بالفيديو.. أحمد موسى مهاجمًا هيثم الحريري: عاملنا فيها اللى ماجابتوش ولادة

هاجم الإعلامي أحمد موسى، النائب هيثم أبو العز الحريري، بسبب ما جرى اليوم خلال جلسة البرلمان، وتطاول "الحريري" على الدكتور علي عبد العال رئيس المجلس.
وقال "موس" خلال برنامجه "على مسئوليتي" على قناة "صدى البلد"،: "يبدو أن هناك بعض النواب عايزين يسيئوا لبرلمان المحترم، منذ دقائق حصلت مشكلة في البرلمان وكأنه سيرك، والناس قعدت تتنطط على الكراس والمقاعد وطنطاوي عايز يضرب الحسيني ومش عارف ايه".
وتابع: "الحريري بيتطاول على رئيس المجلس، انتوا في برلمان مش في سيرك، يبدو أن بعض النواب مش عايزين يجيبوها البر، وهيثم الحريري ابن امبارح بيقول للدكتور علي انت ما تعرفش حاجة في اللائحة، متخيلين مدى الاستهانة برئيس مجلس النواب".
واستطرد: "هيثم ابن ابو العز الحريري عاملنا فيها اللى ماجابتوش ولادة يعني، ياعم انت ما عملتش حاجة مفيدة من يوم ما دخلت المجلس غير فرد عضلات وخناقات، ازاى تطاول على رئيس المجلس فين الأدب، عيب يا جماعة".
شاهد الفيديو: