موسيماني يعلق على رقمه القياسي في نصف نهائي أفريقيا وثنائية بيرسي تاو

علق بيتسو موسيماني المدير الفني لفريق الأهلي على رقمه القياسي في نصف نهائي دوري أبطال أفريقيا كما أشاد بمواطنه بيرسي تاو بعد تسجيله هدفين أمام وفاق سطيف.
وقال موسيماني في المؤتمر الصحفي " رقم قياسي بعد الوصول للفوز الخامس في نصف النهائي ؟ انا هنا مش علشان احطم أرقام قياسية، ومش بنافس حد بنافس نفسي . مش بركز في الأرقام
القياسية اهم حاجة مصلحة الفريق ".
وعن بيرسي تاو " اعرف تاو من 20 سنة وانت بدرب من 21 سنة وعشت مواقف مشابهة لما فريقي يقعد فترة ميسجلش، و قولتلكوا قبل كدا بقلق لو مش بخلق فرص لكننا النهاردة خلقنا فرص وسجلنا ".
وأضاف " لم نتأهل بعد. وفاق سطيف
لن يفرط في حظوظه بسهولة . ومكسبناش علشان اخاطر واريح لاعبيه في فرق كانت كسبانة بنتيجة كبيرة في الذهاب والمنافس قدر يرجع ".
وواصل " لعبنا كويس حتى قبل الطرد وكنا متسيدين المباراة وتحكمنا في مجريات اللعب . عندما تواجه فريق كبير مثل الأهلي ويطرد منك لاعب ستدفع الثمن بالتأكيد وتخسر ".
وعن مباراة النهائي " لعب النهائي ذهاب واياب أفضل؟ مش من مسؤوليتي تغيير القوانين لكن في رأيي في الوضع الحالي لازم تتلعب في أرض محايدة ".