سما المصري تقصف جبهة شيرين ردًا على "البلهارسيا في النيل"

كتبت - بوسي عبدالجواد:
شنت الفنانة الاستعراضية سما المصري هجومًا حادًا على الفنانة شيرين عبدالوهاب، عقب إساءتها لمصر، أثناء إحياء حفلها الأخير بلبنان، حيث ردت شيرين بلهجة أهانت فيها بلادها على إحدى المعجبات التي طالبتها بغناء أغنية "مشربتش من نيلها"، فردت عليها "هيجيلك بلهارسيا".
وكتبت المصري عبر حسابها على انستجرام: "إن كنتوا نسيتوا اللى جرى، الله يرحم أيام الكحرتة، الأخت الفنانة شيرين فى واحدة فى حفلة طلبت منها أغنية "مشربتش من نيلها" فردت عليها وقالت لها "هيجيلك بلهارسيا"، اشربى "مياه أحسن".
نشرت المصري صورة لشيرين فى بداية مشوارها الفنى، قائلة: "دى صورة الأخت الفنانة شيرين أيام ما كان عندها بلهارسيا، أيام ما كانت بتشرب من ميه النيل قبل ما تتعلم إنجليزى، وتعرف تقول اسم الميه المعدنية بالإنجليزى، اللهم يرحم كنتى زمان، وكنتى فاكرة الكريسماس آيس كريم، انتى اللى قلتيلى كده.. فاكرة؟".
وتابعت سما: "بصى أنا مش هقولك مصر اللى عملتك، ولا مصر اللى نضفتك زى ناس كتير ماهتقولك كده، لا سمح الله، لا أنا هقولك ميه البلهارسيا
دى بتاعت مصر، عارفة يعنى إيه مصر ولا مش عارفه؟ هى المياه دى اللى خلتك شيرين، والعيب مش عليكى العيب على اللى لسه بيقول عليكى فنانة ونجمة، وانتى طايحة فى خلق الله، مرة عمرو دياب، ومرة شريف مدكور، وصوتى لعساف ضد أحمد جمال ابن بلدك".
ووجهت رسالة لها شديدة اللهجة قائلة: "بصى يا بنتى أنا عارفة إنك بتحبى لبنان عشان ماعندهمش بلهارسيا زينا، ريحينا منك ومن لسانك على الناس وعلى مصر اللى بقى يقل أدبه حتى على مصر اللى ربتك، وروحى عيشى فى لبنان، والله هنكسر وراكى زير، بلد البلهارسيا ماتنفعش تعيش فيها واحدة زيك بتاعت مياه معدنية وفساتين براندات وبارفانات وحاجات، سيبى دا للغلابة، فاكره مطعم.... اللى فى المنيل اللى نصر محروس أخدك منه وانتى بتغنى هناك بالشبشب أبو وردة؟ لسه موجود المطعم ويشهد إنك كنتى مش لاقيه حتى تشربى ميه البلهارسيا، لا انتى عارفة كنتى بتشربى مية إيه".
A post shared by سما المصري (@samaelmasrii) on Nov 13, 2017 at 5:08pm PST