عاشق التكتكه (الكيبورد)

اعترف بعلاقتة السرية وانه عاشق لكل ما يمت للكمبيوتر والإنترنت والمجتمعات البديله وأى حاجه فيها زراير عموما تلاقيه زبون دائم عند أصحاب السايبرات ومكاتب تقديم خدمات الإنترنت وفى مدينه صغيرة مثل مدينته ومع إنسان بتفرض عليه طبيعه دراسته
وحياة التنقل فى كل مكان أصبح فى فترة قليلة معروف عند معظم مكاتب الكمبيوتر والسايبرات ومع الوقت حافظ كل سايبر أية أحسن الأجهزة عندة وأحسن كراسى ومع الوقت ظهر عنده إهتمام خاص بوحدة مهمة فى الكمبيوتر هى الكيبورد Keyboard وإكتشفت أنها من الوحدات المهمة جدا وأى خلل أو عيب فيها كفيل إنه يفسد على الإنسان متعة التواصل مع عالمة ظل عشقه الأخير للكيبورد وبدأت
علاقته مع الكيبورد من بداية اقتحامه لعالم الإنترنت كان يجلس فى أى سايبرو مش فاهم أى حاجه فى أى حاجه وكان معيار حُكمه على مدى براعة أى شخص فى التعامل مع الكمبيوتر هو سرعته فى الكتابة على الكيبورد وكان يتمنى أن يكتب ولو مرة واحدة إسمه بدون النظر للكيبورد
وكان دة تحدى كبير بالنسبه له إلا أن سرعته فى الكتابة على
الكيبورد إكتسبها فى وقت قياسي تقريبا بعد 3 أيام من الشغل
على الكمبيوتر قدر يوصل لسرعه معقوله أما الكتابة بدون نظر
اكتسبه بعد سنين من الشغل المتواصل وبعد كتير من المواقف
مضحكه فى البداية مثلا جت له فترة كان واثق إن الكيبورد
مفيهاش حرف ( ذ ) ودة طبعا بسبب وضع الحرف دة فى مكان بعيد عن باقى الزراير كان بيعمل خبير و هو بيشوف الكيبوردات ويقول لصحاب السايبر " هو الكيبوردات عندك فيها ( ذ ) ولا لاء " وطبعا مكنش بيبقى فاهم سبب ضحك كل الموجودين نشأت علاقه حب كبيرة بينه وبين الكيبورد شعر أن الكيبورد هو وسيلتة فى نقل شعوره ترجمه أفكارى لكلمات توصل للناس فى أى وكل مكان ساعد على هذا إن خط إيده أو ال Handwriting
مش حلو وإن الكيبوردات ملهاش خطوط
( إلا لو غيرت ال Font ودى قصه تانية )
وبالتالى لقي فى الكيبورد وسيله للتعبير ومع الوقت عشق صوت ( تكتكه ) زراير الكيبورد وأصبح عنده هوس بالحكاية ويمكن الى يشوفه و هو بيشترى أى كيبورد يستغرب وهو بيطلعها من كيسها وبيلمسها بإيده يمرر
صوابعه على زرايرها فى حوار يتم بين إيديه وبين الكيبورد ومش بيشترى غيرالكيبورد الى بتنجح فى الحوار مع إيده غير إنه لسه محتفظ بأول كيبوردإشتراها فى حياتى حبه الاول مش بيستغنى عن أى كيبورد إشتراها فى يوم- و دلوقتى أصبح السؤال الأساسى فى أى سايبر هل الكيبورد بتاعه الجهاز كويسه ولا لاء ؟
لإن لو الكيبورد مش كويسه دة شىء كفيل إنه يبوظله كل حاجه
حلوة بيفكر يعملها العزف العزف مش الحان وبس العزف ممكن يكون على الكيبورد سيمفونيات من تكتكه الكيبورد وألحان من الكلمات الى بتكتبها الكيبورد
من كام يوم كان فى سايبر وقعد جنبه على الجهاز شاب شكله
لسه جديد فى الشغل على الكمبيوتر فتح الجهاز وقعد مش قادر
يشتغل على أى حاجه بص للولد المسئول عن السايبر وقاله
" لو سمحت هو مفيش عندك كيبورد عليها حرف ( ذ ) ؟
إنفجر كل الموجودين فى الضحك إلا هو ومن غير مايتكلم شاورله على الحرف بهدوء وشعر بمولد عاشق جديد فى حب التكتكه وإفتكر حكايته