امي

عشت عمري كله جوه قلبك
شوفت الحنين كله علي صدرك
سمعت انينك
شوفت تعبك
سهرتي سنينك
لراحة غيرك
بدعيلك
من جوه قلبي بدعيلك
ما انتٍ كنتي شيلاني
وحزنتي لاحزاني
و دايما تدعي علشاني
يبارك ربنا في ايامي
وربي يرفع عني احزاني
وامسح جنينك بحناني
والدموع تغسل آلامي
وسبتيني
عارفه ... يا أمي
لقيت الدنيا مش ليا
لقيت ايامي مش هي
نفسي اضمك في اخضاني
اسمع دقات قلبك الغالي
وساعات يا امي
انظر لسمائي
اشوف صورتك ملاك طاير
عمر صورتك ماراحت من بالي
دايما شيفاكي في خيالي
نفسي
اسمع دعاكي.. اسمع نداكي
نفسي ياامي اشوفك تاني
حتي لو جيتي في احلامي
نفسي اسمع منك دعاء رباني
ليه سيباني
تعالي في كل الليالي
حتي في احلامي
طب ساعه في يوم من ايامي
محتاجه اضمك ياأمي
محتاجه اشوفك
محتاجه حنانك من تاني
وادعيلي يا امي .. ادعيلي
مفيش من بَعدك دعاء تاني
رثاء الي امي الحبيبه