة قلبية هل السكته القلبيه غير الدماغية؟
د/رامى موسى :اه السكتة القلبية هى توقف القلب وغالبا بيبقى توقفة نتيجة انقطاع الدم اللى رايح له يعنى سبحان الله رغم ان القلب جواه الدم ما يقدرش ياخذ دم من اللى جواه لان له حصة رايحة له زى الكبد وزى الايد وزى الرجل رايحه له بشراين خاصة حوالين القلب زى التاج اسمها الشرايين التاجية علشان كده سموه الشرايين التاجية الشرايين ا لتاجيه دى صغيرة ويادوبك مكفياة او انسدت او ضاقت هو ده اكبر سبب لحدوث السكة القلبية واسبابها كثيرة جدا فى مصر
مفيد فوزى : السكته غير الجلطة؟
د/رامى موسى : هقول لحضرتك
مفيد فوزى : يقولك فلان جالة جلطة قلبية
د/رامى موسى : اه هقول لحضرتك حاجة الجلطة عبارة عن ايه عبارة عن ان شريان من الشرايين يضيق بنسبة 50% 70% فا الدم اللى رايح لللجزءاللى بيغذية الشريان ده ان وده ليه اسبابها كثيرة جدا وانا كنت وحضرتك موهت للحته دى التدخين
مفيد فوزى : التدخين ؟
د/رامى موسى :التدخين سبب رئيسى ليه بقى لان السبب الوحيد اللى لو بطلناه نقدر نقلل حدوث الجلطة دى بنسب كبيرة 30 و40 بنتكلم حاجات كبيرة جدا ثانى حاجة السكر السكر كثير جدا فى الدول المصرية والسكر من الحاجات المهمة جدا اللى سهل ان الواحد يقدر يراعيها ويقدر يظبطها
مفيد فوزى : ويتكيف معها ؟
د/رامى موسى :ويتكيف معها بالضبط كفاية قوى ان الواحد لو جالة غيبوبة سكر وعرق يعالجة بمية وسكر دى حاجة بسيطة فى ناس كثير بتروح فيها
مفيد فوزى : تمام تمام
د/رامى موسى :الضغط ضغط الدم المرتفع عايز انوه ان تظبيط الضغط اهم كثير من تظبيط السكر السكر طبعا مهم لكن كل واحد يعنى واحد ضغطة 140 واحد ضغطة 141 الواحد ده يزود نسبة الstroke او الجلطة دى بنسبة 10 20 %
مفيد فوزى : الضغط ضغط الدم بينخفض ليه ؟
د/رامى موسى :هو اولا ضغط الدم فى الجسم
مفيد فوزى : يعنى يعنى خلينى اقولك المعنى الحسى يقولك يا اخى الهزيمه بتاعت المبارة دى رفعت ضغطى
د/رامى موسى : اه
مفيد فوزى : او الكلام اللى تدنى الحوار فى مجلس الشعب خلى ضغطى يرتفع او يقولك اية القرى فى الفيوم ما بتشربش ميه نظيفة ترفع الضغط يعنى فاهمنى
د/رامى موسى : صح صح
مفيد فوزى : الشخص اللى معنى ببلدة او اللى قلبة على البلد لما حاجات زى كده ما يقدرش يشترى دماغة
د/رامى موسى :بدليل ان فيه انتماء علشان كده الضغط عالى
مفيد فوزى : اه
د/رامى موسى :الناس كلها البلد كلها
مفيد فوزى : فى مصر الشباب بيموت ليه من القلب مبكرا؟
د/رامى موسى : هو فيه حاجة ويمكن دى بتحصل كثير جدا فى السن الصغير اسمها ال sudden less الموت المفاجئ الجلطة الجلطة دى بتحصل للناس الكبار اه بيدخن مش عارف بقالة كام سنه وسكر وضغط و stressعصبى اللى بنقول عليه لكن الصغيرين اكثر حاجة فى كهربة القلب
مفيد فوزى : كهربة القلب؟
د/رامى موسى : اه القلب ده طول عمرة قاعد شغال كده لو انا قعدت اعمل بأيدى خمس دقائق هتوجعنى ده شغال 50 سنه و60 سنه ما بيقفش خالص الا لو واحد عمل عملية قلب مفتوح
