حدوتة ثورة 25 يناير لم تنته

قالوا جميعاً : نحن من طنطا بمحافظة الغربية.. ثورة شباب مصر فى جسد كل شباب الأمة من اسكندرية الى أسوان .
اختلفت وسائل التعبير من واحد لآخر . . لكنهم اتفقوا على أن الثورة حدوتة واقعية بدأت ولم تنته بعد . . الشاعر محمد مصباح ، عمر البارودى ، عادل صقر ، وجدى السيد ، شباب يتراوح أعمارهم بين العشرين والثلاثين ربيعاً ، انهم فريق " تى إيه يونيت " اشتركوا جميعاً بالكلمة واللحن والأغنية فى حدوتة مصرية عن ثورة مصر، يصفونها بأنها بدأت تتوالى صفحاتها وكلما طويت صفحة تبدأ من نهايتها صفحة جديدة ، الثورة مستمرة وحدوتها لم تنته بعد .
تقول كلمات الحدوتة :
حدوتة ليها بداية لكن ما بتنتهيش
حدوته الشعب ضحى فيها عشان يعيش
دى حكاية تيجى تحكى عنها ما بتتحكيش
لأنى لسه فيها عايش لسه هاعيش
من وسط بلادالعالم من كل شعوب الارض
راح يفضل شعب بلادى صاين لبلاده العهد
فرض ومكتوب ليصونها وان كل الدنيا خانوها
وان شاف الموت علشانها يرضاه لو بيه يحيوه
حدوتة بحكيها بس الخط مش باين
صفحات متقطعة والدم عليها سايل
كلمةامن وامان ممسوحة من الحدوتة
كلمة حب وسلام بقت اكذوبة
ويقولو خلاص خلصت الحدوتة
يوم والتانى وبان ان البستان فيه الف تعبان
وحمامة السلام طلعت مقتولة من زمان
وجوة الزانزنة سكانها ناس غلبانة
وجلادك بيعض فى ولادك وذئاب جعانة واقفة عطشانة
جايز طعم الكلام فى الاغانى بقى ماسخ
بس الظلم خلى سن القلم يكتب وهو عاجز
جايز مبقتش اخاف واستخبى زى زمان
اقتل كمان عشان تكسب نشان
بس الخوف فى عينك بان يا جبان
انزل وطوف وشوف بنفسك فى الميدان
هتلاقى مواطن كل حلموا يعدى ببلدة لبر الامان
ده المصرى ان طال بيه سكوته يسكت وما يستسلمش
ماتبانش الامه فى صوته وكأنه مايتألمش
لكن يوم ثورة غضبه زى المارد جبار
يدفع من دمه وتعبه ويجيب لليل ده نهار
حدوتة اتسطرت سطورها بدم كل شهيد
حدوتة شعب كتب بدمه لبلده عمر جديد
حدوتة شاب رصاصه فى قلبه والعلم فى الايد
كان زنبه انه يوم وقف و قال الشعب يريد
حدوتة من سطورها بكت كل صفحه فيها
حدوتة متتنسيش لو مر مليون سنه عليها
حدوتة اتكعست ادورها طب مين الصح فيها
حدوتة فى الحرامى مجسد دور حاميها
ركز فيها هتلاقى معانى غامضه بين سطورها
مهما كان الغموض هتعرف برده مين بطلها
ميدان و زمان شاهد و دم اتكتب بيه السطور
وقلب امه نبض من بعد ماكان فى ضمور
و رجع للصبيه بهيه شبابها بعد ما شابت
نور الحريه سطع صحى عقول امه ماتت
حاولو يوجدو معانى للفتنه ما بين سطورها
كتبو كلمه خاين شطبو على كلمه بطلها
ده الحدوته بين ادينا امانه لازم متتنسيش
الحدوته مات بطلها عشان عداله و لقمه عيش
الدم ادفع ضريبع عشان تبقى يا مصر حره
و طول ما فينا دم هتبقى الثوره مستمره
من وسط بلادالعالم من كل شعوب الارض
راح يفضل شعب بلادى صاين لبلاده العهد
فرض ومكتوب ليصونها وان كل الدنيا خانوها
وان شاف الموت علشانها يرضاه لو بيه يحيوه
من وسط بلادالعالم من كل شعوب الارض
راح يفضل شعب بلادى صاين لبلاده العهد
فرض ومكتوب ليصونها وان كل الدنيا خانوها
وان شاف الموت علشانها يرضاه لو بيه يحيوه
مانا المصرى دايما راح افضل واكون
كرامة وشجاعة ودمى يهون
واقدم حياتى وافدى واصون
واصون مصر دايما بروحى وجسد
افنيه ولا ابالى واعاقب من فسد
واقوم بثورة ليكى بقلب الاسد
لجل اما ارد ليكى زمان الانتصار
من بعد عمر فانى قضيته فى انهيار
وتخرج الاغانى بعد الويل والدمار
واجيلك النهاردة يا بلادى ليكى دين
عليه ليكى وردة و بوسة للأيدين
عشان سيبناكى شارده وطالت السنين
واقول حقك علينا يا مصرنا خلاص
كل اللى جاى ده لينا شعبك ده ليه ميراث
يلا نشمر ايدينا بالجهد وبالحماس
ونعلا بيكى تانى بالكيد فيمن حسد
دانا افنى عمرى كله واعاقب من فسد
واقوم بثورة ليكى بقلب الأسد