علشان خايف عليكى وعحبك . جفلت عليكى جلبى

جفلت عليكى جلبى
علشان خايف عليكى
خايف تروحى منى
أدور عليكى ما ألاجيكى
سامحينى إنى سجنتك
أنا تعبت كتير لغاية ما لاجيتك
حتى مفتاح جلبى
رميته فى بحر الغرام
مكنتش عارف أنام
كنت يا حبيبتى جلجان عليكى
ممكن دلوكيتى أطمن
حبستك جوه جلبى وبحنانى غطيتك
أوعى تجوليلى بردانه
جلبى ناره جايده وحرانه
إدفى يا حبيبتى وغمضى عنيكى
بس يا حبيبتى أرجوكى
أوعى توجعى جلبى تانى
وتقوليلى طلعنى
أشوف الدنيا من تانى
أنا مش ممكن أفرط تانى فيكى
العيون العفشه كتير
وإنتى جمالك خطير
أنا لو ليا رموش طويله
كنت ف عنيا حطيتك
بس برضه خوفت عليكى
كل إللى يبص ف عنيا
يا حبيبتى هيشوفك
وأنا بصراحه بغير عليكى
ومش عايز حد فى الدنيا يشوفك
عايزك ليا وحدى
جولت مفيش غير جلبى
جواه تستخبى
ومحدش غيرى أبدآ يشوفك
إوعى تجلجى أبدآ وإطمنى
كل ما أجول آه
أسمع مع أهاتى صوتك
ولما قلبى يدج
تعرفى إن الحب
غرجنى جواه وشدنى شد
من كتر شوجى ليكى
عحبك يا بت
بس يا حبيبتى أرجوكى
خليكى جوايا
وإمسكى جلبى بأديكى
وحسى بيه وبحنانه
ماهو كل حنانه ليكى
عشان خاطرى فى جلبى خليكى