أعيدي التفكير في علاقة الارتباط نفسها

في الأول أنا عايزة أشكر الموقع جداً لأني بحب موقع بص وطل جداً لأنه بيحل مشاكل كتير، أنا عايزة حل لمشكلتي، أنا عندي 18 سنة، أنا كنت بحب واحد من سنتين، وكنا مش بنكلم بعض خالص لحد ما جه وكلمني، أنا فرحت لأني بجد كنت بحبه جداً، وكنت مخلصة ليه جداً جداً لحد ما ارتبطنا ببعض وقعدنا 7 شهور مرتبطين، وبعدين اتغير وبقت معاملته ليّ وحشة أوي، وبعدين أنا سيبته لأني ما كنتش عارفة أكمل كده معاه علشان، أنا استحملت كتيير أوي منه.

وبعدين كان فيه واحد عايز يرتبط بيّ هو إنسان كويس جداً وطيب جداً ومحترم، أنا اتشديت ليه، وممكن أكون حبيته؛ لكن حبيبي الأول دلوقتي بيرجع يكلمني وقال لي أنا عمري ما هازعّلك تاني ولا أجرحك؛ لكن أنا مش عايزة أرجع له، وفي نفس الوقت أنا مش قادرة أنساه لأنه أول حب في حياتي أنا مش عايزة أظلم التاني معايا لأنه بجد محترم وكويس. أنا مش عارفة أعمل إيه أنا بجد تعبانة أوي أرجوكم عايزة حل أنا تعبت.

ملك



لو عايز تفضفض لنل دوووس هنا