"الشعب يريد".. شعارات الميدان!

أصدرت دار العربي للنشر أول كتيب عن الثورة تحت عنوان "الشعب يريد"، يضم الكتاب معظم الشعارات والهتافات والنكات أيضاً التى رفعها وأطلقها المصريون أثناء الثورة، ومثلما استخدمت الثورة الfacebook من أجل تجميع الملايين فى الميادين، استعان الناشر أيضاً بنفس الموقع لتجميع الشعارات عن طريق إرسال دعوة في ليلة تنحي الرئيس طالبا تجميع ما لدى أصدقائه من شعارات سمعوها.
الرئيس ونظامه
أُفرد الجزء الأكبر من الكتاب للشعارات والهتافات ضد الرئيس مبارك وأبنائه ونظامه، منها:
- باعوا الأرض وباعوا الغاز دول عايزين يتحرقوا بجاز.
- عيشوا بشرف جاتكوا قرف.
- قول يا مبارك يا مفلسنا أنت بتعمل إيه بفلوسنا.
- اللى بيكره أهله وناسه يبقى عميل من ساسه لرأسه.
- يا مبارك بص لحالنا اللى مكنش مصدق جالنا.
- يا جمال قول لأبوك المصريين بيكرهوك.
- لا لمبارك الأب والابن لا للفردة والإستبن.
- مش هنمشي من الميدان حتى لو طلقت سوزان.
- بلادو بلادو بلادو مصر لحسني وولادو.
- للبيع بلد يطل على بحرين ونهر استعمال طيار وأبنه.
- أخترناك أخترناك ولما قرفنا مشيناك.
- يلا يلا يلا مبارك يلعب بره.
- باى مبارك موبايلات بقي.
- الرئيس الوحيد الملتزم بحظر التجوال.
- فيلم الرئيس القادم أحمي بيتك بطولة حبيب العادلي والبلطجية.
- اللهم أرفع عنا البلاء والغلاء وأبو علاء.
- الرئيس يحاول احراق نفسه أمام مجلس الشعب مطالباً بتغير الشعب.
- الصحف القومية: ثورة يناير لم تكن لتنجح لولا توجيهات السيد الرئيس.
حضرات السادة الضباط
نالت وزارة الداخلية أيضا الكثير من الهتافات التي لا يستهان بها، وكان منها:
- شعار الشرطة الجديد الشرطة فى عرض الشعب.
- يا أهالينا يا أهالينا الداخلية بتعادينا.
- أبو دبورة ونسر وكاب دول أخواتك مش إرهاب.
- حضرات السادة الضباط على أيديكم كام واحد مات.
- باشا باشا يا باشا يا كبير بينى وبينك فرق كبير أنا واقف لاجل قضية مش مستنى يا باشا ترقية أنا واقف لأجل سجين مش مستنى النياشين.
- ابعت هات مليون شاويش يا حكومة متختشيش.
- خدوواحد خدو مية مش هينسونا القضية.
- هما معاهم ضرب النار واحنا معانا الجبار.
- لفق لفق فى القواضي أمن الدولة واطي واطي.
- اقطع أفصل الجزيرة مش هتفرج على المصرية.
السعودية خسارة فيك
ولأن السعودية كانت البلد العربي المتوقع أن يسافر إليها الرئيس بعد أن سبقه إليها الرئيس التونسي بن علي، فقد جاء ذكرها في بعض هتافات الشعب وجاء منها:
- السعودية خسارة فيك تل أبيب بتناديك.
- يا سعودية يا سعودية جايلك واحد من المنوفية.
- لومش عايز تروح الرياض في جدة الدمام الصين ... الصين حلوة.
- يا مبارك يا مبارك السعودية في إنتظارك.
المنوفية تعتذر
كما شملت الشعارات مقولات للشباب والشعب والجيش ومنها
- هيلا هوبا هيلا هوبا أصحوا يلا تحت القبة.
- أحلف بسماها وبترابها الحزب الوطني هو اللى خربها.
- الشعب أتهان الشعب أتزل بقيت العيشة خل فى خل.
- احنا جيل الكمبيوتر أحنا جوجل وتويتر.
- يا جيش ما تحميش راجل خاين ما بيختشيش.
- يا جيش سيبك سيبك الرئيس مش هيفيدك.
