يا طير

يا طير يا مهاجر مالك مهموم
مشغول بحالك والا بيه مغموم
صوتك ماله بدل التغريد بيزوم
رايح لجنه والا غيب مشؤوم
راجع لبلدك أم تعيش محروم
أكيد حاببها وتعشق ترابها
تتمنى تزرع توكل ولادها
تبني مصانع تفيد شبابها
تحمي أرضها تحرس حدودها
تعلي فيها وتفرح بجمالها
عارفك جعان والبطن فاضيه
ودي كانت الضربه القاضيه
رزقك قليل والنفس راضيه
أيوه نفسك ومش لاقي فرصه
سروقها منك وسابوها خالصه
بتقول كلوها وفاتوها بايظه
أكترها غلابه والقله هايصه
والحل يا طير نهاجر ونطير
فاكر في الغربه مستني الخير
ياما سبقوك بدل المره كتير
كان يحلم يلبس وينام ف الحرير
لكن صحي ع الواقع المرير
وفهم إن وطنه مليان بالخير
إياك تترك حقك يجبهولك الغير
نصيحتي ليك ولكل الطير
بدل ما نهاجر الحل ف التغيير