على المصطبة

هذا هو الوفد أين كانوا؟!

عقد مجلس برلمان المصطبة جلسة غير عادية لمناقشة مقال الأستاذ وجدي زين رئيس التحرير للرد على من يهاجمون حزب الوفد ومجلس المصطبة يقول لهم: اسمعوا رأي المواطن العادي الواعي رداً على كلامكم.
ع المصطبةالعضو الفلفوس: قبل ما يقولوا كلام عن الوفد كانوا فين حضراتهم فالوفد كيان رئيس للأمة المصرية منذ ولادة حركة النهضة يعني كده حوالي ميت سنة يعني كنت حضراتكم في اللفة.
العضو النمرود: يا جماعة عندنا لما واحد عاوز يشتهر يقوم يقول كلام وحش في حق كبرات وأعيان البلد، لكن الناس الكبار لا يلتفتون له ولا لكلامه فيقوم صاحبنا يمشي في البلد ورأسه في الأرض من الكسوف لأن الكبار لم يردوا على كلام الصغار.
العضو معيط: اللي بيتكلموا عن حزب الأمة يسمعوا الكلام اللي حا أقوله وهو إن الوفد أيام حكومات الملك منعوا الدعاية للوفد في الانتخابات فكان الشعب يطلع في تظاهرات في الريف ويمسك بغطيان الحلل النحاس ويخبطها في بعضها ويقول يحيا اللي دق دي ولا قالشي ويقصد بذلك النحاس باشا وكلهم من أهل البرلس بكفر الشيخ.
العضو زعيط: قبل ما يهاجموا حزب الشعب يعرفوا أولا تاريخه لأنه حزب الأمة وابن الأمة اللي رفع راية الأمة ودافع عنها ابتداء من فلاح كفر الشيخ سعد باشا زغلول حتى السيد البدوي يعني حزب أصيل حافظ على وجوده حتى أعاده للحياة فؤاد باشا سراج الدين قاتل الانجليز يوم ما كانوا اللي بيهاجموا الوفد في علم الغيب.
العضو نطاط الحيط: ارجعوا للتاريخ وشوفوا كام حزب ظهر مع الوفد وكام حزب فضل واقف على رجليه لغاية النهاردة والباقي راحوا من الوجود يعني إن الوفد حزب أصيل بقيادات أصيلة بتحب بلدها وعيب عليكم تهاجموها يا حاسدين.
العضو بهلول: فاكرين لما في المدارس ونطلع مظاهرات في شوارع المدينة ونهتف ونقول: يحيا الوفد ولو فيها رفد وعساكر المرابطين والخيالة يهجموا علينا ويضربونا ده معناه إن الوفد هو الحزب الأصيل ابن مصر الى يوم الدين وكان زي الشوكة في حلق الاخوان المسلمين.
الرئيس: عاوز أقول كلمة للتاريخ وهى إن الإخوان أرادوا الاحتماء بالوفد فدخلوا مجلس الأمة للمرة الوحيدة تحت عباءة الوفد لكن يا خسارة وترفع الجلسة.
الرئيس
الفلاح الفصيح