توبت خلاص

انى كل مجول توبت
خلاص يا جلبى حرمت
يخدنى الشوج
ويودينى الحنين
حدا البت
عشجتها يا ناس
وف هواها دوبت
وهى ولا على بالها البت
راسى إندارت
وعجلى طار وتوهت
وجلبى ليل ونهار نازل طالع
دج وخبط
وهى ولا على بالها البت
!شتكيتها لنجوم السما
ولطوب الأرض
ولا ف يوم جلبها ليا حن
عنيده جوى جوى البت
عجلى يجيب ويودى
كل شويه أوشوش جلبى
آه لو بطرف عنيها تتلفت
عليا حتى لو بالكدب
يمكن أطمن وأرتاح
وأجول فيه أمل
يمكن تحن وتعشجنى البت
جدمت ليها كتير
جدمت السبت والحد
وباجى الأسبوع لابد ليها
ف الشج
تعبوا العشاج
من السهر وناموا
وآنى سهران طول الليل
ما نمت
والجلب تعبان من كتر الخبط
عجلى يجيب ويودى
وآنى عاخد مع نفسى وأدى
يعدى الليل ويولى
ودمعى من عينى نازل
زى الشلال ع خدى
من كتر البكى والنواح
عبكى على حالى
وجلبى إللى ساح
من نار الشوج
وحر الأشواج
نفسى أسمع ضحكتها
أو حتى بكاها ولوعتها
وهو فيه من أهل النسوه
واحده معتصرخش
معتزعجش
معتضحكش
ولا هى حالفه
تعيش خرصه
متتكلمش
طيب ليه جربتينى منك
مانى كنت ف حالى
بعيد عنك
ليه بعتيلى هواكى
ليه لما كنتى تعدى عليا
ترمينى بالعين و الرمش
وشفايفك تتبسم
ف الروحه والجايه
وعنيكى عتسلم
بغمز الرمش
خطفت منى جلبى
وجرحنى الرمش
أدينى جاعد مستنى
يوم إتنين تلاته
إسبوع شهر سنه
لا هكل ولا أمل
خلاص جلبى بيكى إتعلج
وغرجت ف بحرك هواكى
ومتشعلج
خيرت جلبى
أستنى ولا أجوم أمشى
عنيا عتبتر
بالدموع وعتبكى
والساجيه دايره
عتملى الجواديس وتفضى
ف جنايه عتروى الأرض
كانت ساعة عصريه
شايله بلاصها وجايه
شوفتها جلبى إتخطف
ولما عنيا جت ف عنيها
وشوفت بين رموشها السحر
مجدرتش أستنى
جالتلى يا جدع إستنى
إرفع عليا بلاصى
كنت ناوى تهملنى
وتمشى
لو واخد ع خاطرك منى
علشان خاطرى متزعلش
أنى بس عليك تجلانه
لكن وحياتك عندى
عنيا عليك
جلجانه ومعتنمش
حاسه بيك وبجلبك
وبدموع عنيك
إللى معتنشفش
أتاريها بت الأيه سهرانه
من ورا الشباك بعنيها رجبانى
عتتجل عليا وعتشوفنى
هجدر على عذابها
ولا مجدرش
مفيش فايده ف بنات حوا
جلبها جاسى من جوه
عامله تجيله عليا البت
صعبه جوى وآخر عند
وجلبى خلاص جرب يتهد
وهى ولا على بالها البت
كأن مفيش حد جبالها
شهور سهر وعذاب
والعين إللى تعبت
والجلب إللى داب
طلت عليا بعنيها
وضحكت ضحكه عاليه
وجال أيه عتمن عليا
وتجولى عشجاك
يا حبيب الجلب
آنى من غيظى مردتش
وكأنى إديتها بالكف
جالتلى والدموع ف عنيها
حرام عليك
آنى هموت عليك
معلش آنى
كنت عشوفك
عتحبنى بجد
ولا كنت ناوى تضحك عليا
ولما لجيتك معتنمش
جاعد جبالى ومعتهملش
جولت كده خلاص
إنت إللى ملكت
الروح الجلب