مفيد فوزى : تمام
د/رامى موسى :فا ايه اللى بيخلية يشتغل الكهربة اللى بتجيلة نقطة فى القلب كده عند الاذين الايمن اسمها العقد الفوق اذينيه اللى العقدة دى هى اللى بتدى كهربة للقلب بطريقة منتظمة
مفيد فوزى :كل انسان كهربته واحدة؟
د/رامى موسى :منتظمة 70 دقة فى الدقيقة لحد 90
مفيد فوزى : كيف نحمى اطفالنا من الكهربة ؟
د/رامى موسى : هقول لحضرتك حاجة فيه حاجات بسيطة جدا يعنى بنا خلق لنا عصب اسمه العصب الحائر العصب الحائر ده بيروح للاماكن اللى بتطلع كهربة كثير دى ويقلل الكهربه اللى طلعة منها وممكن احنا كبنى آدمين
مفيد فوزى :شغلته كده؟
د/رامى موسى : شغلته كده
مفيد فوزى : اه
د/رامى موسى :وممكن احنا كبنى ادميين لو انا مثلا بشرب سجاير وبشرب قهوة وحسيت دقات قلبى جاءت بسرعة جدا طب اعمل ايه علشان تقل بنشط العصب فا بنشطة ازاى عندى حاجة هنا جانب القصبة الهوائية اسمه الشريان
ا لسباتى بيسموه السوباتى علشان بيسبب سبات نوم علشان هو اللى بيودى الدم للمخ لما تدلكه كده انت بتدلك حاجة اسمها carotid body جزء فيه بينشط العصب الحائر فا او يعنى بينشط ضربات القلب
مفيد فوزى : يعنى شغلتة انه يهدى ضربات القلب؟
د/رامى موسى : زى ما فيه اعصاب كثير هدفها انها تعلى ضربات القلب وفيه توازن بينهم
مفيد فوزى : في ناس ضربات قلبهم زايده يعنى دقه هل دى مشكلة؟
د/رامى موسى : مش مشكلة فى حاجات كثير يعنى ممكن تكون من شرب القهوة الكثير من النسكافية من التفكير
مفيد فوزى :على فكرة ملحوظة شخصية
د/رامى موسى : اه
مفيد فوزى :انا عندى
د/رامى موسى : ما انا عارف هههه
مفيد فوزى : عرفت ازاى ؟
د/رامى موسى : شائع جدا
مفيد فوزى : دكتور مجدى يعقوب قالى
د/رامى موسى : طب وقالك انت قال لى انا هههه
مفيد فوزى : قالى عندك دقه زيادة منين الدقة دى
د/رامى موسى : سببها ولا جيه منين
مفيد فوزى : جية منين هو قال لى خلقيا
د/رامى موسى :بالضبط كده هى حاجة جوا جسمك جوا الاذين نفسة بتدى امر بانه يعمل دقة فى غير ميعادة ولكن العقده شغالة فى ميعادها بس بدل ما يعمل تك تك تيجى واحده تعمل تك وبعدين تكمل طبيعى ثانى
فاصل
مفيد فوزى : هل الولد مايكل جاكسون مات بالمنبهات؟
د/رامى موسى :لأ انا شاييف الاحتمال اكبر انا كنت قرأت قبل كده انة كان عنده جلطات فى القلب قبل كده وسكتات قلبية قبل كده وده اللى انا عايز انبة ليه لان البنى ادم لما بيقولة الدكتورلأ متقلقش انت عندك جلطة صغيرة فى القلب فا قفلة لك الشريان الفلانى بنسبة 50% هتأخذ الدواء ده تحت اللسان لما تحس باى وجع وهتأخذ الادوية الفلانية وهتأخذ وتعمل رياضة وتبطل السجاير وتظبط السكر والضغط وتقلل الstress يفتكر ان ده كل حاجة ويبدأ خلاص انا باخذ العلاج ليه بقى اغير ال wifestayleبتاعى اكل اد كدة واقعد امام التليفزيون القعدة تتراكم مفيش حركه ال exerciseالحركة اللى ربنا امرنا بيها هى دى اهم حاجة كل الاشياء اللى تدوب الدهون وتريح القلب وتفضى الكرسترول هى الحركه
