الست المصرية

الست المصريه ست عشريه
الست المصريه دايما مضحيه
تقوم من عز نومها الصبحيه
تراعى ولادها وليهم مستنيه
ولمصالحهم وحياتهم هى مواليه
الست المصريه
ولزوجها تسمع الكلام طواعيه
قلبها دايما مليان بالحب والحنيه
لا عمرها كلّت ولا كانت عنديه
ودايما للتضحيه هى مستعديه
وفى معارك الحياه أبسل جنديه
الست المصريه
عايشه حياتها راضيه ومرضيه
ولطريق ربها صاينه ومهديه
وبأخلاقها عاليه وغنيه
عايزه تعيش حياتها فى ودّيه
كل اللى محتاجاه شوية حنّيه
الست المصريه
لكن ياريتها عاجبه...بيقولوا نكديه
شايله الهم وساكته...وبرضه مفتريه
تتخان...وترجع ليها السببيه
تتهان...وماينفعش تكون نّديه
ياعينى عليكى يا ست يا مصريه
الست المصريه
بس حاقولك نصيحه متنّقيه
خليكى بربك وبأخلاقك قويه
وأبعدى عن سكة العصبيه
وبكرامتك وهيبتك خليكى معتّزيه
يصونك ربك ويحفظك آبيّه