مهندس عبدالرحمن فهمى :كل ما نبعد بنقرب

كل ما نبعد بنقرب!!!
وكل ما بنقرب نبعد!!!
بنصوم رمضان ونصلى
كل ما نبعد بنقرب!!!
وكل ما بنقرب نبعد!!!
بنصوم رمضان ونصلى
ونحج لبيت الله ونزكى
ونقرب.. ونقوم الفجر نستغفر ونسبح
ونقرب.. والدمع لكل ذنوبنا بيمسح
ونقرب.. والصدقة خفية بتطلع سهله
ونقرب.. البر يزيد لأبويا وكمان للحاجه
ونقرب.. نسقيها الميه بايدنا
ونقرب.. واللقمة ليها ندوبها
ونقرب.. ادعيلى يا أمى ادعيلى
ونقرب.. ولو قصرت فى مرة معاك
أنا عارفك هاتسامحينى
وبعدنا يا أمى بسفرك جامد
دوبتى يا أمى منى القلب الجامد
لكن فى قضاؤه
أنا شاكر ربى وحامد
ولنفسى بعاتبها بأنبها
ولكل هواها معاند
مانا تربيتك
وكبرت فى حضنك وف بيتك
شوفتوا يا أصحابى وكل احبابى
اهو كل ما أقرب ببعد
وساعات وكتير
لما ابعد الاقينى بقرب!!!
مش حاجه تحير!!!
هاتقلى ازاى
بص يا سيدى
اتغربت وبعدت
لكنى لاقيتنى بقرب
وحشتنى حياتنا واللمه
والخاله كمان والعمه
وحضنت صورتها
وصورهم وكلامهم
ولمست قلوبهم
وسمعت النبض بقلبى
دى نبضه امى
بوم بوم دايما بدعيلك
بوم بوم و ف نومك
هاتزورنى ياحبيبى وأجيلك
وحبيبتى وام عيالى
بوم بوم بوم فينك ياشريكى
بوم بوم بوم انا فاكره كلامك
انا كلى ونفسى وروحى دى ليكى
بوم بوم بوم بوم فينك عايزينك بابا
وما تنسى تكلم ماما
وتديها رقم الرحله
مش عايز منك لعبه
انا عايزك اشوفك قدامى
وعنيا تبوسك
شفت يابابا الماتش
شفتنا واحنا كبار
شفت عزيمه اخواتنا حمص وزيدان
وصحابنا شوقى و تريكه واخوانه رجاله مصر
شفت وهو بيسجد بعد الجون الله الله
زى سجودهم جوه الجامع فرض العصر
شفت يا بابا ازاى كل مانبعد
تلاقينا قوام تانى نقرب
هاتصدقنى يابابا انا شايفك
طب بص اضحك كده
شوفت اهو قلبى سامعك
وعنيا بتلمس خدك مع قلبك
حاسسنى يابابا ؟...انا حاسك
عرفتوا بقى؟!!
ليه كل ما نبعد بنقرب؟!!