مفيد فوزى : سؤال علشان انت اخذتنى فى معلومات كثيرة
د/رامى موسى : اه
مفيد فوزى : ايه عدو القلب الكرسترول الدهون فهمنى ايه اللى هو يتربص للقلب بالخطر؟
د/رامى موسى : حلو جدا انا هقول لحضرتك حاجة بسيطة جدا عدو القلب فى مصر هو الاكل
مفيد فوزى :الاكل؟
د/رامى موسى : اه اتذكر ان فيه طبيب مره جى ده زمان بقى جى هدايا من البلاد منهم طبيب فكل الهدايا اتقبلت كان جاية للرسول عليه الصلاة والسلام ورجع الطبيب فا قال له انت ليه رجعت فقال له عندهم اية واحدة فى القرآن فيها كل الطب كلة قال له ايه دى قاله يا بنى ادم خذوا ذينتكم عند كل مسجد وكلوا واشربوا ولا تسرفوا
مفيد فوزى : ولا
د/رامى موسى : ولا تسرفوا
مفيد فوزى : تسرفوااااا
د/رامى موسى : اه
مفيد فوزى : نحن قوم لا نأكل حتى نجوع واذا اكلنا لا نشبع امامك طبق اكلة بس على 5 مرات لا تأكلة مرة واحد متجيش طول النهار جعان وتيجى مره واحدة تدبها اهو ده بقى اللى بيملى بطنه متنساش ان ثلث ثلث وثلث دى لما اكون خلاص لازم املآ بطنى لكن الصح ان انا ااكل علىقد اللى يقومنى كثرة الاكل هوده العدو الاساسى
مفيد فوزى : العدو الاساسى لى ايه ؟
د/رامى موسى : للقلب للجلطات اللى بتيجى فى المخ الكبد الالتهابات الكبدى الدهون اللى فى الكبد مشاكل المعدة وكل حاجة
مفيد فوزى :طيب هل جراحات القلب كلها مضمونه؟
د/رامى موسى : مفيش حاجة طبعا مضمونه المريض قبل العمليات بيمضى طبعا concert انه ممكن يموت مش مضمونه طبعا انا ممكن اقول لحضرتك واطمن ناس كثيرة جدا زعلت لما شفتهم بيروحوا المستشفيات اللى برة يلموا تبرعات بالملايين علشان يروح برة اقدر اقول لهم ان هنا فى مصر الجراحات مش عايز اقولك قريبة والا زيهم اقوى منهم انا اعرف جراحين فى مصر بيشتغلوا جراحات تبقى قاعد تشتغل والا بتتفرج مستمتع مستمتع العملية تخلص فى ثلاث اربع ساعات ان كان مثلا شريان مسدود ممكن يغير شريان واثنين وثلاثة واربعه وخمسة والقلب لسة بيدق القلب شغال فى حين ان فيه مستشفيات ثانية برة هيضطر يغير اثنين بس لانه مش عارف يجيب الشريان اللى ورا ويوقف القلب بتاعة
مفيد فوزى :هل المنبهات تؤذى القلب؟
د/رامى موسى : اه طبعا لانها اول حاجة هتروح للجزء اللى بينشط القلب ده وتخليه يدق زيادة اكيد لو شربت قهوة والا شاى مرة
مفيد فوزى : بالمناسبة هل القهاوى الكثيرة والكافيين المستمر مصيبة؟
د/رامى موسى :خلاص ما اقدرش اجاوب فعلا
مفيد فوزى : ايه عظمة مجدى يعقوب قيمته يعنى يعتبر انت كشاب اشتغلت معاه شفته بعنيك ؟
د/رامى موسى :والله انا يعنى انا اللى شايف ان هو يهتم بالعينيين كثير قوى
مفيد فوزى : بيهتم بالعيان كثير
د/رامى موسى : هو فاتح دلوقتى مستشفى فى اسوان تبع سلسلة اسمها سلسلة الامل اسمها chin of hoppeوالمستشفى دى انشاء الله انا رايحها قريب
مفيد فوزى : دى دولة دى دولة مش كده
د/رامى موسى : اه
مفيد فوزى : الدوله اللى عملاها مش كده