- قوله يا مصري قولها بجد بكرة يبيعوا النيل والسد.
- قالوا علينا شباب سيس وأحنا اللى مشينا الرئيس.
- تعالا بوسني مشينا حسنى.
- دلعو يا دلعو حسني شعبوا خلعو.حلو يا حلو رب العزة زلو.
- المنوفية تعتذر للشعب المصري.
- إحنا شباب الأنترنت أحنا شباب الواد والبت أحنا الفيسبوك وتويتر أحنا بتوع الكمبيوتر قالوا علينا شباب كنتاكي وأحنا يا مصر نزلنا فداكي قالوا علينا شباب فرافير واحنا رجالة التحرير.
إعلانات وأفلام
وثق الكتاب أيضا الجانب الفكاهي من الثورة، والذي جاء إما فى إفيهات أخذت من بعض الإعلانات أو أسماء الأفلام أو البرامج وتم تغيير بعض كلماتها لتلائم الثورة، منها:
- قالوا مجنون اللى يفكر بلدنا يوم تتطور طب فين وأذاى ومنين، قالوا مجنون اللي يخلى حاكم كابس تملي من عام 81 ، قالوا على اللى جالنا وقال أكيد هيكون جمال راح قال حسني خاليكم ساكتين قالوا مجنون اللي يرجع للمصري تاني قيمته ويقنع ناس متكتفين، قالوا الناس مجانين وبقينا فى الميدان بالملايين.
- يعنى أيه نظام الرئيس يعنى مصر تعمل مظاهرات والجزائر تلغي قانون الطوارئ يعنى العساكر والظباط تأخد أجازة نص السنة وأحنا نوقف خدمة طول الليل، يعني أحنا نعمل ثورة والمساجين هما اللى يتحررو يعنى تبقى واقف فى اللجنة الشعبية بتحشش ويجي البوكس تقوم تفتشه.
-غريبة حكاية الريس بتاعنا فاكر نفسه أهم واحد بقرار ينكد على ملايين وبلمسه يضيع شغل أى واحدهى ديه قوته الريس بتاعنا قوته مش أنه طول التلاتين سنه رئيس واحد قوته أنه مطلع تييت (!!!!) أم 80 مليون واحد.
- سينما الثورة تقدم:
الرئيس (غبي منه فيه)
جمال (لن أعيش فى جلباب أبي).
أنس الفقي (أنى لا أكذب ولكنى أتجمل).
حبيب العدلى (وش إجرام)
عمر سليمان (48 ساعة فى أسرائيل).
التلفزيون المصري (العار).
الداخلية (الهروب الكبير).
استيتس هزت عرش مصر
فى بينتا بلطجي.
حرامية فى لندن.
ليلة القبض على عز.
رد نتي.
يا أنا يا حسني.
اللي بالي ماشي.
اللعب مع الإخوان.
مبارك طير أنت.
ومن وحي برنامج "ستار أكاديمي": النومينيز هيدا الأسبوع (رئيس مصر- رئيس ليبيا-
رئيس اليمن).
معندكش أخوات بنات؟
- ائتلاف الشباب السيس يحي ائتلاف شباب التحرير أنهم خلصوا حوراتهم قبل الفلانتين.
- احب أسأل كل واحد أتعدى على تمورة فى الميدان ... معندكش أخوات بنات.
- الرئيس سلم للجيش سلطاته ولكنه لم يسلم بابا غنوجه بعد.
- الصعايدة مازالوا يطالبون حسني مبارك بالتنحي.
- أبليس وقف يوم الجمعة فى ميدان التحرير ساعة الصلاه شاف اتنين مليون ونص بيصلوا راح مصوت وقال يسقط يسقط حسني مبارك.
- ساعدوا أخوانكم فى البحرين يريدون مظاهرة مليونية وعدد السكان 750 ألف.
- واحد بيقول يا ريس انا بعت القيراط اللى حيلتى علشان أوظف الولد ومتوظفش مبارك رد وقاله أنا بعت مصر كلها علشان أوظف جمال ومتوظفش.
- أنجز وأرحل ما صدقنا الزمالك هياخد الدورى.
- مدرب الزمالك: ما يحدث الأن فى ميدان التحرير هو مؤامرة إجرامية من قيادات النادي الاهلى هدفها إلغاء الدورى العام وإفساد مئوية الزمالك.