فيديو.. لحظة طرد فريق "العاشرة مساءً" من عقار الشرقية المنهار

انفعل أحد أقارب ضحايا عقار الشرقية المنهار، بعد تأخر قوات الحماية المدنية عن الوصول لموقع الحادث، وترك الأهالي تحت الأنقاض بعد سقوطه مساء أمس الإثنين، في ظل غياب نواب البرلمان.
وقال خلال لقائه مع برنامج "العاشرة مساء" المذاع على فضائية "دريم" والذي يقدمه الإعلامي "وائل الإبراشي": "سيبوا الناس دي لإنك لو متكلمتش معاهم مش هيلاقوا حاجة يصوروها أو يتكلموا فيها فنسكت ونشوف شغلنا إحنا، لأننا في بلد مش بتشوف شغلها".
وتابع "مش عايز اي حد يكلم أي إعلامي في البلد، محدش عبرنا لحد دلوقتي، إحنا لو شلنا طوبة طوبة كان زمانا خلصنا، مش عايز حد في الإعلام يصور أو يتكلم مش عايزكوا تهيصوا في الهيصة، نقلكوا مش عاملنا حاجة".
وأضاف "مش عايزين حد إحنا هنحل الموضوع بنفسنا، لكن محدش هينفعنا ولا أعضاء مجلس الشعب، انتوا لو بناتكوا جوا مش هتعملوا كده ولا هتصوروا، اقفل كاميراتك وغور".
شاهد الفيديو..