د/رامى موسى : اه اه يعنى مستشفى اسوان الجامعى يعنى الحمد لله رب العالمين الحكومه مديانا كثير هو مولود فى اسوان
مفيد فوزى : اه منشأ بلدة الحقيقى
د/رامى موسى : اه منشا بلدة وعلشان كمان اهالى الصعيد مش واصل لهم حاجات كثير يعنى اللى هيجى فى القاهرة هيروح القصر العينى هيروح والا هيروح الدمرداش
مفيد فوزى : لكن اسوان هيروح فين ؟
د/رامى موسى :بالضبط كده على ما يسافر والابتاع وعلى فكرة متأكد كذا مره يعنى الحمد لله رب العالمين الحكومه مدينا كويس ليه بقى انا عايز ااكد علشان الشباب الشاب اللى مش عايز ينتمى اللى فاكر ان البلد دى مش مدية له حاجات كثير او اللى فاكر انه نفسة يسافر انا فى يوم من الايام كنت بقول نفسى بس اركب ا لطائرة دى اروح بس اى حته بره مصرلما شفت وعرفت ان الموضوع كله مش مادة مش فلوس مش العلم الموضوع كله ان انت معاك اهلك معاك ناسك معاك حبيبك معاك العائلة اللى عشت فيها معاك الناس اللى لو تعبت يأخذوا بايدك اللى لو عييت او فلوسك خلصت مش هتموت من الجوع ممكن فى بلاد ثانية تموت من الجوع معاك المكان اللى تتعلم ويدرس لك فيه ا ساتذة كبار وانت بتدفع 50 جنية فى السنه بتتعلم ببلاش ابتدائى واعدادى عايز تتعلم ما تتعلم وتبقى كويس هتسافر هتسافر والبلد هتسعدك حتى لو ما ساعدتكش انهارده كفاية قوى انك انت عايش وفى مكان كفاية انك عايش بالامن كفاية انك تقدر تنزل الشارع فى اى وقت كفاية ان حواليك ناس
مفيد فوزى : انت واضح انك عشت تجارب فى الخارج ؟
د/رامى موسى :صعبه اه صعبة اى دكتور عاش فى الخارج اكيد حضرتك سافرت يعنى سنه والا اثنين والا عشرة مش هتشوف نفس انت ممكن تبقى ماشى فى الشارع فى اى بلد ثانية انا كنت مسافر فى بلد من البلاد وماسك شنطتين ثقال جدا ولابس بدلة ثقيلة جدا والدنيا حر والراجل بيقول لى امشى من محطة الاتوبيس والشنطة تتفتح منك والناس تعدى من حواليك ما تلم شنطك والناس تعدى ومش عارف ايه عايز حد يشيل fivepound اثنين جنية خمسة جنية طب عايز كباية مية روح اشتريها بقى من اول الشارع اديك بق ميه ليه هو انا اعرفك تبقى فين هنا هنا اول ما وصلت مطار القاهرة بسال العسكرى بق ميه قالى اتفضل يا باشا اللى انت عايزه
فاصل
مفيد فوزى : حد همس فى اذنى وقالى يبدو ان مايكل جاكسون اخذ جرعة منشطات جنسية اكثر
د/رامى موسى :يمكن دى حاجة مشكلة اصل دى كثرت فى البلد قوى
مفيد فوزى : اه اه اه
د/رامى موسى : مش هتكسف يعنى بس كثيرت جدا فى البلد وعايز اقول ان يعنى الموضوع ما هو الا نفسى يعنى كثير قوى من الدراسات لو تسمع اى دواء جديد بيعملوا اية الاسبرين مثلااو اى دواء بيروحوا جيبين ال 100 واحد يدوهم الدواء و100 واحد يدوهم برشامة شبة نفس البرشامه دى بس مفهاش المادة الفعالة ويشوفوا دول هيخفوا بنسبة كام % ودول هيخفوا بنسبة كام %
مفيد فوزى : ده علميا فى العالم
د/رامى موسى :اه فى اى حته
مفيد فوزى : اه
