شاهد .. مينا عطا يفاجئ جمهوره بخطوبته

كتب - أحمد أيوب:
نشر الفنان مينا عطا، عبر حسابه الشخصي بموقع تبادل الصور والفيديوهات"إنستجرام"، صوره له وبرفقته حبيبته، وأعلن من خلال الصور خطوبتهم بشكل مفاجئ لجمهوره، حيث كتب قائلاً:"فاكرين يوم ما غنيت ف ستار اكاديمى ( الايڤال الرابع بتاع الامنيات ) اغنية لا تروحى و كانت امنيتى ان البنت الوحيدة اللى حبتها فى حياتى ترجعلى و نكمل حياتنا سوا ! الحمدلله من نعم ربنا عليا النهاردة انى اقدر اقول اننا رجعنا لبعض و اتخطبنا كمان و فرحنا
بإذن الله قرب".
واضاف :"اولاً عاوز دعوة حلوة منكم لينا و ثانياً هما كلمتين احسن من 200 عشان مابحبش اطول، لو ليك هدف ، امنية ، حلم امسك فيه بايديك و سنانك و اوعى تقول مستحيل او مش هيحصل لان ربنا كبير اوى و عالم بنيتك و حالك و بيديك دايماً اللى انت محتاجه و المناسب ليك فى الوقت المناسب ".
واستكمل :"اما بالنسبة ل عشرة
ال 11 سنة حب و اللى استحملتنى كتيييير و وقفت جمبى زمان كتيير اوى قبل اى شهرة و قبل كل حاجة ايام ما كانت بجد الحياة سودة و متقفلة ف وشى و مش عارف احقق اى حاجة احب اقولك ( لو لفيت الدنيا كلها والله العظيم عمرى ما هلاقى زيك و عمرى ما حبيت و لا هحب و لا عرفت حب بجد يعنى ايه غير معاكى ، انتى كل حاجة فى حياتى ، بحبك ".
يذكر أن أبرز أغاني المطرب مينا عطا أغنية"أنا الصاحب"و التي شارك فيها المطرب محمد شاهين،و أيضا أغنية"يلا يلا"التي أهداها لمنتخب مصر و اللاعب محمد صلاح.