د/رامى موسى :فى اى STUDYيعملوها بالطريقة دى يحطوا كنترول تصدق ان فيه ناس كثير جدا من اللى بيدوهم الدواء اللى مفهوش الماده الفعالة بيخفوا ودى حاجة انا عاوز اقولها النا س اللى يضايقك شوية فى الاعلام بالذات فى الافلام تلاقى مثلا الفيلم اه قلبى ود/ يكشف ويقفل الباب طب ما تعلموا الناس حاجة هات د/ ده شوفة بيعمل ايه ابسط حاجة مثلا ان انا لما واقف فى الشارع مثلا
مفيد فوزى : بيقول ايه بيعمل بيقول ايه العيان بييقولها ازاى ؟
د/رامى موسى : اه قلبى
مفيد فوزى : وبعدين
د/رامى موسى : ويخش الدكتور ومعاه شنطة صغننه كده محدش عارف فيها ايه هههههه
مفيد فوزى : شنطة صغيرة تقريبا بحجم الشنطة اللى بيشلها السباك
د/رامى موسى : هههه اه ا يوا ههه
مفيد فوزى : مش كده ههه
د/رامى موسى : ويخش ويقفلوا الباب وراهم
مفيد فوزى : اه
د/رامى موسى : طب ايه يا باشا بعدين لما بيخرج ورقة يقول ايه
مفيد فوزى : هاتوا الدواء ده
د/رامى موسى : اه ههه وباخد الفلوس وعادى
مفيد فوزى :فهمنا بيتال ايه الحكاية ؟
د/رامى موسى :انا نفسى طب ليه اللى عاوز مثلا مثلا من الاخطاء اللى انا بشوفها لما بابقى ماشى فى الشارع وواحد يقع من طولة ربنا خالق البنى ادم واقف كده الدم اسهل يطلع لرأسة والا ينزل لرجلة ينزل لرجلة فا الواحد لو ضغطة وطى والقلب مش قادر يرفع الدم لفوق يرفع الدم للرأس فوق يقوم ربنا يخلى البنى ادم يقع الدم يتزحلق ويرجع ثانى على رأسة فيعالج نفسة بنفسة فا انت لما تشوفه تعمل ايه قوم يا حاج وتجيب له كرسى وتقعدة عليه يقوم الدم ينزل ثانى وخلاص لكن الصح انك تسيبه وترفع رجلية على حاجة عالية يقوم يفوق على طول وتدى له ملبسة ا و شيكولاته بالذات لو عرقان او سكرة او مريض سكر وكثير قوى مريض سكر وضغط شكولاته او ملبسة هشوفه وقع من طولة ارفع رجلة شكولاته او حاجة لحد ما روح يفطر ويفوق سنة بسنه ويقوم بالراحة ويروح دى حاجة الاسبرين
مفيد فوزى : سؤال قلوب من اكثر جراحة قلوب الستات ولا قلوب الرجالة ؟
د/رامى موسى : مش احنا قلنا الاكل هو المشكلة مين اللى بيأكل اكثراللى قاعدين فى البيت
مفيد فوزى : الستات
د/رامى موسى : اه
فاصل
د/رامى موسى : نفسى لما اعمل حاجة او اخترع تكنيك معين او اعمل حاجة تنفع الناس نفسى يقولوا ادى المصرى اهو ادى المسلم اهو اللى احنا متفقين ان دول دول نامية ما بيعملو ش حاجة اللى دول كانوا بيعلمونا زمان ايام ما كانت اسبانيا الاندلس من 800 سنه ادى اهم بيعملوا من كتبهم من القرأن بتاعهم الحاجات اللى موجوده عندهم من الالاف السنين فا بالتالى يبقى انا رضيت ربنا ورضيت نفسى ورضيت اهلى ويوم القيامة لما اقابل ربنا احس ان انا عملت حاجة كويسة
مفيد فوزى : خلينى اكلم الناس
د/رامى موسى : اتفضل كلمهم
مفيد فوزى :شاب مصرى 25 سنه مساعد من مساعدى مجدى يعقوب ومجدى يعقوب ما بيخترش حد بسهولة اديت له الحق انه يتكلم لانه دماغه مليانه طب وعلم وجراحة وعنده ايمان وعنده رغبه شديدة فى ان ينفع الناس انا قدمت النموذج وحرصت على ان النموذج ده يبقى واحد من نماذج مصرية نعتز بها فى حديث المدينه